[kamer14]

يلا بينا نضحك على المشرفين شوية


المهم أنا جبيتلكم أقولكم شوية نكت على المشرفين ( ربنا يستر - شكلى كده برسم على طردى من المنتدى )




أنا بس طالبه منكم خدمه


لما انطرد من المنتدى تعملوا مسيرة ومظاهرة وتضغطو عليهم يرجعونى تانى



1 - خطيبة مشرف كل ماتتصل بيه تطلعلها رسالة مسجلة - السرفر مشغول حالياً ، حاول فى وقت آخر .


2 - مشرف شغال فى المرور كل مايشوف عربية مخالفة يديها تقييم سالب .


3 - مشرف كتب كتابه فى موضوع وعمل الحفلة فى قاعة التهانى والمناسبات ووزع على المعازيم تقييمات موجبة


4 - مشرف زعلان من مراته عملها حظر


5 - مشرف عام غطسوه تانى


6 - مشرف خلف توأم إحتفظ بواحد والتانى حطه فى قاعة المكرر


7 - مشرف جاتله فاتورة التليفون كبيرة عملها تعديل


8 - زوجة مشرف نسيت تحط الملح فى الأكل حطلها تقييم سلبى


9 - مشرف زهق من مراته عملها ايقاف


10 - مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى ...


11 - مشرف عاوز يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل


12 - مشرف عنده حالة نفسية كل مايكتب موضوع يحذفه


13 - مشرف عاوز يعرف حبيبته بتحبه أو مبتحبوش دخل على القاعة وبدأ يحذف المواضيع واحد ورا التانى ( بتحبنى -


مبتحبنيش - بتحبنى - مبتحبنيش )


14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة


15 - مشرف دخل قاعة المناقشات طلع منها بخمس غرز وإرتجاج فى المخ


16- مشرف دخل قاعة المرأة طلع منها بست اشهر


17 - مشرف دخل قاعة القضايا السياسية قبضوا عليه فى مظاهرة


18- مشرف إختلف مع المشرف عام نقلة مشرف على قاعة المواضيع المكررة


19 - مشرف عاوز يطرد عضو مميز من المنتدى حطله أحد مواضيعه حتت حشيش وبلغ عنه


20 - مشرف مردش على الموضوع ده اختفى فى ظروف غامضة

ههههههههههههه

المصدر: †† ارثوذكس †† - من قسم: الضحك والفرفشة

[imported_جولى]

تعبت من الضحك
ههههههههههههههههه
ايه الجمال ده ربنا يبارك حياتك

[kamer14]

ههههههههه ميرسى ياجولى على ردك الجميل ده

[ظريف]

بجد يا فيرونيكا ( قمر 14 ) شوية نكت فى منتهى الجرائه بصراحه أنا ماعنديش الجرأه أكتب زيهم وكمان بتهددى المشرف وتقوليله مشرف مردش على الموضوع ده اختفى فى ظروف غامضة نحن فى أنتظار رد المشرف العام على هذه الأهانه الموجه له شخصيا ونطالب بأقصى عقوبه على المدعوا فرونيكا الشهيره بــ قمر 14

[kamer14]

اولا احب اشكرك يااستاذ ظريف على الرد الجميل ده ثانيا حضرتك بتشعللها ولا ايه خليك محضر خير عشان انا شكلى كده بعد الموضوع ده هروح بلا رجوع ربنا يستر وحياتكم بعد مااترفد تبقوا تعملوا مظاهرات وكده عشان ارجعععععععع

[MICKEY]

دبور زن علي خراب عشه

[kamer14]

ههههههههههه تصدق انا كمان بقول كده

[bolalover]

ههههههههههههههه
فين المشرفين يا جماعة الله
ازاي تسبوها تكتب كده ههههههههههه لا لا لا انتوا لازم تطردوها اشر طردة و احنا علينا بكسر القلة وراها ههههههه
انتي الي جبتيه لنفسك يا قمر14 هههههههه

[minabobos]

نرجو من الشمرف العام اتاخذ اقصى عقوبه ع المدعو قمر 14

انتى اللى جبتى لنفسك


وميرسى ع الموضوع

ومستنين راى هيما
هههههههههههه

[ظريف]

المشاركة الأصلية كتبت بواسطة kamer14 اولا احب اشكرك يااستاذ ظريف على الرد الجميل ده ثانيا حضرتك بتشعللها ولا ايه خليك محضر خير عشان انا شكلى كده بعد الموضوع ده هروح بلا رجوع ربنا يستر وحياتكم بعد مااترفد تبقوا تعملوا مظاهرات وكده عشان ارجعععععععع

لأ يا قمر أنا مش بشعللها ولا حاجه ده أنا بأحيكى على جرأتك فى الموضوع بس اللى محيرنى أنك عندك 14 سنه يعنى لازم المشرف يوديكى سجن الأطفال قصدى الأحداث أكيد هيما مش عاوز يأذيكى ياقمر طب أسمعى يا قمر أعتزريله وقولى أنا كنت أقصد أبعت الموضوع منتدى تانى وهو حيسامحك على طول