تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


يعنى اية شهيد يا ارثوذكس

طبعا اكيد كلكم سمعتوا عن حادثة نجع حمادى مش كدة عموما علشان اللى معرفشى حصل اعتداءات واجرام على المسحيين يوم العيد وراح ضحايا كتير من اولادنا فى هذا الحادث المرعب

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية emmmy
emmmy
ارثوذكسي ذهبي
emmmy غير متواجد حالياً
 
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31
قوة التقييم : emmmy is on a distinguished road
افتراضي يعنى اية شهيد يا ارثوذكس

كُتب : [ 01-08-2010 - 09:59 PM ]


طبعا اكيد كلكم سمعتوا عن حادثة نجع حمادى مش كدة

عموما علشان اللى معرفشى حصل اعتداءات واجرام على المسحيين يوم العيد
وراح ضحايا كتير من اولادنا فى هذا الحادث المرعب والمظلم
اثناء رجوعهم من صلاة القداس

السؤال بقى ياترى لو واحد ماشى فى الشارع وفجاة لقى نفسة غرقان فى بحر دم من ناس معندهاش مبدا ولا دين ولا ضمير ولمجرد انة مسيحى قتلوة
وبرغم انة مش مستعد مثلا للحظة دى ولا للقوقوف امام الله ولا عامل حسابها ومتوقعها يعتبر بردوا شهيد ودمة يمحى كل خطاياة
يعنى لو انا بقالى كتير بعيدة عن ربنا ومش بتناول ولا بعترف ولا بروح كنائس وحياتى جفاف وضياع وفجاة وانا ماشية فى الشارع قتلونى شوية ارهابيين لمجرد انى مسيحية دا هيخلينى اروح السماء وابقى شهيدة ودمى يشفع لى ويكون سبب خلاصى ولا دا مجرد حادث وطريقة موت سمح بيها ربنا لاى سبب تانى ولازم توبة واستعداد للحظة الوقوف امام الله ؟؟





التعديل الأخير تم بواسطة aymonded ; 01-13-2010 الساعة 07:13 AM
رد مع إقتباس
Sponsored Links
بياناتي
 رقم المشاركة : ( 2 )
magdy totti
ارثوذكسي فضى
رقم العضوية : 46462
تاريخ التسجيل : Jan 2009
مكان الإقامة :
عدد المشاركات : 3,840
عدد النقاط : 24

magdy totti غير متواجد حالياً

افتراضي رد: يعنى اية شهيد يا ارثوذكس

كُتب : [ 01-18-2010 - 03:13 PM ]


ااايمى موضعك راائع جدااا
بس اناا هااااقول اللى جواياااا
موضوع الاستشهاد فى المسيحية موضوع كبير اوى ولو اتكلمنا فيه بالتفصيل مش هتكفينا مجلدات عشان كدة انا هحاول على قد ما اقدر اختصر الموضوع واركز على النقط المهمة فيه , وعشان نتكلم عن الاستشهاد لازم نعرف الاول يعنى ايه شهيد.

++ من هو الشهيد ؟؟؟؟؟
الشهيد هو شخص شهد للمسيح بدمه , وكنيستنا الارثوذكسية هى الوحيدة التى يوجد بها الالاف من الشهداء الغير معرف اساميهم فى كنيستنا الارثوذكسية الاصيلة كانت فى عصور الاستشهاد يستشهد من ابناءها الالاف والاف التى لا نعرف من هم ولا نعرف اساميهم .

ومرت الكنيسة القبطية الارثوذكسية بعشر حلقات للاضطهاد بداية من عصر الامبراطور دقلديانوس عام 284 حتى نهاية عصر نيرون ,"

"سيخرجنوكم من المجامع بل تأتى ساعة فيها يظن كل من يقتلكم انه يقدم خدمة لله " ( يو 20: 16)




++ دوافع الاستشهاد .
1- العالم وقتى ومحدود بالنسبة للابدية اللانهائية .
2-الانسان المسيحى غريب عن العالم .

