[MICKEY]

كان فيه مجموعه كبيرة من الصعيد كانت شارده في الشوارع مش لاقيه بيت تتاوه فيه

وفجأة وهما ماشين جعانين وعطشانين وحزاني لقوا واحد طيب اوي اوي
ربنا بعتهلهم نجده

الواحد ده فتحلهم بيته ودخلهم فيه
وقال لكل واحد اختار الأوضة اللي تعجبك ونام فيها واعمل فيها كل اللي انت عاوزه

وفعلا كل واحد شاف نقصة ايه وخده
اللي كان نفسه في ضحك ضحك
واللي كان نفسه في اشباع روحي شبع
واللي كان نفسه في ترانيم سمع

وفي مرة واحد من الصعايده دول شاف بنت الراجل الطيب ده
بنت قمورة ومؤدبه وجميله وفيها كل المواصفات الحلوة اللي يتمناها كل انسان

اتكلم معاها وحبها وحبته
وفجاة خطفها واتجوزها وساب البيت ده وخد معاه اصحابه اللي مكنوش لاقيين مكان يلمهم

وهما ماشين في الطريق لقوا تعبوا من كتر المشي
دخلوا بيت جديد وقعدوا فيه

ونسيوا تماما اخواتهم اللي بيحبوهم اللي في البيت الاولاني
وكمان هي نسيت اخواتها اللي كانوا بيحبوا يشفوها دايما رايحه جايه في البيت

هل ده رد المعروف ؟؟
ليه بنبعد ؟؟

البيت ده هو ارثوزكس
والراجل الطيب هو ربنا اللي ادانا الفرصة اننا نتواجد في كنيسة صغيرة زي ارثوزكس


والأوض دي اقسام المنتدي المختلفه

اما المجموعه المتسولة اللي مكنتش لاقيه تاكل
والبنت اللي هربت معاهم

هما عارفين نفسهم

مستني اشوف رد المتسولين في الموضوع
واشوف ضحكة البنت من تاني

المصدر: †† ارثوذكس †† - من قسم: صندوق مناقشات الاعضاء

[nermos1982]

لا تعليق . مستنية زيك الردود

[ramy9000]

موضوع عادي مفهوش فكره محدده
هل ضحك ع الصعايده ولا نطلع بمعلومة
يا عم ميكي ارجع لايام زمان هاتبقي حلو

[bassem8800370]

مستني اشوف رد المتسولين في الموضوع
واشوف ضحكة البنت من تاني

بس ياترى هتستنى كتير ولا هتمشى الحياه كانهم موجوديين فى المنتدى

[جورج أنور جورجي]

هو اللى عايز يرجَّع الناس للبيت يشتمهم .. سبحان الله
على العموم أنا متسول من اللى انت تقصدهم وان شاء الله أرجع تانى

[حنين سنين]

ههههههههههههههههههههههههه
ياريت يا مكمك يرجعوا تانى بجد وحشونا كلهم
والبنوته ربنا يسعدها بقى

بجد موضوعاتك جميله خالص يا ميكى والدخله بتاعتك تجنن
وانا كمان مستنيهم يردوا ويرجعوا تانى

[MICKEY]

كلامي ليس للصعايده كلهم
الصعايده اجدع ناس وعلي دماغي من فووووق
انا عندي عيال عاوز اربيها


كلامي لميلاد الناي الحزين واسامه سمسم ومينا الحديدي ومريم كوتا

[هابى22]

موضوع ظريف.....بس اللي يحب يرجع حد ميشتموش ولو كل واحد فينا دور علي اصله هيلاقي اصله صعيدي ........وعلي العموم اعتبرني متسول جديد الرب يعطيك نعمه في التشبيه صلي من اجل ضعفي

[كيرو رافت]

يا جماعه ميكى موش بيشتم حد من الصعايده
لان اصله صعيدى
هو بيكلم مجموعه من البشر انقرضت من الاف السنين
وهما الناى الحديدى ومينا الحزين واسامه كوتا ومريم سمسم

وان شاء الله هايعودا هما هايلاقوا فين مكان يلمهم
غير حضن ارثو العظيم

بجد وحشونى قوى قوى ومفتقد وجودهم موووووووووووووووت
بحبهم موووووووووووووووووووووووو وت
اجمل صعايده فى الدنيا واقرب اخوات ليا

[MICKEY]

علي فكرة ياجماعه انا والدي اصله من المنيا ووالدتي من اسيوط واتعرفوا علي بعض في رحله كانت في بني سويف يعني الاتنين اصلهم صعيدي ياريت مش تاخدنا الجلاله ان الموضوع تهزيق للصعايده ياريت نبص للهدف اللي ورا الموضووووع