[كريستين غريب]

حبيبتى انتى عارفه انا مش بحب حركات الشباب الطايش بتاع الأيام دى
و انا اصلا مبكلمش بنات غيرك وتلاقيه يعرف طوب وزلط ورمل الارض

يااااه ياحبيبتى انا حاسس انى اعرفك من زمان قوىىىىىىىىىى
وهو تلاقيه متلخبط بينها وبين بنت كان يعرفها قبل كده


حاسس ان فيكى حاجه غريبه غير كل البنات
كأنها مثلا بتمشى على ايديها ورجليها


انا حاسس ان فى شبه كبير قوى بين افكارى و افكارك احنا اكيد مخلوقين لبعض اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه


حبيبتى انتى اول حب فى حياتى وانا حاسس انى اتولدت يوم ماقبلتك
على أساس ان والدته كانت حامل فيه من 20 سنه وولدته قبل مايقابلها بيومين


يااه يا حبيبتى انتى تؤمرى وانا انفذ اللى انتى عايزاه اجبهولك
فى المشمش

حبيبتى الطقم اللى انتى لبساه ده تحفه بس متلبسهوش تانى عشان خاطر انتى بتبقى حلوه فيه وانا بغيييييير بغيييييييييير
طبعا فاهمين الحركات دى تلاقيه مش عاجبه اساسا


هكلم باباكى اول ماكًون نفسى
موووووووووووت يا حمااااااااااار

عايز اشوفك كل يوم كل ساعه كل ثانيه عشان اصحابه يتأكدو انها حلوه


حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
بففففففففف الاسطوانه المشروخه


انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الــخخخخ

معلش ياحبيبتى مش هقدر اعدى عليكى بالعربيه النهارده علشان هيا فى التوكيل
طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه

ياحبيبتى انتى بتتكلمى فى أيه انا كل عطورى من فرنسا
ايوه زغلل عنيها ياواد


ياه لما بشوف رقمك على الموبيل قلبى بيتنفض
طبعا من الخضه انها تكون فأسته


فلان قالى اديله رقمك بس انا قلتله اقتلنى قبل ماتاخد رقها منى
ياااااه على التضحيه وهى ياعينى رقمها مع مخاليق ربنا كلهم

حبيبتى عايز صورتك عشان قبل مانام اشاهد فى جمالك واحطها تحت المخده
لا وهو الصادق عشان لما يتخانقو يهددها بيها

اسف يا حبيبتى امبارح مقدرتش اكلمك كنت مشغوووول فى المذاكره
قصده معهوش فلوس او مشغول مع واحده تانيه

اسف يا حبيبتى انى مقدرتش اجى فى المعاد امبارح كان عندى ظروف صعبه
معذور الولد افتكر معاد البنت التانيه اللى بقاله 3 اسابيع مأجله


عارفه يا حبيبتى انا طول الليل منمتش قاعد بفكر فيكى
بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه

عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
يقصد مش بيفتح الشباك عنها الا اما تكون هيا بس الى اون لين عنده


حبيبتى انا ماستهلكيش
يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فمش لازم يعذبها معاه


انا بعمل كده علشانك انتى
ايوه ماحنا عارفين باباها قالو لو ماسبتهاش هاحرمها من الميراث

انا هاسيبك علشان مش عاوز اى حد يتكلم عليكى نص كلمه
ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل


انا مش عاوزك تزعلى منى
يارااااجل وانت لما تسبها هاتعمل فرح وتدبح عجلين يعنى ؟لا والله هاتزغرد لولولولى الواد سابنى انا فرحانه

انا هاهاجر ومش عارف هارجع امتى
طب ماتخدها معاك يامعلم ولا هيا حجج وخلاص

أنا مانفعش ارتبط بواحده مشيت معاها
ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان

انتى احسن حد عرفته فى حياتى بس مش هاينفع نكمل
ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش


انتى اكتر حد حبيته فى حياتى بس برده زى ماقولتلك مش هاينفع نكمل
لا تعليق

حبيبتى انا اكتشفت ان مافيش مابينا حاجه متشابهه
لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه


والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
لا ماهو واضح



طبعا كلنا عارفين كلام الولاد ده ولازم كل البنات يعملوا رابطه ضد الولاد ماشي ههههههههههه

المصدر: †† ارثوذكس †† - من قسم: الضحك والفرفشة

[kamer14]

حبيبتى انتى عارفه انا مش بحب حركات الشباب الطايش بتاع الأيام دى
و انا اصلا مبكلمش بنات غيرك وتلاقيه يعرف طوب وزلط ورمل الارض

ههههههههههههههههههههههههه هه ايوه كده افضحيهم وطلعيهم على حقيقتهم ميرسى على الموضوع وربنا يباركك

[الناى الحزين]

حاسس ان فيكى حاجه غريبه غير كل البنات
كأنها مثلا بتمشى على ايديها ورجليها

لا كأنها بعين وحده
ههههههههههههه

حرام عليكم ظالمين الشباب ليه سبوهم ياخدو يومين


شكرا على الموضوع الطريف

[Team Work®]

هههههههههههههههه

حلوة بجد

[ELMAGEK]

حاسس بمصيبة جايالى
هههههههههههههههههههههه
احنا بردو تلاقى البت من دول
تقولك لالالا
انتا اول واحد بمشى معاه والمصيبة
انك بتلاقيها بتعرف تمشى طب منين
ههههههههههههههههههههههههه هههههههههههههه
شكرا على الموضوع الى مش صح
خاااااااااااااااالص

[وردة حزينة]

ههههههههههههههههههههههههه هه

عندك حق واللهى ياكرستين يااختى رجاله عايزه الحرق
هههههههههههههههههههههه
موضوع زى العسل ياتينا وهما دول شباب مصر

[كريستين غريب]

شكرا لكل اخواتى اللى قالوا رايهم فى الموضوع

[M@@@NOOOO]

لآ لآ لآ معندكيش حق خاااااااااااااااالص
ظالمه الولاد بطريقه فظيعه
اه هو فى كده بس مش كله كده
بس بجد موضوع لذيذ جدا جدا
وضحكنى جدا رغم انه مش صح خااااااالص
هههههههههههههههه

[كريستين غريب]

انا طبعا يا مانو مقصدش كل الولاد لان فعلا فى ولاد محترمين جدا وفى ولاد النوعيه دى

[ameerko]

على فكرة مش كل الولاد كده يا كوكى انتى لازم تفرقى
هههههههههههه ميرسى على تعبك فى الموضوع