++انواع الشهداء.
1- شهداء من اجل الايمان ( لأنه مسيحى )
2-شهداء من اجل العقيدة ( لأنه ارثوذوكسى )
شهداء من اجل العفة ( وديانتنا هى الوحيدة التى بها هذا النوع من الشهداء )

ياارب ااكون عرفت ااوصل وجهه نظرى
ميرسى على الموضوع المهم ده ياا ايمى واااسف على التطويل

رد مع إقتباس
بياناتي
 رقم المشاركة : ( 3 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: يعنى اية شهيد يا ارثوذكس

كُتب : [ 01-18-2010 - 03:45 PM ]


مرسى يا مجدى على مشاركتك الجميلة
وطبعا انا موافقة كل كلمة قلتها
بس انت بردوا مجاوبتش
على سؤالى الشهيد
هو اللى يموت
لمجرد انة
مسيحى
يعنى كل اللى ماتوا فى حادث نجع حمادى والكشح والاسنكدرية
والعياط والخانكة والفيوم وغيرها وغيرها كلهم شهداء لمجرد
انهم ماتوا لانهم مسحيين الشهيد فى العصور الاولى من المسيحية
كان بيقف الشهيد يعلن رفضة لعبادة اللهة اخرى وبعلن ايمانة بالمسيح وفى
ساحات الاستشهداد كان بيقدم نفسة عن طيب خاطر وبفرح واشتياق لحياتة
مع المسيح دلوقتى بنرفض الظلم والذل والمهانة وبنطالب بحقوقنا
ونقول ربنا يتصرف


من كلامك فى سؤال تانى اية الصح اللى المفروض نعملة نسكت ونسلم
ف ياترى دة صح ولا ضعف وسلبية وخوف وقلقة حيلة
والمفروض نخاف على بناتنا وشبابنا من غل ابليس واعوانة

ولا نصرخ ونرفض الابتزاز والصلح العرفى واللى بيقويهم ويزودهم صلابة وقسوة وغلاظة قلب
ونعلن الرفض ونشهد العالم كلة على ارهابهم ونطلب الحماية من اللى اكبر منهم من السلطات والدول
الغربية
وحتى دى كمان ممكن نكون سبب فتنة وايزيدوا اضطهاد وقتل بناتنا وشبابنا زى ما حصل فعلا فى بعض القرى
معلش انا عارفة انى دخلت فى مواضيع ومتاهات بس انا بتكلم بلغة عصرنا مش بلغة عصر دقلديانوس
منتظرة ردك يا مجدى وباقى المشاركات


التعديل الأخير تم بواسطة emmmy ; 01-18-2010 الساعة 04:02 PM

رد مع إقتباس
بياناتي
 رقم المشاركة : ( 4 )
magdy totti
ارثوذكسي فضى
رقم العضوية : 46462
تاريخ التسجيل : Jan 2009
مكان الإقامة :
عدد المشاركات : 3,840
عدد النقاط : 24

magdy totti غير متواجد حالياً

افتراضي رد: يعنى اية شهيد يا ارثوذكس

كُتب : [ 01-19-2010 - 02:17 AM ]


اقتباس
المشاركة الأصلية كتبت بواسطة emmmy مشاهدة المشاركة
مرسى يا مجدى على مشاركتك الجميلة

وطبعا انا موافقة كل كلمة قلتها
بس انت بردوا مجاوبتش
على سؤالى الشهيد
هو اللى يموت
لمجرد انة
مسيحى
مااده نوع من اانوااع الشهداااء
يعنى كل اللى ماتوا فى حادث نجع حمادى والكشح والاسنكدرية
والعياط والخانكة والفيوم وغيرها وغيرها كلهم شهداء لمجرد
انهم ماتوا لانهم مسحيين الشهيد فى العصور الاولى من المسيحية
كان بيقف الشهيد يعلن رفضة لعبادة اللهة اخرى وبعلن ايمانة بالمسيح وفى
ساحات الاستشهداد كان بيقدم نفسة عن طيب خاطر وبفرح واشتياق لحياتة
مع المسيح دلوقتى بنرفض الظلم والذل والمهانة وبنطالب بحقوقنا
ونقول ربنا يتصرف
مااا هو ده الفرق ماا بين الاظتهااد زماان ودولقتى


من كلامك فى سؤال تانى اية الصح اللى المفروض نعملة نسكت ونسلم
ف ياترى دة صح ولا ضعف وسلبية وخوف وقلقة حيلة
والمفروض نخاف على بناتنا وشبابنا من غل ابليس واعوانة

