[M!SS N@NO]

سلام ونعمة لكل أعضاء المنتدى الغاليين.............
كل سنة وأنتوا طيبين
أولا:بمناسبة أقدس وأحلى أيام فى السنة وفرحتنا بقيامة الرب يسوع المسيح له كل المجد.
ثانيا:بمناسبة أقتراب عيد ميلاد كلية الطهر والدة الاله ام النور القديسة العذراء مريم.

وبخصوص المناسبة التانية دى أحب أقولكوا على حاجة جميلة خالص وهى .........
ان كنيسة السيدة العذراء مريم بكفر سليمان عوض...مركز السنطة...غربية
سوف تقيم أحتفالا لمدة أسبوع ابتداءا من يوم الجمعة الموافق 2/5/2008 وحتى يوم الجمعة الموافق 9/5/2008 وهيكون برنامج الاحتفال كالتالى :

• يبدأ اليوم بالقداس الألهى.
• يليه حوالى الساعة 6 موكب زفة أيقونة العذراء مريم فى كل البلدة مع خروج الاباء الكهنة والشمامسة وهم يبخرون للأيقونة مع باقة من أجمل الترانيم اللى هيقوم بأدائها شباب أم النور بالكنيسة.وسوف تستمر الزفة لمدة ساعة تقريبا.
• يليها صلاة رفع بخور عشية وأخذ بركة الاب الكاهن المتكلم.
• ثم سهرة للشباب المرنم مع الشعب ليترنموا لوالدة الاله أمام الكنيسة وطلب شفاعتها فى كل ما نريد.

ملحوظة:الكنيسة دى مشهورة بأنها (ببركة وشفاعة وصلوات القديسة مريم ) بتدى نسل للعواقر اللى ربنا مسمحش ان يكون عندهم أطفال.



والمفاجئة..............
السنة دى هيكون موجود بالكنيسة أباء رهبان من دير البحر الاحمر وده هيكون يوم الخميس الموافق
8 /5 /2008


أستنوا المفاجئة لسه مخلصتش..............
هيكون موجود كمان فى أول يوم المعلم ابراهيم عياد مع جناب القس / مينا شفيق وكمان هيجى أسقف بس لسه عقبال ما الاعلانات تنزل هيقولوا عليه وعلى جدول النهضة.


بجد يا ريت كلنا نشجع بعض ونروح ناخد بركة أم المخلص ونحضر يوم روحى جميل وتبقى خروجه جميلة من خروجات المنتدى .
انا بجد عمرى ماروحت هناك ومش عارفه أروح لوحدى . انا عندى هنا فى البيت وافقوا ورحبوا بالفكره
بس المشكله ان والدى مدرس وهيكون عنده امتحانات ومراقبه ومش هينفع يجى معايا وأخويا ظروف شغله بتخليه يسافر كتير ومضمنش انه يجى معايا.
فياريت اللى يحب يجى يقول ونتجمع كلنا ونروح وتكسبوا فيا صواب.

وبخصوص المواصلات:
احنا هنركب من موقف عبود من القاهرة مواصلة بيجوه السنطة.

واللى يحب يستفسر عن اى حاجه مش عارفها يتصل بأخونا /نبيل نصيف جرجس
على رقم / 0161693388
وهو هيعرفه على كل حاجة وهايقبله فور وصوله وباذن المسيح يقابلنا كلنا.

ومنتظرين الردود

وربنا يكون معاكم

المصدر: †† ارثوذكس †† - من قسم: صندوق مناقشات الاعضاء

[ظريف]

الله ده أكيد حيبقى أحلى اسبوع فى اسابيع السنه كلها
أسبوع كله فرح سماوى وبركه إلاهيه 0 ربنا يبارككم
ويعوضكم عن تعب محبتكم 0 وشكرا حنان صادق
على هذه المفاجئات الشيقه والممتعه

[نبيل نصيف جرجس]

مرسى يا احلى اخت فى الدنيا صدقينى برد على الموضوع وانا فى عينى دموع عاجز عن شكرك خالص ربنا يعوضك تعب محبتك خير وبجد اشكرك خالص

[كيرو رافت]

