[حبيب المسيح]

بصراحة موضوع جرى جدا انة يتناقش فى المنتدى ويريت نعطى اهمية اكبر للموضع لانة فعلا يستحق الاهمية وانا رايى فى الموضوع مش حرام واحنا معندنش حرام احنا بنقول يليق او لا يليق احنا نقلل المعاشرة وحسب اتفاق الزوجين و دى اهم نقطة علشان فترة الصيام بتكون فترة روحية اكتر منها شهوانية اما موضوع التناول دة طبعا مرفوض تماما قبل وبعد التناول على الاقل 12 ساعة ودة راى بعض الاباء الكهنة و شكرا على الموضوع

[fam_marcos]

الكلام فى هذا الموضوع احيانا يحكمه ( السن ) كما راينا فى اغلب التعليقات !!
لكنى اقول فتشوا الكتب اقراوا التفاسير ؟؟

باختصار شديد
عدم الصوم هو خطية
المعاشرة الزوجية ليس شهوة مثل الاكل ؟؟
الاكل هو شهوة جسد فقط
اما المعاشرة شهوة ( نسل +حياة+بقاء+كيان +تعبيرالمحبوب واخيرا شهوة حسد )

ليس حراما او ممنوع حاشا ا نما
ايام الصوم كلها قداسات وبالتالى لابد ان نتفرغ من حياة الدنيا اكثر لكى نتقرب لله كثيرا
ونكون مستحقين ان نتناول من جسده المقدس ودمه الكريم
و ا ئلا ما الفارق جسد ودم المسيح و الا كل المادى للجسد

لا يسلب احدكم الآخر الا ان يكون على موافقة الى حين لكى تتفرغوا للصوم والصلاة ثم تجتمعوا 1كو 7 -5: 6

كيف تكون مع امراتك ثم تتناول جسد ودم المسيح ؟؟؟؟؟؟ انتم هيكل الله---------
هذا محلل ومقدس من الله ( فى بيتك ) !!!!!!!!!
من يتقدم الى هيكل الله لم يكن متنجسا لا مع النساء ولا اى خطية ---- لان كل خطيه هى نجاسه
وعدم الصوم خطيه والخطية نجاسة ولا يستحق التناول من جسد ودم المسيح
وان فعلت ذلك لا تستحق ا نت وامراتك التناول فى اليوم التالى ؟؟؟؟؟؟؟؟؟ علما !!!!!!!!!!
اليوم يحسب من غروب اليوم السابق ؟ مثلا يوم الاحد يحسب من غروب السبت
ولا تفعلاها بعد التناول ؟! وكيف تجتمعا وأنتم هيكل الله-----
الموضوع اكثر من ذلك كثيرا ---- وكل كلمة لها شاهد وتفسير

[mh_2781998]

وانا من وجهة نظرى ان المعشرة بين لزوجين فى الصيام
تكون على فدر المستطاع انها تكون قليلة لابد وان يقنن شوية فى فترة الصيام عشان واحنا صايمين بندرب على التدرج والنمو الروحى فالروح لاتتقابل مع الجسد لان الروح بتشتهى ضد الجسد واحنا فى الصيام عاوزين ننمى شهوة الروح للربنا ونقلل شهوة الجسد وعلى فكرة احنا معندناش حرام وحلال احنا عندنا كل الاشياء تحل لى ولكن كن ليست كل الاشياء توافق وربنا
يبارك حياتك وميرسى على الموضوع دة

[د/ مايكل]

أنا قرأت الموضوع وكل الردود حتي الأن .... تقريبا الجميع أجمع أنه مش حرام ولا ممنوع لكن برضه الجميع حط قيود وصلته لحد الحرام والممنوع .. قبل التناول حرام وبعد التناول حرام وقبل القداس حرام وكل يوم في الصيام قداس .... بإختصار كده أقدر اقول الكل عاوزه بس يعني مكسوف ...... ماحلله الله لا يحرمه إنسان .... علي فكره أحنا كده قربنا قوي نفكر زي الناس التانيين ... دخول الحمام بالرجل اليمين والا الشمال .... ياجماعه إحنا معندناش فقه ولا سنه ولا تشريع إحنا دينا سهل وبسيط وإحنا اللي بنعقده والصيام مش موضوع حرفي قوي كده علشان نقول ايه حلال وايه حرام في الصيام الصيام صيام قلب وفكر وضمير وأعتقد أن علاقة الراجل بزوجته لا هي ضد القلب ولا الفكر ولا الضمير أنتو كده قربتوا تحرموا الزواج نفسه

[د/ مايكل]

أيه رأيكم نتكلم في موضوع تاني أكثر جرأه ؟؟؟
سمعتم محاضرة سيدنا البابا الأخيره ؟؟ فيه واحده بعتت سؤال بتقول أنها بتعترف لأحد الرهبان علي الموبايل وبتاخد منه الحل بالتليفون وبتسأل هل ده صح ولا غلط !!!!!!!!! طبعا سيدنا البابا قالها ده 100 غلط في بعض
الموضوع بقي تقولولي بصراحه رأيكم في علاقة البنات بالرهبان وياتري عاجبكم لزقتهم في الرهبان بدون مناسبه وهل رهبنة الراهب كده تبقي صحيحه ومتقولوليش أنهم محروسين بالروح القدس أسف الراهب في الأول وفي الأخر راجل هايحس ولو قاوم 100 مره في الأخر هايستجيب ... طبعا موضوع جرئ مستني ردودكم علشان هافتح موضوع تاني مرتبط بيه ودي حقيقه شوفتها بعيني

