[حنين سنين]

فعلا
بجد انتو فسرتوا يا رافت انت وميكى الموضوع بطريقه صريحه اوى اوى


والاهم من التفسير هو الخدمه لكل واحد فينااااااااااااا
لو كل واحد اعتبر دخوله المنتدى مش مجرد
لعب او تهريج
ولكن خدمه بيقدمها لاخواته هنبقى اكبر واعلى واجمل منتدى فيه محبه الرب يسوع بتحميه

[اسامه سمسم]

بصراحه الكلام ده كله مظبوط
ويعلم ربنا رافت جاب المفيد
بجد يا ريت الناس اللى اسست المنتدا
تخلى بالها شويه من الاعضاء الجدد
وتمدو اديكم ليهم
لان فعلا اى رد ولو بسيط
من ميكى او رافت اوى ناى
بيفرح الاعضاء الجديده اوى بجد
وانا عن نفسى بكون فى قمة السعاده لما الناس دى بتدخل ترد عليا
مابالك لما يكون عضو لسه جديد
معلش هو كلامى مكرر وكتير
بس يا ريت يبقى فيه تنفيذ
وشكرا

[حنين سنين]

المشاركة الأصلية كتبت بواسطة اسامه سمسم بصراحه الكلام ده كله مظبوط ويعلم ربنا رافت جاب المفيد بجد يا ريت الناس اللى اسست المنتدا تخلى بالها شويه من الاعضاء الجدد وتمدو اديكم ليهم لان فعلا اى رد ولو بسيط من ميكى او رافت اوى ناى بيفرح الاعضاء الجديده اوى بجد وانا عن نفسى بكون فى قمة السعاده لما الناس دى بتدخل ترد عليا مابالك لما يكون عضو لسه جديد معلش هو كلامى مكرر وكتير بس يا ريت يبقى فيه تنفيذ وشكرا

ميرسى لردك يا سمسم منور

لان فعلا اى رد ولو بسيط
من ميكى او رافت اوى ناى
بيفرح الاعضاء الجديده اوى بجد
اسمحلى مش رافت وميكى وناى بس كل عضو فى المنتدى من الكبير للصغير له دور مهم فى ردوده وموضوعاته اكيد بتفرق كتير
معانا كلنا

[الماكس مايكل]

انا مش هقول اكتر من اللى انتو قالتوا المفيد
انا عايز كل عضو يحس انوعضو جديد ونبداء من الاول
ويبقا فى حمس و تتعرف على ده وده
وكمان نحسس الاعضاء الجديدة اننا نعرفهم من زمان
لازم نعمل حسابهم معانا وندخلهم وسطينا
ميرسى بجد على الموضوع المهم ده

[اسامه سمسم]

المشاركة الأصلية كتبت بواسطة ssweetgirlhana اسمحلى مش رافت وميكى وناى بس كل عضو فى المنتدى من الكبير للصغير له دور مهم فى ردوده وموضوعاته اكيد بتفرق كتير معانا كلنا

انا مش قصدى كدا انا كل قصدى ان ميكى ورافت وناى من الناس المشهورة
فى المنتد
يعنى وفى ناس كتير معرفوين
بس ده مجرد مثال يا هنا مش اكتر
ودى كانت وجهة نظرى

[bolalover]

ممممممممممممممممم
موضوع جميل
ردود اجمل
كلام حلو بيتقال

طيب فين بقا التنفيذ ؟؟؟

انا فعلا بقالي فترة مخنوق من المنتدي بامانة
بدخل بحس ان مفيش جديد
مفيش حياة
الدنيا فيها شلل ده مشكلة و ده مش بيدخل اصلا و ده مش نعرف عنه حاجه
المواضيع بقت مكررة الضحك مبقاش زي زمان
الهزار بقينا نخاف نهزره لحسن حد يزعل
و زي ما قال رافت و ميكي اكتفينا بكده
اكتفينا بنفسنا
و نسينا ان عدد الاعضاء بعد ما كان 5 الاف و احن لسا مشتركين
دلوقتي بقا 60 الف عضو
لازم بجد يبقا في نشاط بالفعل
لازم نتعرف علي الناس الجديدة
ندخلها وسطينا علشان يجددوا الروح جوانا
محتاجين فعل اكتر منه قول

[mr_desigen]

ياااااااااااااااة يا هنا هتصدقينى لو قولتللك دا اجمل كلام واجمل موضوع شفتة فى ارثوذكس
بجد انتى قولتى كل حاجة وكلامك صح 1000000000000% بجد
وفعلا يا هنا
انا نفسى دلوقتى بقيت عامل زيك
الاول كنت بصحى من النوم اول حاجة افتحها المنتدى قبل ماغسل وشى
بجد انا لقيت وسطكم معنى المحبة بجد بجد
لاكن ابتديت احس انى خلاص مفيش محبة وكلوا بيزعل وكلوا بيتخانق وكل حاجة
وفعلا زى ماستاذ رافت قال
انى فية ناس عرفوا بعض كويس جدا ومش عاوزين حاجة من المنتدى تانى ودا غلط دول كدة بيهدوا مش بيبنوا
وثانيا نيجئ لنقطة التشجيع
انا اللى فرحنى فى المنتدى الاول التشجيع
الاول كنت اجئ انزل تصميم الاقى علية اكتر من 3 صفحات ردود
دلوقتى الردود بقت تتعد على الايد
ولازم نشجع الاعضاء الجدد
لانى العضو هيدخل يلاقى بينا مشاكل طبيعى مش هيكمل ويريح دماغى وهيطبق المثل اللى بيقول
الباب اللى يجيللك منة الريح سدة واستريح هو مش ناقص مشاكل فهمانى
فلازم نخرج عدو الخدمة اللى بينا دا ونطردة خالص ما بنا ونحاربة بالمحبة من تانى
وانا معاكم مستعد اعمل اى حاجة تطلبوها منى
وبجد يا هنا كلامك اثر فيا اوووووووووووووووووووووووو ووووووووى وهو اللى خلانى اتكلم
اسف لالاطالة
تقبلى كلامى ومرورى يا هنا

