[emill]

ومش عاوز حد يعمل فدائى ويقولى
لا
كلامك مش صح
مش عارف اية
الكلام الفاضى دة

[emmmy]

صدقات النت موجودة وان جربتها بس مش مضمونة يا جماعة مش سهلة
لاحظ انك بتتعامل مع مجهول لا انت عارف هو صادق ولا كذاب هو ولد ولا بنت
المسالة مش بالبساطة دى يعنى انا ممكن اعرف شخصية من خلال الموضوعات
الحلوة بتاعتة فى منتدى او جروب واعرفة اكتر من خلال ردودة وارائة
وتكون مدة كافية ويكون عندى روابط فى مشاعرى علشان ميحصلشى نتيجة
مش متوقعة ونقول بقى الصداقة بقت حب والكلام الفارغ دة
صدقات النت موجودة بس مش سهلة ومش مضمونة ومش اى حد يعرف يحصل عليها
لازم خبرة ووعى وارشاد من الاكبر منى وخصوصا اب اعترافى
اسفة للتطويل الرب معكم

[emmmy]

المشاركة الأصلية كتبت بواسطة emill ومش عاوز حد يعمل فدائى ويقولى لا كلامك مش صح مش عارف اية الكلام الفاضى دة

طيب خلاص انت رديت على نفسك ومش عاوز تسمع راى حد
اوك براحتك

[مايكل عبد الشهيد]

من الممكن ان يكون اصدقاء النت افضل واكثر وفاء من اصدقاء الواقع ؟؟ما رايكم ؟؟
كــــــــــيمــــو

الاول ازيك

ممكن انت تكون ماتعرفنيش بس انا كنت ...كنت عضو نشيط على المنتدي وكتير من الناس القديمه عارفاني

انا بقالي فعلا اكتر من 6 شهور لا بشارك ولا بانزل مواضيع ومكتفي اني اتابع من بعيد وباقول كده احسن

بس بجد موضوعك اللى رجعني اشارك ولو حتي بالرد ولو مره تاني وارجع لحاله الثبات والمتابعه من الاول

الاجابه على سؤالك بسيطه ومن كلمه واحده

(لا)

صاحب النت عمره مايكون زي صاحبك اللى انت معاشره وعارف عيوبه قبل مميزاته وراضي بيها

صاحب النت بيبقي مش كله طبعا بس ده الاغلبيه عباره عن مجموعه من الاقنعه اللي بتظهر كل ماهو عايزك تحسه في تصرفاته وافعاله

مع الوقت قناع ورا التاني بيقع وتكتشف الحقيقه

اسئل مجرب يا كيمو وانا خدت بالى من البروفايل بتاعك انك مش صغير ياعني المفروض انك فاهم كلامي كويس وشايفه ومجربه ولو ماجربتوش لسه نصيحه ....

الصاحب الحقيقي اولي واحسن 100 مره من صاحب النت

واخيرا ارجو ان تقبل نصحتي وسامح كثره كلامي

[جانو]

انا رأيى فعلا فيه صداقات من النت ناحجة جدا ودى حاجة انا مجرباها ولو قولتلكم ان صداقة النت بالنسبة لى افضل بكتيررررررر من الصداقة العملية يعنى اللى قدامى وتعتبر عشرة سنين
ياجماعة جرح صداقة النت اهون بكتير من جرح صداقة عشرة السنين وصدقونى صداقة النت جميلة جدا
انا بصراحة ليا صداقات فى النت وهما بيفيدونى كتير جدا وانا بحبهم وبحترمهم جدا والاجمل بقى انهم بيبادولنى نفس الاحترام والاحساس
معلش طولت عليكم
بس بجد ياكيمو موضوعك رائع وجميل وحوار اجمل
ربنا يباركك ويبارك حياتك وخدمتك
اذكرونى فى صلواتكم

[Katy_Archi-Mekhaeel]

فعلا بيبقى فى اصحاب بجد ع النت اكتر ما يكون ع الحقيقة كدة

ودا بيرجع للشخصية ع فكرة

يعنى دى مش بتفرق نت من حقيقة

ثانكس ع التوبيك الرائع دا

[marian magde]

بصراحة شديدة هو انا مش جربت غيريمكن مرتين وهما جدعين جدااااا وانا من راى انهم فعلا كويسين اكتر وبيحبوك من غير سبب اقلها ودة حاجة تفرحك مش ذى ناس تعرفها من كتير وتحسبهم اقرب ناس ليك وفى الاخر تعرف انهم اكتر عدوين ليك وياريت يكون حتى بغلط منك لا دة بس بيبقى حقد ومش عارفة من اية حتى ربنا يرحمنا

[marymar]

انا اول مره ارد او اشارك فى بس كان فسى اقول حاجه بجد دى حقيقه انا شفتها وجربتها بس ده اولا واخيرا راىى انا ويمكن انا اللى بتيجى معايا كده سواء مع اصحاب العمر او اصحاب من النت بس كلهم اللى انا عرفتهم عباره عن كذب فى كذب فى كل حاجه ومفيش حاجه حقيقيه بتتقال يعنى من الاخر مفيش اى حاجه اسمها اصحاب فايا ريت كل واحد وواحده يقرب من ربنا هايكون احسن كتير هو اكتر من صاحب وفاهم كلواحد فينا وبيحب حب حقيقى وعمره ما هايجرح ابدا
انا اسفه انى ردى ده محبط لناس كتير بس انا قولت اقول حاجه نا جربتها علشان منقعش فى ناس ومتكونش كويسه او بتكدب فى الاخر لان احنا حتى لو عارفنهم من سنين مبنبقاش عارفين مين او ايه اللى تحت القناع حتى من قرب الناس يمكن نكون عارفينهم من 8سنين ونطلع فى الاخر مش عافنهم اصلا
انا اسفه تانى ومش عايزه اى حد يدايق من كلامى

[اكرم رفعت]

مرسيى لكل واحد على الموضوع بجد

[mr_desigen]

واللهى ولا نت ولا حقيقة