[alber helme]

اولا : من الواضح ان كل المشاركات من مراقين لان هذا الموضوع لا يناقش بالمنتديات. والا لما كان هناك سر الاعتراف. ثانيا: وحسب اعتقادى ان الصوم عبارة عن اذلال للجسد وال... هو محاربة للروح ضد الجسد والا بقينا ذى الناس اللى تصوم لفتره معينه من اليوم وبعد الافطار كل شئ مباح . وقد سألت احد الاباء الرهبان عن ذلك فاخبرنى بان الحل ليس معناه عمل هذه الافعال اثناء الصيام ، انما الحل من الصيام ذاته .
ثالثا : ذكر بعض الاخوه أن الصيام حوالى نصف العام ... الخ . فماذا يفعل الرهبان الذين يهبوا حياتهم ماجسادهم لخدمة الفادى بل على العكس نرى الكثير من المعجزات تتم بشفاعتهم سواء كانوا بالجسد او بعد نياحتهم . ارجوا من الاخوة الاحباء قراءة بستان الرهبان كما انه موجود على المواقع المسبحية مسموع لمن يمل القراءة .مع شكرى وتقدريرى

[مارى ممدوح]

انا ممكن اقول رائى بصراحه
الموضوع ده بيختلف فيه ناس كتير لكن انا بقول انه مش حرام علشان مفيش حاجه قدسها ربنا ممكن تكون حرام وبعدين ابونا بيسلم العروس للعريس قدام المذبح ليقدس كل علاقه بينهم لذا يستحيل تكون غلط او حرام لكن البعض بينصح بعدم المعاشرة الزوجيه اثناء الصيام وده بيكون الغرض منه تقديس الصوم والكلام ده يختلف من شخص لاخر يعنى مينفعش انه يكون عريس جديد واقوله متقربش من مراتك وكمان بيكون حسب القدره الجسديه وانا معاك فى ان الواحد لازم يمتنع عن المعاشرة الزوجيه قبل التناول وذلك كما يمتنع عن كل ما هو جسدى من طعام وشراب وغير ذلك

[saboor]

المشاركة الأصلية كتبت بواسطة andro dodo هل يوم الخدمة فى يوم اجازتة؟ لو فى يوم اجازتة محتاج لامراتة تكون بجنبة للتكلم فى شئون الحياة وتحضر لية الفطار فلو ذهبت الخدمة هتقعد من الساعة السابع صباحا الى الساعة واحدة ؟ وحتى لو كدة اى يعنى لم يقعد كم ساعة لواحدة وممكن تقنعوة بالتفاهم ليس بالعند ان يخدم معها وبالتالى هيكون فى مشاركة مع بعض اما ان كان خدمتة فى يوم عملة فليس من حقة ان يمنعة الخدم دى حاجة جميلة جداااا يريت كل انسان يخدم ربنا ويريت هذا العريس ليمنع زوجتة من الخدمة لان هتكون سبب بركة كبيرة لبيتة ولية ولاولادة فيما بعد ممكن تستشير الاب الكاهن؟

الجرئ جرئ حتى لو حطو على باب بيته صاروخ
كانفسى ارد على كلامك باشعارى زى ماعرضته
لكن رايك جميل متوافق جدا مع افكارى ولااعتراضته
بس يعنى ساعة خدمه هتعمل ايه فى يوم اجازته
ده ممكن كمان هو يخدم ويساند خدمة زوجته
وميوقفش المراكب السايره بحجة هايفه من سيادته
انه عايز يقعد معاها ويناقش امور حياته
وكمان ما توصلش للمنع من الكنيسه نهائيابقرار عظمته
وضرب واهانات واقلام تنزل الى وجه جميل ربنا خلقه
العمليه مش رجوله لما تمنع من الكنيسه زوجته
وعجبى saboor

[القديس مارمينا]

انا بشكرك جدا على الموضوع المهم اللى اثرتة دة لانى من ضمن الناس كنت بحتار حرام ولا مش حرام المعاشرة الزوجية فى الصيام بس انا شايفة مش حرام لانة كمان الصيام تقريبا 3/4 السنة وانا معتقدش انى فى حد ممكن يبعد المدة دة كلها عن مراتة او ست تقدر تبعد عن جوزها وميرسى جدا على مناقشة الموضوع المهم دة

[momenn]

اولا يا جماعى انا متشكر جدا انكم فتحتوا الموضوع ده ولكن قبل ما نفكر بعقولنا احنا لازم ولا بد من تدخل احد الاباء فى الرد على الموضوع لان انا لاحظت ان الردود كلها اجتهاديه وعلشان ماحدش مننا ياخد الموضوع شخصى او حسب هواه يبقى فعلا لازم رد كهنوتى بحت حتى لا يخطىء احد وشكرا جدا ليكم وياريت اى حد من الاباء المكرمين يردوا علينا باسرع وقت واسف جدا لو رايى معجبش احد بس ياريت الرد قبل الصيام ما يخلص علشان الناس تاهت........................ سلام ونعمه