[aymonded]

سلام لنفسك يا أحلى هنـــــــــــا محبوبة ربنا يسوع والقديسين
المشكلة كلها أن هدف المنتدى أصبح مشوش عند الكثيرين ، والاندفاع في الكلام والتصرفات أصبح من سمة هذه الأيام ، وربما هو ناتج عن معرفتنا الخاصة وانحيازنا لبعضنا البعض عن دون تدقيق أو التفكير الصحيح ، فالتفكير قبل ما نكتب أصبح غير موجود بل ننطلق بانفعال ونكتب دون دراية أو تعقل ، ولا نحاول أن نصفي انفعالاتنا قبل أن نتسرع ونحكم ونرد ؛ وللأسف أصبح عدم تحمل المسئولية بجدية والاتزام من سمات المنتدى هذه الأيام !!!
والغريب أن معظم الناس تتحدث عن أننا فقدنا الضحك والهزار والفرفشة وكأنها دعامة المنتدى واصل حياتنا ، مع أنها أكثر الموضوعات تتخلل المنتدى ولا يوجد ضغط على الأقسام الرئيسية التي اقيم عليها المنتدى ، فالمنتدى لم يقام من أجل الضحك والهزار فقط ، لأن هذا ليس هدفه على الإطلاق ، ولكنه موجود في اقسام مخصصه فقط ، ولكن اختلاط الأمور يؤدي دائماً للأنهيار والتداعي ، والحجة دائماً ملقاه على عاتق الإدارة ، مع أن كل شخص فينا مسئول بلا استثناء !!!

وحينما نستثنى أنفسنا عن تحمل مسئولية افعالنا وتصرفاتنا هذا لا يبرئنا أو يبرر تصرفاتنا المتسرعة جداً ، بل على العكس يديننا لأننا نحن الذين نصنع الأفعال التي تؤثر على أنفسنا وعلى كل من حولنا !!!

والكلمة التي كنت أود أن لا أذكرها ، ولكن أقولها وهي أن هذا كله يدل على حالة من المراهقة الفكرية وعدم النضوج ، لأن كل شخص فينا لابد أن يعمل على البناء وليس على الهدم بتسرعه في الرد أو الحكم !!!

فمتى نتحمل مسئولية أفعالنا ولا نتهرب منها ونصحح الوضع ، وهذا هو السؤال المطروح لكل شخص فينا ليحله أمام نفسه وليس الآخرين ، لأن أن انضبطت الحياة والفكر ، سيصير المنتدى شيء آخر وله وزن وقيمة ...

(( وأخص هذا الرد ببولا الذي يتحدث عن الضحك والفرفشه واقول : )) الضحك والفرفشة لهم أهمية في حياتنا ، ولكن لا يُعطوا قيمة أو وزناً ، ولكن القيمة شيء آخر لابد أن نبحث عنه بجديه في داخل انفسنا أولاً قبل أن نطالب به الآخرين !!!

النعمة معك يا محبوبة الله

[aymonded]

أعتقد أني تركت رسالة على المنتدى تخص هذا الموضوع بشدة
لأني كتبتها لأعرض وجهة نظري في الأحداث الأخيرة في المنتدى
للدخول عليها يتم الضغط على هذا العنوان :
https://www.orsozox.com/forums/f91/t32889/

[MICKEY]

لكل شخص ميوله في الحياة
وهذا الميول لا يعيبه بشئ

انا معك ان الضحك والفرفشة ليست الفكرة الاساسيه في اقامه المنتدي
ولكنهم يعتبرون ركن هام من اركانه

ولكل شخص كما زكرت سابقا له ميول في الحياة

يعني انا لو قولتلك اكتب في احدي المشاركات في موضوع كوميدي كلمة هاكونا مطاطا مش هترضي تكتبها
ولكنني ممكن ان اكتبها واضعها في توقيعي كمان

ومش معني هذا اني لا يوجد لي اي اتجاهات روحيه

انا اعلم انك لم تحدد شخص محدد بكلامك ولكني اعطي امثله حيه كي اقرب المسافات في الحديث

يعني مثلا في اقسام في المنتدي انا معرفش اللي عليها
بلاقي عليها ردود ومواضيع لناس مش عارفهم
وده لاني مش بدخل اقسامهم كتير وهم مش بيتواجدون في اقسامي

يعني المنتدي عبارة كنيسة
وفي الكنيسة فيه اللي يحب يحضر القداس
واللي يبلس شماس
واللي يقعد في اخر دكه
واللي يقف في الشارع

المهم في الاخر انهم في الكنيسة ولم يفعلون ما يغضب الله

تقبل مروري
واسف للأطاله