ولا نصرخ ونرفض الابتزاز والصلح العرفى واللى بيقويهم ويزودهم صلابة وقسوة وغلاظة قلب
ونعلن الرفض ونشهد العالم كلة على ارهابهم ونطلب الحماية من اللى اكبر منهم من السلطات والدول
الغربية
وحتى دى كمان ممكن نكون سبب فتنة وايزيدوا اضطهاد وقتل بناتنا وشبابنا زى ما حصل فعلا فى بعض القرى
شوفى ياا ايمى الموضوع كبير وخطير للغاااية
بس انتى عاارفة ااحناا لازم ننطاالب بحقوقناا
صرف النظر اانى مسيحى ولكن كاا انساان وبلايش مصرى كماان
اناا اطاالب بحقوقى كاا انساان
بس ااحناا لازم نعرف حقوقناا ولازم منخفيش من ااى حد
وعمر ماا ربناا بيرضى با الظلم
اناا مش اادخل فى مواااضيع تاانية ياا ايمى
بس اناا هاااساللك سوال
زماان فى اااياام الاظتهااد وعصر الاستشهاااااد
النااس اللى بتبقى واااقفة بتشوف القديس
الفلاتى صااامد وربناا بيقوى ويعرفه ان االه القديس ده هو الاله الحى
علطول كاااانوا بيعترفوة باا اسم المسيح
وكاانواا بيموتواا على ااسم رب المجد
يااترى ااااية مصيرهم يكونواا شهداااء اولا لالا
؟؟؟؟؟؟؟؟؟؟
معلش انا عارفة انى دخلت فى مواضيع ومتاهات بس انا بتكلم بلغة عصرنا مش بلغة عصر دقلديانوس
منتظرة ردك يا مجدى وباقى المشاركات

ااايمى اناا بتناااقش معااكى لان بحب المناااقشة دى ااوى
وكماان علشاان ااعرف الاجاابة الصح فين
منتظر ردك اا يمى
واااسف ان كنت بتقل عليكى

رد مع إقتباس
بياناتي
 رقم المشاركة : ( 5 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: يعنى اية شهيد يا ارثوذكس

كُتب : [ 01-19-2010 - 08:07 PM ]


مجدى انا شاكرة محبتك على المناقشة الجميلة دى
بس انا مش متفقة معالك فى اول كلامك لما بتقول ما دة نوع من انواع الاستشهاد
مجدى الاستشهاد لازم يكون بارادتك دة اولا ثانيا لازم تكون ابن المسيح بالفعل مش بالاسم والوراثة وبس ممكن يكون فى واحد بيتعرض للاضطهاد يهرب ويحاول يستخبى والا يبقى اللى ماتوا فى حوادث القطار والسفن مثلا والحرب كمان يبقوا شهداء
شهيد دة مش لقب اى حد ياخدة
واكيد طبعااا فى فرق بين الاضطهاد زمان ودلوقتى لان الظروف اتغيرت والناس والافكار اتغيرت دا طبيعى انا موافقة معاك فى دى
ونطالب بحقوقنا كانساان دا لو احنا بنتعامل زى بعض مسحيين ومسلمين مكنشى هيبقى فى احساس الظلم والتمييز
ومنخافشى دى لو فى عدالة وفى رحمة وضمير يعنى طبيعى يكون فى الخوف لان مفيش عدالة ولا رحمة
الطلب دة تطلبة من واحدة متكونشى ام وواحد ميكونشى اب وواحدة متكونشى اخت وواحد ميكونشى اخ لان كل واحد من دول هيخاف على الاخرين من كل دول الخوف موجود فعلا ومش على نفسى وانت مش هتخاف على نفسك
بتقول عمر ما ربنا يرضى بالظلم مش كدة يعنى نسكت ولا نتكلم السكوت معناة السلبية والجبن ونستاهل بقى اللى يجرالنا
والدفاع عن حقوقنا معناة الاضطهاد وهدم الكنائس وحرق بيوتنا وسلب اعراضنا وخطف شبابنا وكتير قلبى مليان بصراحة
الشهداء اللى كانوا بيعترفوا باسم المسيح بسبب مارجرجس ومارمينا وغيرهم من الشهداء لما بيشوفوا عجائب اللة طبعا شهداء اكيد وبكل المقاييس وبكل المعانى شهداء من الرتبة الاولى بس تفرق يا عزيزى تفرق كتير
انا على فكرة مؤمنة ان فى شباب من اللى راحوا ضحايا حادث نجع حمادى شهداء بدليل عزاء الاهل وظهور العدرا على صناديق الجنازة وموقف الامهات فى صلاة التالت بشهادة الانبا كيرلس بس انا بتكلم بصفة عامة


