انقذوا غريق

+
بسم الآب و الأبن و الروح القدس إله واحد آمين .
أنا عندي تركيبة مهلكة من الخطايا الصعبة اللي تعباني في التفكير ليل و نهار عشان اخرج منها
انا لما كنت الاحظ الخطايا الكتيرة اللي بقع فيها من شتايم كنت باقول اتوب و احاول اني اصلي و اقرا الكتاب المقدس و اخلي نفسي انسان مسيحي بمعنى الكلمة , الاحظ ان كل اللي باعمله تصنع في الكلام و طريقة التعامل و التلذذ بالصلاة لكن مفيش تغيير جوه وارجع اقع في شرك الخطية وللاسف توبتي ماكنتش تكمل الأسبوع و حاولت اتوب كذا مره و مفيش قايدة و يأست و قلت اعيش عادي و السلام و لكن من جوه عارف ان انا موجود لهدف عظيم و لكن دلوقتي دخلت على خطايا انيل و انا كنت عارف ان الخطية بتجيب خطية .
و هارجع لاول الرسالة ,الخطايا اللي انا انا حاسس انها عندي :شتائم و استهتار روحي و ضعف إرادة و عدم تدقيق و ادانة و العادة السرية و التقيلة اهيه :باحس اني لما باصلي باكلم حد مش موجود او مش سامعني او مش مهتم بيا مع متأكد ان ربنا موجود باحس لو باشارك في طقس ديني بيكون نوع من النفاق لأني انا حاسس بأؤدي الطقس الديني إرضاءاً للعيلة و كده و انا متأزم من النوع ده من الناس اللي عيشتها في الكنيسة حاجة و في بيتها حاجة تاني
و لكني عارف ان ربنا اقام ابنة يايرس اول ما ماتت و ابن الأرملة في الطريق للدفن و إلعازر لمانتن في القبر .
اكرر النداء : انقذوا الغريق