[sharsharl]

ردا على الاستاذة مرمورة ا الانسان يعيش فى مجتمع وليس فى الصحراء وان الانسان يرتبط بانسانةقد تكون اصدقاء زمالة يعنى اوانسان كان سيرتبط بها وعمل جىبنيوت وتركوا كلاهما الاخر لعدم ارادة الله فى جميع تلك الحالات ليس لى اية الاطراف حرج لان الانسان فى سعيه فى موضوع لايعنى انه سيوفق من اول مرة ومن الزيجات الناجحة هى التى يختار اولا اصدقاء ثم تتحول صداقة معينة الى ارتباط لان الانسان الناجح هو الذى يختار شريكة حياته طباعها من طباعه اى صديقته فى تناغم كلاهما معا داخل اطار الشرعية والكنيسة واب الاعتراف ويمكن ان باقى الصداقات فعلا تكون صداقات طيبة تستمر بعد الزواج فى موافقة الطرفان معا على الاصدقاء المهم ان يكون الانسان كلاهما فى صراحة تامه مع نفسيهما ومع الاباء واب الاعتراف

[جولى مينا]

الحقيقة دايما الواحد بيخاف من موضوع الصداقة بين الولد والبنت لان كل واحد بيفهم اللى قدامه على حسب تربيته وبيئته وثقافته علشان كدة افضل ان الداقة بين الولد والبنت تكون ليها حدود معينة لا تتجاوزها وخصوصا انى عند بنت لازم دايما انصحها انها ما تتعداش حدودها مع صديقها لما تكبر حقيقى موضوع حلو جدا يا ريت تكمله علشان نستفيد منه كلنا

[بارى]

سلام ونعمة شكرا للموضوع الجميل دة يا بيشوى بس انا من رايى لا توجد صداقة بين الولد والبنت فى المجتمع اللى احنا فية لانة بيرفض الفكرة تماما واى بنت يتصادق الولد ينظر ليها المجتمع بعدم احترام خصوصا فى الصعيد والرب معك

[HooK]

من خلال خبرتى فى الحياة استطيع ان اؤكد انه لا توجد صداقة بين الولد والبنت وخاصة فى مجتمعنا هذا .
ولكن هناك زمالة حقيقية اما صداقة فلا يوجد ولا انصح بها لاننا لسنا بالنضج لا النفسى ولا الاجتماعى ولا الجنسى الكافى لصنع مثل هذه الصداقة .
تحياتى

[بيشوي تامر جيد]

انا بشكر كل واحد رد علي الموضوع وفعلا الردود افادتني جدا بس
ازاي تتم الصداقة أو بمعني أصح الزماله بين الولد والبنت يعني إذا كنت ولد لو بنت كانت حابه انها تبقي زميلتك عادي من غير اي مشكله ايه تعمل البنت دي علشان تصادق الولد ونفس الحكايا مع البنات لو ولد حب يصاحب بنت ايه يعمل علشان يصاحبك علشان في ناس كتير جدا بيبقي عنديهم خجل فظيع جدا في الموضوع ده وبيحس ان هو إذا قال لبنت صباح الخير كدة البنت هتتخيل انه بيعاكسها هو في نظره كدة فا البنات اللي تدخل تقول ازاي الولد يصاحبها من غير اي احراج او خجل ونفس القصة الولد يقول ازاي البنت تقدر تتعرف عليه كل واحد يدخل يقول ازاي تتم الصداقه معاه يارب تكونوا فهمتوني وانا اسف علي الإطاله وربنا معاكم
اذكروني في صلواتكم

[david201050]

في مجتمعتنا العربية والمتخلفة دية مفهوم الصداقة بيقي شي تاني يعني لوواحدة واقفت مع واحد الناس متطبلش عليها كلام ولاا عليةودية ع فكرة ثقافة عربيةمتخلفةوربنا يرحمنا من التخلف دة

[twaty]

بجد موضوع حلو وانا من وجهة نظرا
طالما ان الزمالة او الصداقة فى حدود مفيش مانع
وكمان فى حاجة ان الصداقة متتعدش اطار المسيحية فى
الاحترام والمحبة والاخوية
ميرسى بجد ليك وربنا يبارك حياتك

[بيشوي تامر جيد]

أنا بشكر كل اللي شارك بس
يااااااااااااااااا شبااااااااااااب انا عاوز حد يرد علي سؤالي
ازاي تتم الصداقة أو بمعني أصح الزماله بين الولد والبنت
ياريت ألاقي أي إجابة

[W!&@]

الصداقة او الزمالة بتكون فى حدود بين الولد والبنت وانا مع راى توتى فى كلمها كالو بس ازاى تتم بتكون داخل الخدمة بتعتك على حسب المجموعات اللى بتتقسم واحينا فى يوم مفتوح اى حد بيتعرف على اى حد بس برضو فى حدود بس لو هى بتتعرف عادى او تصحب ولد لو كانت غير كدة يبقى بلاش تتعرف عاليها علشان سعتها هتخد منك موقف ولو فى مجموعة بعد كدة مثلا وانت فية مش هتحضر علشان انت موجود لازام تتاكد انه ممكن تصحبك الاول وبالنسبة الجامعة الولاد اللى بيروح يتعرف و يفضل يكون فى نفس سن بعض ويكون داخل جروب علشان ميجبش كلام على البنت لان طبعا واهم حاجة انك تحافظ على البنت
بس كمان رائى ان اصلا مش صداقة حقيقية بين بنت وبنت ازاى هتكون بين ولد وبنت.....
كلوا دلوقتى بيعرف علشان المصالح مفيش حد بيتعرف علشان محتاك صديق كل دة فى الهوا بس لو احتكدو فعلا مش هتلقى وهتعرف سعدة انك كونت فى كدبة جميلة......
يارب ما كون طولت عاليكو

[بنت الانبا بولا]

بصوا يا جماعة انا هقول رايى بصراحة بس محدش يزعل
الزمالة بين البنت والولد بتتطلب حاجة واحدة هى الاحترام سواء كان فى الكلام او الضحك او غيره يعنى مينفعش واحدة وزميلها يقعدوا مع بعض لوحدهم لفترات طويلة فى اى مكان
والضحك بصوت عالى بين الولاد والبنات دة عيب جدا بالنسبة لى يعنى باختصار لما يكونوا ولد وبنت زمايل يبقى الكلام بينهم سطحى ومختصر عشان نتجنب كلام الناس وفى نفس الوقت نحترم نظرة الناس لينا
اما بقى بالنسبة للصداقة فأنا غير مقتنعة تماما بالصداقة بين البنت والولد
انا مش بقول كدة عشان انا معقدة ولا محبكاها اوى لا بالعكس انا بنتقد الناس اللى بتقول عيب البنت تتكلم مع ولد لان دة جهل من وجهة نظرى لكن بنتقد كمان البنت او الولد اللى بيعملوا علاقات عميقة مع الجنس الاخر مش بس عشان كلام الناس لكن عشان نثبت ان تربيتنا سليمة لان الصداقات اللى من النوع دة ممكن تسبب مشاكل عاطفية مش كويسة
لكن انا دايما بحترم البنت اللى بتعتبر زمايلها الولاد اخوات ليها من غير اى علاقات ولا حاجة سواء كانوا زمايلها فى الجامعة او فى المدرسة او فى الخدمة ونفس الوضع بالنسبة للولد
اسفة انى طولت عليكم ربنا معاكم