مجدى انا اللى بتقل عليك انا اللى بحب المناقشة معاك
مرسى ليك كتير على محبتك

رد مع إقتباس
بياناتي
 رقم المشاركة : ( 6 )
dr mina
ارثوذكسي مكافح
رقم العضوية : 60856
تاريخ التسجيل : Apr 2009
مكان الإقامة : المعادى
عدد المشاركات : 166
عدد النقاط : 11

dr mina غير متواجد حالياً

افتراضي رد: يعنى اية شهيد يا ارثوذكس

كُتب : [ 01-21-2010 - 04:57 AM ]


إلى احباء رقدوا فى المسيح بدون ذنب , لأن دمكم سفك بأيدى قتلى لا يستحقون أن ينتموا للإنسانية بشئ
أشكرك كثيرا على موضوعك الجميل , و ربما سأختلف معك فى نقاط وأتفق فى أخرى ولكن هذا لا يضيع من الود شأنا
بداية أبدا بمن هو الشهيد : هو من قد يتنازل عن حق له فى مقابل فكرة او قضية و قد يصل هذا التنازل الى حد الموت ,و التاريخ المسيحى شهد كثيرا على شهداء ماتوا مناجل إيمانهم المسيحى وعدم انكار الوهية المسيح والاعتراف بآلهة اخرى , أما عن شهداء نجع حمادى , نعم هم شهداء ماتوا دون ذنب و قد تألمنا لما حدث ولكن تبقى أن نقول ان الجانى يجب أن ياخذ عقابه وبشدة ولكن عزيزتى ايمى دعينى اخبرك برأيى فى الأمر كما أراها ومن شخص قبطى يحب مصر بشدة , نحن من جعلنا نفسنا فى هذا الموضع , لتكاسلنا الشديد فى علاج مشكلاتنا , لاهمالنا حقوقنا التى نصرخ مطالبين بها ولكن لا نفعل شيئا سوى الصراخ , للأسف الصراخ فقط , إن ألامر أكبر بكثير من هذا الكمونى , أو ذاك الجرجس لان كلاهما ارتكبا جريمة فى حق البشرية قبل أن يكونا فى حق الدينين, وسامحينى أنا لا أدافع عن معتقد اسلامى ولكنى أرفض التعميم و أرفض قول أننا مضطهدين لأنه لا يجب أن نكون هكذا , فى عصور الاستشهاد التى كنتى تتكلمين عنها وفى وسط الشدائد والموت لم يكن المسيحيون يتحدثون عن انهم مضطدين بل عن المجد السمائى وستندهشى اكثر ان علمتى انهم كانوا يعملون جاهدين لحفظ أوانى المذبح وبناء وحماية الأديرة مثلا من هجمات البربر المتوحشين , أنا اقصد أن نكون نحن المسيحيون اكثر ايجابية أو فاعلية ’ واسمحى لى ان اسالك : هل لديك بطاقة انتخابية ؟؟؟؟؟ هل تؤدين دورك الاجتماعى ؟ هذه أسئلة يجب أن نجيب عنها كلنا وحين نصل لاجابة واضحة وفعالة وشافية , حينها فقط نكون أخذنا بثأر من ماتوا دون ذنب , لقد طلب منى احد أن اكتب شعرا لاعبر عن شهداء نجع حمادى ولكنى أبيت أن يمتد قلبى وقلمى للصراخ فقط دون أن أكون فعالا فقررت فى كنيستى أن أجمع تبرعات مع أمين الخدمة لنرسلها إلى أهالى الأسر ونحن على يقين أنها لن تعوض شيئا ولكن ربما قد تسد حاجة أناس أخرين يفتقرون إليها , كذلك فكرنا أن نشكل تيارا قويا لترشيح أحد أعضاء الأحزاب بدلا من النائب الحالى : الغول , ويجب أن ندافع عن الحق السياسى و حتى ان كان النائب مسلما فتغيير النائب الحالى على أيدينا هو لتعبير قوى على دورنا الاجتماعى ,
كما فكرنا فى أن نطلب من احد خدامنا الكبار وهو لواء بالجيش ان يحاول تنظيم مؤتمر بنجع حمادى عنوانه ( دعونا نحب مصر ) .
أخيرا يا ايمى , انتظر تحقيق العدالة فى اعدام كل من سولت له نفسه فى قتل أبرياء , واخوتى الذين رحلوا لأحضان المسيح كلى ثقة أن لكم نصيبا أفضل , ويا اخوتى الذين على الأرض أقولها لكم لن نكتسب احترامنا أبدا ما لم نتحرك ونفعل لأان الصراخ والهتاف لا يجدى شيئا , ويضيع صداه مع ريح السماء
لى اشتهاء أن أنطلق و أكون مع المسيح إلهى فذاك أفضل جدا