الله عليكى يا حنان انتى والاستاذ الغالى نبيل نصيف
انا عندى اقتراح ايه رايك لو نخلى الخروجة التالته بتاعت المنتدى اللى اعلن عنها ميكى يوم 7-5 تكون لزيارة الكنيسة دى ومشاركة شعب طنطا افراحه بعيد كليه الطهر والنقاء ام النور وناخد راى باقى الاعضاء
ايه رايك
ام النور تكون معاكم وترعاكم وتظلل عليكم بروحهاوتبارك حياتكم

[minabobos]

انا معاكم باذن ربنا بس يارب مش يكون عندى امتحانات
وميرسى ليكم ع اهتمامكم الجميل اوى ده
بركه والده الاله مريم تكون معاكم
وبجد عاجز عن الشكر ليكم
ومستنيى راى باقى الناس اللى ف الخروجه
وربنا يبارك

[M!SS N@NO]

ميرسى ليكم كلكم بجد على اهتمامكم
ميرسى استاذ ظريف وياريت تيجى وتشرفنا بوجودك معانا
ومتشكرنيش يا نبيل دا انا اللى المفروض اشكرك
ويا كيرو ابعد عن خروجه ميكى احنا مش قده
احنا ممكن نروح عادى وساعتها نتفق وهتكون فرصه نتفق ونعرف رأى الباقين وهنتقابل ازاى والتفاصيل دى وهيكون لسه فاضل يومين ع النهضة
وميرسى يا مينا على اهتمامك
ومتخافش الكليات مش هيكون فيها امتحانات فى الوقت ده لسه
يا ريت تيجى بجد

وعايزه اسمع الاراء
والكل يقول أنا جااااااااااااااى

[الناى الحزين]

شكرا يا حنان بجد فكره جميله جدا يا جماعه
بس للاسف مش هينفع اروح للانى من الصعيد
على فكره انا اعرف نبيل نصيف من فتره طويله اتعرفت عليه عن طريق الصدفه فى الشات وبجد هو انسان هايل وجميل جدا
ومكنتش اعرف انه مشترك فى المنتدى هنا الا بالصدفه برضوا
ربنا يباركم وفكره جميله ان تخلوا الخروجه الشهريه هناك
ربنا يتمجد واقدر اكون معاكم

[M!SS N@NO]

يا جمااااااااااااااااعه الخروجه مش هتبقى هناك
احنا نروح الخروجه عادى ونروح النهضه يوم تانى
وممكن نتفق هناك فى الكتدرائيه

[MICKEY]

اهلا بيكي ياحنان
وبجد موضووع جميل وفكرة رائعه
وانا مش عندي اي مانع اني اروح هناك في اليوم ده

بس انا في الحالة دي هتكلم عن نفسي
لاني مش عارف ظروف باقي الأعضاااء

هل الكل هيقدر يجي ولا لا وخصوصا ان الكنيسة في طنطا
ومتهيئلي يعني سفر
يعني هنحتاج نوع من انواع الرعاية اكتر واكتر
لأنها اصبحت بمثابه رحله من الموقع
ولازم الكنيسة تكون عندها علم بيها وابونا كمان
الموضووع مش سهل

لكن لو بصفة ودية وخلينا اللي عاوز يروح يروح ونتقابل هناك
كده الموضووع بقي اسهل بكتير

انا مش عارف برضه رأي الجميع

انا انتظر راي باقي الاعضاااء

يعني هل لو رحنا هنلاقي مواصلات نرجع فيها ولا لا
هل هيكون في بنات عشان تيجي انتي ياحنان ولا لا

ولكن اقتراحي اننا نخلي الزيارة لطنطا بعيده عن الخروجه الشهرية
لأن الخروجه اتعرفت انها في الكاتدرائية
واتاخد علم بيها بكده بعد عناء

لكن موضووع طنطا ممكن نخليه يوم تاني خلال هذا الاسبوع السابق ذكره


ربنا مع الجميع
واسف علي الأطاله

[كيرو رافت]

كلامك اوامر يا سيد الناس ماشى يا سى السيد هو ان فى دكى الساعة لما اشوفكم مرتين دا كتيييييييييييييييير على يا رب
اوكى نخلى الخروجة الثابته بتاعتنا ونحاول نتفق على الخروجة طنطا لما نتقابل
كل سنة وانتم طيبين يا اجمل جروب فى الدنيا
حنااااااااااااااااااااااا ن قالت ابعدوا عن خروجة ميكى احنا موش قده
واضح ان شخصيتك قويه يا ميكى
ميرسى يا حنون لاهتمامك