[جون مواهب]

لو حصلك الي حصل لصاحبنا دة هايكون رد فعلك اية بجد
حاول تكتب رد الفعل دة سؤال ومستنيه رد فعلا بس بصراحة


مرة واحد ماشي في الشارع فقابل واحد تاني شكله مش على بعضه و مستعجل اوي وبيقوله : لو سمحت من فضلك قلعني الجاكتة
فالاولاني قال له : نعم ؟!!!
فالتاني قال : قلعني الجاكتة بسرعة
حاضر.. حاضر و راح مقلعه الجاكتة



لو سمحت بقه قلعني الكرافتة
إيه ؟!!
الكرافته ..الكرافته بسرعة
حاضر.. حاضر و راح مقلعه الكرافته و هو مستغرب اوي من الراجل الغريب ده : اهو ياسيدي اي خدمة تانية!!



اه .. معلش فكلي زراير القميص
لااااا دانت زّودتها اوي .. كده تاخد برد يقلب بنزلة شعبية حادة تاخد أجلك
من فضلك فكها .. بسرعة .. ارجوك
ُافففففف.. وادي زراير القميص خلاص فكتها.. دا كان يوم إيه المهبب ده, ها أي اوامر تانية؟
أيوه قلعي بقه القميص
يا سيدي عييب .. مايصحش كده , د إحنا فى الشارع خللي عندك دم .. .. يا حول الله يا رب !!
أرجوك.. أرجوك بسرعة.. مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ... هاااا.. إيه تاني!!
إرسملي على ظهري خطوط بالطول و خطوط بالعرض
حسبي الله و نعم الوكيل .. إنت مجنون ياراجل أنت؟؟!!
من فضلك .. أرجوك



رسمتلك زفت بالطول و زفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب .. بقه إنت معطلني كل ده علشان تلعبني سيجه على قفاك؟!!!!
بسرعة لو سمحت .. أرجوك رقمهم .. من فضلك
أديني رقمتهم...
لو سمحت بقى أهرشلي في المربع
رقم33

المصدر: †† ارثوذكس †† - من قسم: الضحك والفرفشة

[جون مواهب]

قول رد فعلك بصراحة

[tito_t]

انا لو مكان الراجل ده انا كنت ضربه بونيه رجعت عيل تانى وكنت هجبله مستشفى المجنين بعد ما اديله ال فيه النصيب بسي انا فى الغالب مش باف لحد بنفض للناس

[ezis]

انا لو مكانه كنت فتحت بطنة فعلا غلاسةهههههههههههههههههههه هه

[جون مواهب]

ههههههههههههههههههههههههه هههههه
اكيد اللى قولتوه بس لو حد عزيز عليكو؟
شكرا لمروركم وربنا يبارككو

[KOKO SPA]

ههههههههههههههههههههههههه ههههههههههههههههههههههههه ههههههههههههههههههه
انا بجد هاموت من الضحك هههههههههههههههههه

فعلا غلاسسسسسسسسسسسسسسسسسسسسسس سسسسسسه
انا اصلا عمرى ماهابقى مكانه
ايه اللى يخليه يسمع كلامه من الاول

[imported_نيرو]

هههههه
فعلا غلااااااااااااااااااااااا اااااااااااااسه
بس انا معتدقتش انى ممكن اتحط ف موقف زى ده

[roset]

ههههههههههههههه
دى غلاسة و رخامة كمان
مااعتقدش ان الموقف دة ممكن يحصل لانة المفروض ميسمعش كلامة من الاول

[كيرو رافت]

لا تعليق
غلاثه بقا

[M!SS N@NO]

بص هو بالشبشب وعلى رقم 1علطول