[عماد حسنى]

قاسيه

قاسيه وطبعك غدار .. ماشفتش منك غير الدمار
قلبك تملى قوى وقاسى .. كل ما أقربلك تكدبى أحساسى

ملكيش أمان ودايماً كدابة .. أمواجك قادرة هدامه وقلابة
اقول خلاص حنيتى عليا .. القيكى بتخدعينى وتموتى فيا

هويتك تكسرى كل القلوب .. مش لاقى فيكى غير العيوب
أصلك بتوهمى وتدى ألآمال .. وكل اللى تملكيه يدوب خيال

يوم ما تحبى تسكرينى بسحرك .. أتوه مع سرابك وافوق على غشك
تدينى الفرح والألم جواه .. وتسقينى الجرح ومتسمعيش الأه

العذاب عندك ملوش حساب .. لا عندك غالى ولا حتى احباب
خاينه وغداره اوصافك كتير .. محدش قدك ملكيش كبير

اكتشفت فى الاخر حكايتك معايا .. طلعتى رخيصه ولا تستاهلى بكايا
سرقتى عمرى يا دنيا كفايه .. هاسيبك وهامشى, مش فيكى عزايا

المصدر: †† ارثوذكس †† - من قسم: القسم الادبي

[شمعة]

اكتشفت فى الاخر حكايتك معايا .. طلعتى رخيصه ولا تستاهلى بكايا
سرقتى عمرى يا دنيا كفايه .. هاسيبك وهامشى, مش فيكى عزايا



اللة ياعماد فعلنا عزانا وفرحنا مش هنا
ربنا يفرح قلبك ودايمنا
تفوقنا من احلامنا البعيدة الى ممكن العمر يعدى ولا نوصل لية
ربنا معاك يا شاعرنااااا

[كيرو رافت]

ياااااااااااااااااااااااا اااااه
وحشتنى موضوعاتك يا عماااااااااااااااد
ومفتقد بجد لكلماتك
فينك كل الاختفاء ده وحارمنا من احساسك وروعه كلماتك
ربنا يخليك يا قمر ومايحرمناش من وجودك الجميل الرائع يا اجمل عمده

[وردة حزينة]

لا بس الدنيا جميله وحلوه اوى ياعماد ماتستاهلش اننا نظلمها كده

ربنا يفرح قلبك وكلمات طبعا فى منتهى الروعه والجمال
شكرا ليك

[عماد حسنى]

المشاركة الأصلية كتبت بواسطة شمعة اكتشفت فى الاخر حكايتك معايا .. طلعتى رخيصه ولا تستاهلى بكايا سرقتى عمرى يا دنيا كفايه .. هاسيبك وهامشى, مش فيكى عزايا اللة ياعماد فعلنا عزانا وفرحنا مش هنا ربنا يفرح قلبك ودايمنا تفوقنا من احلامنا البعيدة الى ممكن العمر يعدى ولا نوصل لية ربنا معاك يا شاعرنااااا

ومعاكى يا شمعه
ربنا يخليكى يارب ويفرح كل حياتك وايامك
والف الف شكر يا فندم على حضورك الرائع الجميل المنور كل موضوعاتى

[عماد حسنى]

المشاركة الأصلية كتبت بواسطة كيرو رافت ياااااااااااااااااااااااا اااااه وحشتنى موضوعاتك يا عماااااااااااااااد ومفتقد بجد لكلماتك فينك كل الاختفاء ده وحارمنا من احساسك وروعه كلماتك ربنا يخليك يا قمر ومايحرمناش من وجودك الجميل الرائع يا اجمل عمده

شكرا جدا جدا يا رافت انت اللى وحشنى جدا عالم ربنا
انا موجود اهو انت اللى مش باين اوى
شكرا جدا جدا يا جميل على حضورك اللى دايما رائع وجميل
ربنا معاك ويسعد كل ايامك

[عماد حسنى]

المشاركة الأصلية كتبت بواسطة وردة حزينة لا بس الدنيا جميله وحلوه اوى ياعماد ماتستاهلش اننا نظلمها كده ربنا يفرح قلبك وكلمات طبعا فى منتهى الروعه والجمال شكرا ليك

يارب تكون كل حياتك ودنيتك جميله يا ورده
الف الف شكر ليكى ولحضورك الجميل
ربنا يكون معاكى ويفرح كل حياتك

[حنين سنين]

كلمات جميله لكن
ما اصعب الاحساس بالدمار
ايه يا عماد ربنا يفرح قلبك
ويبعد عنك الحزن والدمار

[عماد حسنى]

المشاركة الأصلية كتبت بواسطة ssweetgirlhana كلمات جميله لكن ما اصعب الاحساس بالدمار ايه يا عماد ربنا يفرح قلبك ويبعد عنك الحزن والدمار

لا حزن ولا دمار الموضوع موصلش لاى حاجه من كده
هى الدنيا اوقات كتير بتكون كده فعلا
واوقات بتكون جميله
يعنى بتدبل كده
شكرا يا هنا على حضورك الجميل وربنا يفرح قلبك وحياتك

[miso]

ههههههههههههههههههههههه اتحسدت يا عماد
كنا كويسيين
هى قاسية بس مش اوووووووووووووى
حلوة برضو مدام فيها ناس طيبيين تبقى زى الفل مهما كانت