[kamel]

قفشات زوجية
رجل دائم الطلبات كلما رأى زوجتة مشغولة فى أى شىء ما..............
دار حوار بينهما.. وعلا صوتهما...وفى أثناء النقاش..جاءت حماتة فى
زيارة مفاجئة.. وإليكم الحوار:..

حمدلله على السلامة يا حماتى
جعان.. جعان..يا أخواتى
من الجوع بعيط وبهاتى
لا حد سامعنى ولا سامع صرخاتى
إرحمينى..إرحمينى يا حماتى
من الست..الست ... مراتى

وهنا أشتد غضب الزوجة وجاءت فى يدها قطعة من الغسيل ينقط منها الماء
كانت على وشك وضعها على حبل الغسيل..ووضعت يدها فى وسطها..وقالت:

مالك ديما كسلان
متغطى وعامل بردان
ولما أكلمك تعمل زعلان
قوووم سخن أكلك ياحبيبى تبات دفيان

وهنا أحس الزوج أنة تلقى شرط فى بيان
وإلا يبات جعان
فأحمر وجهة من طأطاة الودان
وأخذة الغرور كالأسد الولهان
واّلقى هذا البيان:
أنا بخرج من الفجرية يوماتى
عشان اجيب القرش لمراتى
ما كنت عشت عيشة العزوباتى
ويوماتى أمتع نفسى عند الحاتى
ولا أسمع تقطيع..ولا عتباتى

وهنا أحست الحماة أن النقاش أحتدم فتدخلت مبتسمة لكى تطفأ النار
قبل حدوث الشرر
وأشارت الى ابنتها فسكتت عن الكلام ال...مباح وقالت:..
لية كدة..يابنتى ليييية
هو الغسيل لو تأجل هايحصل اية
الراجل جاى من شغلة مطحون تعبان
وعلى وشة أهو ظاهر ويبان
أتركية أتركية..يابنتى فى حالة
فى الشغل مش عارفين أيييية اللى جرالة
هنا أحس الزوج بالأرتياح
وراح ينشد فى أنشراح
يلا بينا نشوف أييييية اللى حصل
الناس غنت لكل حاجة ما عدا البصل
ماتقولوش البصل دا مين
البصل لجهاز المناعة اّمين
بصلتين وحبة قوطة
يعملوا أكلة مظبوطة
تاكل وتنشف عرقك بالفوطة

وهنا أحست الزوجة بفطنتها
أن الزوج يريد أكلتها
أخذت اللحمة وجريت على البوتاجاز
لقيتة ياعينى خلصان الجاز

نادى الزوج لبتاع الأنابيب
قلة يا أفندى فرجة قريب
بس ما تغلى على حبيب
ومشوارك عاااااالى وبعيد..اجيب ؛؛؛؛
تعبنا من قولة اّاة..وهات
حياتنا كلها مقالب واّلامات
هات..يا سيدى..هاااااااات
قفشنى يا باشا عشر جنهااااااااات
********************
الى اللقاء فى قفشات زوجية جديدة
وكل عام والجميع فى خير وسلام

المصدر: †† ارثوذكس †† - من قسم: القسم الادبي

[عماد حسنى]

كل سنه وانت طيب يا عم كامل
تعيش وتكتبلنا
وتنور دايما كل مكان بوجودك

[اسامه سمسم]

الله يا عم كامل كلامك كله مظبوط وفى محله
هههههههههههههههههه
شكرا يا عم كامل
وفى انتظار الباقى
وربنا يعوضك كل خير

[اسامة ثروت]

انا اول ما قريت حكاية حتتة الغسيل الى فيها مياة بتقط قولت هتخبطة بيها فى وشة وتقولة

وانا تعبانة وزهقانة
طول اليوم شغالة
ولولادك خدامة
ابداء يومى بالكنس وانهية بغسيل اة يانا
وانام مهدودة وتعبانة
بالزمة دى عيشة
انا منكم طهقانة
قوم جاهز اكلك والا
الساطور موجود
والشفونيرة بالاكياس ملايانة

[kamel]

المشاركة الأصلية كتبت بواسطة عماد حسنى كل سنه وانت طيب يا عم كامل تعيش وتكتبلنا وتنور دايما كل مكان بوجودك

وأنت طيب ياعمدة
ربنا يباركك
أسعدنى مرورك الجميل

[nermos1982]

موضوع جميييييييييل بجد يا استاذ كامل بس نصيحة منى متدخلش حماتك فى المشاكل العائلية حضرتك عارف الحموات بقى هههههههههه
لا بجد موضوع جميل اوى. ربنا يباركك ويكون معاك

[kamel]

المشاركة الأصلية كتبت بواسطة اسامه سمسم الله يا عم كامل كلامك كله مظبوط وفى محله هههههههههههههههههه شكرا يا عم كامل وفى انتظار الباقى وربنا يعوضك كل خير

لى باااااالك ياسمسم هههههههههههه
ربنا يباركك منور الموضوع
قلنا نفرفش شوية بدل هموم الهجر والحرمان
ولا ااااااااااية رأيك
الرب معك

[kamel]

المشاركة الأصلية كتبت بواسطة اسامة ثروت انا اول ما قريت حكاية حتتة الغسيل الى فيها مياة بتقط قولت هتخبطة بيها فى وشة وتقولة وانا تعبانة وزهقانة طول اليوم شغالة ولولادك خدامة ابداء يومى بالكنس وانهية بغسيل اة يانا وانام مهدودة وتعبانة بالزمة دى عيشة انا منكم طهقانة قوم جاهز اكلك والا الساطور موجود والشفونيرة بالاكياس ملايانة

هههههههههههههههههه
وجرايد الحوادث مليانة
وعاد التقطيع بالمنشار بدل السكين
ههههههههههههههه
ماهى سكتت عن الكلام ال.....مباح
هههههههههههههه
شكرا للتعقيب الجميل يا أسامة
وجودك نور الموضوع
الرب معك

[kamel]

المشاركة الأصلية كتبت بواسطة nermos1982 موضوع جميييييييييل بجد يا استاذ كامل بس نصيحة منى متدخلش حماتك فى المشاكل العائلية حضرتك عارف الحموات بقى هههههههههه لا بجد موضوع جميل اوى. ربنا يباركك ويكون معاك

أنتى عارفة يا أستاذة نرمين
أنا ماشى شايل سكاكين
وحالف مية وخمسين
لو تدخلت حماتى
هعمل.......................
ولا بلاش أنا مسكين
هههههههههههههههههههههه
أشكرك منورة بجد كل كتاباتى
الرب يفرح قلبك

[kamel]

بص شوف يا أستاذ أسامة
هما كانو عليا أتنين
والغضب باين فى العين
والمطبخ مليان سكاكين
هههههههههههههههه
ههههههههههههه
عرفت لييييييييييييييييية
دائما يسعدنى مرورك