رد مع إقتباس
بياناتي
 رقم المشاركة : ( 7 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: يعنى اية شهيد يا ارثوذكس

كُتب : [ 01-21-2010 - 02:54 PM ]


عزيزى دكتور مينا انا سعيدة جدا بمشاركتك الجميلة واللى حقيقى بتعلم منها
انا موافقة على معظم كلامك
لكن ياترى معنى كلامك ان اللى بيموتوا من اجل واجب وطنى فى الحرب مثلا يعتبروا شهداء
دا بناءا على كلامك انت اهو
اية أبدا بمن هو الشهيد : هو من قد يتنازل عن حق له فى مقابل فكرة او قضية و قد يصل هذا التنازل الى حد الموت
وبعدين حقوق اية اللى بتتكلم عنها وعايزنا نصرج مطالبين بيها يا مينا الغول تم رفضة من البابا كيرلس وكل المسحيين ولما فشل دخلة الغل ورغبة الانتقام ولما نجح باعوانة من الاشرار فتح علينا ابواب كل طاقات الغضب والشر والانتقام وقتل اولادنا فى ليلة عيد وحولة لصراخ ام وبكاء اب
الايجابية والفاعلية اللى انت طالبها دى عايزة معاها امل وثقة فى النتيجة ولو بنسبة ضيئلة حتى احنا لو بنتعامل مع بشر كانت حياتنا كلها اتغيرت لكن احنا بنتعامل مع وحوش فى هيئة بشر يا سلام لة كلامك دة يبقى فية امل فية ولو واحد فى المية بس
عموما شكرا يا مينا على مشاركتك الرائعة ربنا يبارك حياتك

رد مع إقتباس
بياناتي
 رقم المشاركة : ( 8 )
dr mina
ارثوذكسي مكافح
رقم العضوية : 60856
تاريخ التسجيل : Apr 2009
مكان الإقامة : المعادى
عدد المشاركات : 166
عدد النقاط : 11

dr mina غير متواجد حالياً

افتراضي رد: يعنى اية شهيد يا ارثوذكس

كُتب : [ 01-21-2010 - 03:21 PM ]


