[SAMOOOOO]

معلش ياجماعه فى اسئله وافكار بتيجى فى دماغى بس لما بدور على اجابتها مش بعرف اوصل لحل
فقولت اطرحها عليكم ونتناقش فيها ونستفيد كلنا

سؤالى المره دى غريب شويه

ليه احنا والكنيسه بنبقى حزناء رغم ان السيد المسيح قام

المفروض ان السيد المسيح قام مره واحده وخلاص وهو حاليا فى السما
المفروض اننا نبقى مبسوطين بقيامته الى اخر الايام
والمفروض ان ميبقاش فى الم وحزن بعد كده
ليه احنا بنعمل ذكرى اسبوع الالام رغم انه حاليا ملك الكون وفى السما
المفروض بعد قيامته دى ميبقاش فى حزن

يارب تكونو فهمتو سؤالى صح
ومستنى رايكم ومناقشتكم
ربنا يكون معاكم

المصدر: †† ارثوذكس †† - من قسم: سؤال وجواب

[aymonded]

سلام لنفسك يا محبوب ربنا يسوع والقديسين
إننا نحتفل بأسبوع الآلام كأسبوع خلاصنا في روح القيامة ونسير مع المسيح في ذكرى آلامه المحيية ، وأن لم نحيا روح القيامة فباطل هو إيماننا كما قال القديس بولس الرسول :
+ و إن لم يكن المسيح قد قام فباطلة كرازتنا و باطل أيضا إيمانكم (1كو 15 : 14)
+ و إن لم يكن المسيح قد قام فباطل إيمانكم انتم بعد في خطاياكم (1كو 15 : 17)

ونحن في أسبوع الآلام نحيا حياة العبور ، ولا نبكي على آلام المسيح كما يظن الكثيرين المنفعلون عاطفياً بآلام المسيح فشوهوا صورة عمل الرب وحولوه لشكل عاطفي حسب الجسد متأثرين بشكل الآلام التي تصورها الأفلام ، وهذا ليس من تقليد الكنيسة ولا فكرها الروحي ، حتى أن الرب يسوع لما رأى بكاء بنات أورشليم الذين تأثروا بالموقف عاطفياً حسب الجسد قال لهم :
+ فالتفت إليهن يسوع و قال يا بنات أورشليم لا تبكين علي بل ابكين على أنفسكن و على أولادكن (لو 23 : 28)

فينبغي أن نتعمق في عمق آلام الرب يسوع التي صارت معبرنا لخبرة القيامة ، والهدف كله أن تستيقظ قلوبنا ويعرف كل خاطئ وكل مؤمن سرّ قوة الخلاص والفداء طالباً أن يتذوق خبرة :
+ مع المسيح صلبت فأحيا لا أنا بل المسيح يحيا في فما أحياه الآن في الجسد فإنما أحياه في الإيمان إيمان ابن الله الذي أحبني و اسلم نفسه لأجلي (غل 2 : 20)
+ لأعرفه و قوة قيامته و شركة آلامه متشبها بموته (في 3 : 10)
وأن نصل لهذه النتيجة :
+ و هو مات لأجل الجميع كي يعيش الأحياء فيما بعد لا لأنفسهم بل للذي مات لأجلهم و قام (2كو 5 : 15)

فينبغي أن نعيش لا مجرد تأثير عاطفي إنما ندخل في عمق عمل الله ونطلب أن نتذوق على مستوى الخبرة هذا العبور العظيم مع المسيح إلهنا الحي القدوس ...

والكنيسة الواعية بالروح القدس وضعت أمامنا هذا الكنز الحلو الذي لربنا يسوع ، في قراءات النبوات والأناجيل ، وهي تعتبر أناجيل الخلاص ، حتى ننتبه لعمل الله وندخل في هذه الأيام في خبرة تذوق الخلاص ولا تفوت علينا وتعبر عبور عادي وننسى فيه عمل الله الحلو للغاية والتي صار فرح حقيقي لكل خاطئ وكل حزين ...

+ و إن كان روح الذي أقام يسوع من الأموات ساكنا فيكم فالذي أقام المسيح من الأموات سيحيي أجسادكم المائتة أيضاً بروحه الساكن فيكم (رو 8 : 11)

النعمة معك يا صديقي الحلو محبوب ربنا يسوع والقديسين
بركة هذه الأيام المقدسة تكون معك ومعنا جميعاً
ونخرج منها مملوءين من ثمرة آلام يسوع
قوة أمجاد قيامة لا تزول

[SAMOOOOO]

بصراحه ردك مقنع جدا يا استاذ ايمن وانا بشكرك كتير

وربنا يكون معاك

[aymonded]

المشاركة الأصلية كتبت بواسطة SAMOOOOO بصراحه ردك مقنع جدا يا استاذ ايمن وانا بشكرك كتير وربنا يكون معاك

ومعاك يا صديقي الحلو
وتتذوق عمق خبرة مجد الآلام في روح قيامة يسوع من الأموات

[dona310]

مشاركه جميله وعميقه يا أستاذ ايمن واحب ازود علي كلامك كمان ان قصه الصلب مش قصه حصلت وانتهت لا الموضوع اكبر من انه يبقي مجرد قصه ده خلاص ابدي بيحصل كل يوم وكل واحد لما بيعمل خطيه فهو بيصلب المسيح من جديد وقداس كل يوم ده اعلان عن خلاصنا من خطيتنا اللي احنا بنتوب عنها ( سر الاعتراف ) والمسيح طلب مننا ان نحمل صليبنا ونتبعه فلكي نصل الي المسيح يجب ان نسير معه الي الجلجثه لذلك نعيش معه القصه في حياتنا من البدايه منذ تجسد المسيح من العذراء مريم الي الصعود وليس ماتفعله الكنيسه مجرد زكري مثل مايعتقد البعض ( هذا اصنعوه لذكري ) والدليل ان نتناول جسد ودم حقيقي كل يوم في القداس .
( ده رأي الشخصي ياريت لو في حاجه غلط ياريت حد يرد عليا ويصححهالي )
وشكرا علي الموضوع الجميل ده

[مايكل عبد الشهيد]

ياعنى بيكون اكننا بنحس بشعور الزمن والمكان رغم اختلافه ولما بيكون الحزن شديد بنشعر بقيمه الفرحه مضاعفه

[ميري 222]

اهلا بيك ..انت ديما بتفكر نفس تفكير غريب اوي تفكيرنا انا كتي بس مطلعه ممكن يكون عيد ميلادنا زي بعض ليه لا؟؟!! انا عندي 15سنه

كنت ببحث في قوقل

عن إجابه لسؤالك لقيت حاقة أو كلمات مش عارف من فين ..

بس حيت بحاجه غريبه اوي في قلبي ...

وبكيت كتيييير أوي مش عارف تفسير ده ايه..

يارب

فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا استغفر الله

دايما بكون بعيد عن الكنيسة وكل يوم بصلي بيتي