[zaza2006]

غرفة الدم
ديه اوضة فوق سطوح بيت ناس طيبين

الاوضة ديه مقفولة محدش بيدخلها

اطلقوا عليها من زمان غرفة الدم

بيقولوا سكناها العفاريت

لغايت مقرر فى مرة صاحب البيت انه يدخل الاوضة ديه

وكان فى اليوم ده ولاده الاربعه مجتمعيين

فحكالهم انى فى واحد هيدفع فلوس كتيرة اوى علشان يلاقى اوضة يسكن فيها

وهما معندهمش غير غرفة الدم

فقالهم الناس بتقول فيها عفاريت

بس احنا لازم ندخلها علشان منضحيش بالفلوس ديه

احنا محتاجينها


وطلع الابن الاكبر للغرفة

وهو جوه نفسه بيقول انا قوى حتى لو فى عفريت مش هيقدر عليا

وهو ولد ضخم جسمه كبير

ونزل وهو مرعوش ووشه كله دم وجسمه كله دم

وقاعد فى ركن فى اخر الاوضة بيترعش


والاب مسكتش

راح بعت الابن التانى والابن التانى بيقول جوه نفسه انا هعرف اخد العفريت بالحكمة

وبعد دقيقيتين نزل الابن التانى هدومه مقطعه ووشه مليان دم وبيترعش وقعد فى الركن التانى للاوضة مرعوش ومبيتكلمش


وطلع الابن التالت وهو بيقول انا هحب العفريت وهعرف اخليه يحبنى وكمان هنبقا اصحاب

ولكن بعد شوية نزل بيتنفض من الرعب ووشه مليان دم وهدومه مطقطعه وقعد فى الركن التالت للاوضة بيتنفض من الرعب


والابن الرابع مش يسكت لا

انا سنى صغير وجميل يعنى اول ماهيشفنى العفريت هيعجب بيا جدا ومش هيهون عليه يشوه جمالى

ونزل الابن الرابع زى اخواته التلاته


والاوضة بقيت مليانه بالدم


منهم اللى اصابه الخرس

ومنهم اللى قعد يصوت


ومنهم اللى استخبى تحت السرير


ومنهم اللى قعد يعيط ويترعش




القصه ديه حقيقيه

وبتحصل كل يوم
عاوز تعرف مكان الاوضة فين

يمكن تحب تروح


الاوضة ديه حياة العالم اللى انت اختارتها

اعتمدت فيها على قوتك وحكمتك ومشاعرك وجمالك

ودخلتها بقلب جامد معتمد بس على ذاتك


وقطعك فيها الشيطان وبهدلك اخر بهدله


بعدها صوت ومحدش سمعك


بكيت محدش مسح دموعك ولا شافاها


استخبيت من نفسك ومن ربنا ومن مواجهه الاحداث


واصابك الخرس وفقدت القدرة على الكلام



محدش من الاخوة الاربعه فكر ياخد فى ايده حاجه يدافع بيها عن نفسه مع العفريت

خد عصايه ولا ميه ولا حتى كبريت ولع فيه

فدائما بننسى

إذ أسلحة محاربتنا ليست جسدية، بل قادرة بالله على هدم حصون

كورنثوس التانية اصحاح 10

انت مش شايف العفريت ولا عارف قدراته

ادخل ومعاك اللى يقدر يشوف العفريت ويرميه تحت قدميك

ادخل العالم مستخبى فى عباية ربنا ماسك بايده بتتفرج على الدنيا وانت بتشوفها بعنيه

شوف بولس فى اخر الاصحاح قال ايه

لا لنفتخر بالأمور المعدة في قانون غيرنا

وأما: من افتخر فليفتخر بالرب

لأنه ليس من مدح نفسه هو المزكى، بل من يمدحه الرب

مش لازم تعمل اعمال بطولية قدام الناس ولا لازم تمشى زى الناس

الناس هتحسبها سلبية او جهل او ضعف انك ماشى مع ربنا

هيقولوا عليك موضه قديمة مش مهم

بس المهم اللى يكسب فى الاخر

لاتدع ابليس يسلب حرتك وفرحتك ويملء قلبك بالخوف ويجرحك
ويخرسك

على فكرة كل الكلام والقصة ديه طبعا كلام تاليف فى تاليف

بس لو بصيت للمعن الحقيقى هتلاقيها واقعيه مليون فى المية

من افتخر فليفتخر بالرب

كورنثوس التانية10

المصدر: †† ارثوذكس †† - من قسم: القصص النصية

[nermos1982]

القصة بجد رااااااااااائعة يا نهى مش لاقية تعليق عليها
ربنا يعوضك يا حبى ويكون معاكى دايما

[twaty]

بجد قصة حلوه والكلمات فى منتهى الروووووووعة
تسلم ايدك
لاتدع ابليس يسلب حرتك وفرحتك ويملء قلبك بالخوف ويجرحك
ويخرسك

[miro_rook]

الله يانهي قصه في منتهي الروعه
الاتكال علي الرب خير من الاتكال علي بني البشر
ربنا يباركك ويعوضك

[zaza2006]

شكراااااااااااااااا لردودكم

[kiro0oalex]

حقيقى يا نهى كل يوم تثبتى انك متألقه فى هذا المجاااااااااال
قصه حلوه اوى ومعناها وصل
من افتخر فليفتخر بالرب
تم القييم

[magdy totti]

كا العادح يانهى قصة فعلنا جميلة ااوى وفيها دروس مستفادة كتير
ربنا يثمر خدمتك
صلى من اجل ضعفى

[كرستين صفوت]

دايما فى تألق يانونتى . يارب قوى إيمانا كلنا علشان مانخسرش الفرصه اللى بتقدمهالنا.شكرا يا بابا يسوع.

[ادروسيس]

هى صحيح قصة معفرتة شوية
بس بتحمل معانى كتيرة ربنا يفرحك
ويكمل جهادك فى خدمتك يارب
يااجمل نهى
بس وحياتك بلاش العفاريت المعفرتة دى
شقية اوى
انا بضحك معاكى قصة جميلة

[YoUsSeF_JeSuS]

من افتخر فليفتخر بالرب
بس عجبنى الاولاد الاربعة واحد يقول انا ضخم والتانى حكيم والتالت حبوب والرابع ملكان هههههههههههههههههه
شكراااااااااااااااا يا نهى