عزيزتى ايمى , إن فقدنا الأمل فالأفضل حينها أن نفقد الحياة لأانه أسهل كثيرا أن نموت على أن نعيش دون امل , ودعينى أرد عليكى بكامل الهدوء والمنطق :
1 من يموتون فى الحرب : لماذا ماتوا ؟ وهل ماتوا لكى يدافعوا عنك لئلا يدخل إنسان فيعتدى عليكى أو على أسرتك ؟؟؟ أنا أعلم تمام العلم أن الحروب تقوم لأسباب أساسية , ولكن دعينا نتفق أن من مات دون ذنب ليدافع عن فكرة هو شهيد , لأاننا ببساطة شديدة لا نستطيع أن ننكر عليه هذا الحق , و بالطبع لن أدخل فى جدال معك حول من يفجرون انفسهم ليقتلوا الناس , لأان الاختلاف على شهادتهم يعود إلى وجهة نظر الرائى ( فى {ايى ليسوا شهداء إن كانوا يقتلون أبرياء أما القتال مع جيش فهذا أمر مختلف ) , و قد أعطانا الانجيل مثلا فى هذا عن من حاربوا بجوار يشوع و جدعون ؟؟؟ هل هم شهداء أم ماذا ؟؟؟
2 تقولين يا صديقتى أن الغول تم رفضه من البابا كيرلس والمسيحيين أجمعين , كيف تم رفضه؟؟؟؟؟ سأجيب بدلا عنك : أننا تجمعنا فيما بعضنا وقلنا : مش عاوزينه وخلاص
هل ذهب أحد إلى الانتخابات ؟؟؟؟
أنا عضو فى لجنة المشاركة الوطنية بالكاتدرائية والتى يرأسها الأستاذ \ سمير ذكى , ويؤسفنى أن أبلغك أن عدد المشاركين بمحافظة نجع حمادى من المسيحيين فى أكثر من لجنة لم يتجاوز ال 20 !!!!!!!!! و قد أثير هذا الامر الاسبوع الماضى , فدعينا نقول رفضنا نعم ولكن لم نفعل
3 أما عن الأمل دعينى أقول لك شيئا , لا يضيع حق وراءه مطالب, ولكن علينا ان نطلبه وننتزعه لا أن ننتظر أن نأخذه و كمثال حى لما أقول , فى منطقتى المعادى , أراد نيافة الانبا دانيال ان يبنى كنيسة بالبساتين لأن عدد شعبها كبير وهم يقطعون مسافة طويلة لكى يحضروا فى كنائس المعادى , وبدأ البناء بعد صراع التصاريح ولكن تعطل قليلا بسببب الحى , فما كان من راعى الكنيسة إلى أن توجه بحكمته إلى عضو مجلس الشعب حسين مجاور وكان فى صراع مع المهندس أكمل قرطام فى الانتخابات وقال له , إن سارت تصاريح بناء الكنيسة فسيضمن له أصواتا مسيحية , وقد تم
الحياة المدنية الاجتماعية والمواطنة يا ايمى تقوم على المصالح المشتركة باستخدام الحق المدنى لكل فرد , وان كنا نحن المسيحيون نطالب بدولة مدنية لا دينية فعلى الاقل علينا ان نفهم ما هى الدولة المدنية وكيف نؤدى دورنا وننتزع حقوقنا
4 لكل شهداء نجع حمادى لكم نصيبا أفضل بالتأكيد والرب قد عزاكم وعزى أسركم بطمأنينة عجيبة , لهذا لا أحزن مناجلكم , ولكن أنتظر القضاء العادل ليعدم كل من سولت نفسه لعمل هذا , و أخيرا
لا نفقد الأمل مهما حدث لا تدعونا يا اخوتى نصدق ادعاءات البعض بأن هذه ليست بلدنا , هذه بلدنا وبها مشكلاتنا ولكن لن نتركها واكرر لن نتركها شكرا واسف للاطالة


رد مع إقتباس
بياناتي
 رقم المشاركة : ( 9 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: يعنى اية شهيد يا ارثوذكس

كُتب : [ 01-21-2010 - 08:47 PM ]


صديقى العزيز بيقولوا الاختلاف لا يفسد الود صح والمناقشة معاك جميلة حقيقى
بس ممكن وانا هحاول اكون هادية زيك اقول حاجة
الشباب اللى بيموتوا فى الحرب بيكون مش بارادتهم يا مينا مش شرط ولو يقدروا انهم ميروحوش مش هيروحوا
لكن دا واجب وطنى ومفروط عليهم ولما بيرجعوا البعض منهم بعد الحرب بياخدوا مكافئات كتيرة جدا اذا كنت انت بتتكلم عنهم يستحقوا مجرد اللقب والكرامة مننا احنا كشعب على تضحيتهم وكتابة اسمائهم على صفحات التاريخ ممكن اوافقك لكن لو انت رايك انهم شهداء زى مارجرجس ومارمينا وابو سيفين وكل اللى اعترفوا باسم المسيح ومصيرهم الملكوت لا
لا يا مينا خالص تفرق
تفرق كتير اوى وبالنسبة للى حاربوا بجوار يشوع بردوا الامر مختلف يا عزيزى العهد القديم مليان من قصص الحروب وكانت بامر ربنا وكانوا شعب اللة اللى بيحاولوا الامم يستغلوا ضعفهم وعددهم القليل ويستولوا على اراضيهم وكان ربنا لازم يعلن مجدة ويحارب عنهم ويطلب منهم الدفاع عن ارضهم لانهم شعبة ولان صورة اللة مكانتشى واضحة زى دلوقتى الوضع مختلف والمسيح فى عهد النعمة غير الافكار كلها
اما بالنسبة لكلامك عن الانتخابات ممكن يكون الاقباط مكانوش ايجابيين فيها فى نجع حمادى بس السؤال لية ؟
مش كل حاجة وليها سبب هما رفضوا عبد الرحيم الغول بدليل انة لما خسر قال للانبا كيرلس اسقف نجع حمادى وعلى مسمع من الجميع دقنك دى هنتفهالك بايدى شعراية شعراية يا كيرلس
وفى نفس الوقت منتزعوش حقهم فى انتخاب اللى هما عاوزينة دا بناء على كلامك بردوا بس لية يا مينا ؟
لو انا اقدر انتخب واحد عارفة انة هيكون فى بينا وبينة مصالح مشتركة واننا هنعمل مع بعض لاجل صالح بلادنا واهدافنا لية مش هعمل دة لية لية لية ؟
لانة حتى دى صعبة وبيعتبروها مش من حقنا لانة بالوحشية والتخويف والبطش والافترى مقدرشى اعمل دة وانتخب اللى انا عاوزاة -
ربما يكون دة مش فى كل الاماكن ولا كل البلاد لكن موجود وخصوصا فى بلاد الصعيد
البلد بلدنا لكن عايشيين فيها اغراب وزيادة عدد ومش مرغوب فينا ومش معترف بينا ولا بحقوقنا حتى كانسان على راى مجدى عايزين ابسط حقوقنا حتى كانسان

http://www.elbashayer.com/news-78268.html

عموما يا مينا ممكن انت تكون بتتكلم صح وانا بحترم رايك لكن الامر كلة عايز تفكير وتغيير
والبكاء والتسليم وقلة الحيلة دى مبقتش تنفع اااة طبعا الصوم والصلاة هما سلاحنا لكن معاهم لازم يكون فى حكمة ورفض للشر والابتزاز لازم نرد لكن بطريقة المسيح ان كنت فعلت ردئ فاشهد على وان كنت فعلت حسنا فلماذا تضربنى وربما يكون دم شهدائنا دول كان بداية لطريق جديد وفكر جديد ---
وكلة ترتيب ربنا علشان يعلن مجدة وذاتة ويعرف الجميع اننا مش ضعفاء ولا مغلوبيين على امرنا
وسكوتنا دة فرصة من ربنا ليهم هما لكنة زى ما هو رحيم وطويل الاناة هو بردوا عادل وجبار
مش كدة يا مينا --
شكرا ليك كتير بجد انا سعيدة بحوارك ولو عايز تقول حاجة تانى انا سمعاك واكون مبسوطة جدا
الرب معك

رد مع إقتباس
بياناتي
 رقم المشاركة : ( 10 )
dr mina
ارثوذكسي مكافح
رقم العضوية : 60856
تاريخ التسجيل : Apr 2009
مكان الإقامة : المعادى
عدد المشاركات : 166
عدد النقاط : 11

dr mina غير متواجد حالياً

افتراضي رد: يعنى اية شهيد يا ارثوذكس

كُتب : [ 01-23-2010 - 03:16 AM ]


عزيزتى ايمى , أشكرك كثيرا على ردك الجميل وليس لدى سوى تعقيبان : أولهما أننا توصلنا لأهم شئ و هو أن نغير من أنفسنا ونكون ايجابيين فى حياتنا وهذا اتفقنا عليه وفى رايى هذا اهم الاشياء
والثانية كما قلت لكى : الشهيد لقب فى رأى من يراه , فليس من حقى انتزاع اللقب عن الغير والواجب الوطنى كما قلتى ربما يموتون دون ارادتهم ولكنهم يموتون للدفاع عن هدف , لقد ذكرتى أن جيوش يشوع وجدعون كانوا شعب الله المختار , أتفق معك ولكن فى أخر الأمر هى حروب , عامة وبأى شكل اشكرك على موضوعك واتمنى ان نكون جميعا ياشباب أكثر ايجابية واكثر نضجا فى دورنا الاجتماعى
شكرا


رد مع إقتباس

اضافة رد

مواقع النشر (المفضلة)

الكلمات الدلالية (Tags)
center, شهيد, ارثوذكس, اية, رد, size, يا, يعنى

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اريد رأئ كل عضو فى منتدى ارثوذكس elshbah صندوق مناقشات الاعضاء 4 07-23-2011 05:40 PM
التسعة والأربعون شهيد شيوخ شيهيت aymonded سير القديسين 19 11-16-2010 01:40 PM
منتدى ارثوذكس علمنى؟؟؟؟!!!!!!!!!!! nona queen الموضوعات الشبابية 13 05-22-2009 09:11 PM
عصابة المهيسين Narmar الضحك والفرفشة 22 04-10-2009 01:56 PM
( ليه يا رب؟ ) .. ( ليه بيحصللى كده ؟ ).. ( اشمعنى أنا ؟) .. keroo82 المنتدى العام 21 07-29-2008 04:37 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 10:10 AM.