[MICKEY]

كتير قرب مني وحس ان جوايا مشاكل وهموم

وسألوني سؤال
انت ازاي مش بتخلي اللي قدامك يحس انك جواك حاجات مضايقاك
ودايما اللي يتكلم معاك يحس انك اسعد انسان في الوجود

وانك مش عندك مشاكل خالص

هقولكم الاجابة في شرح بسيط

الصورة دي عجبتني اوي اوي
شوفتها علي النت

انظر ليها بتمعن ودقق اوي في كل حاجه فيها

بعد النظر والتدقيق ستجد أن

ليس هناك مكان كاف للنوم

ومع ذلك فقد استطاعوا أن يجدوا مكاناً لنوم القط والكلب !

الماء يتساقط من السقف

ومع ذلك فقد ارتسمت على وجه الأب ابتسامة مسالمة وهو ممسك بالمظلّة .. فالمشكلة ليست معقّدة ...

قدم السرير مكسورة

ومع ذلك قطعتان من الخشب أو الأحجار كفيلة بالقيام بالمهمة كأفضل ما يكون

*******
ليس السعيد في هذا العالم من ليس لديه مشاكل

ولكن السعداء حقيقة هم أولئك الذين تعلّموا كيف يحلون مشاكلهم ويقتنعون بتلك الأشياء البسيطة التي لديهم.

نصيحة مني.. (احتفظ بابتسامتك دائماً مهما كانت الظروف)

وفي جملة كنت كتبتها علي الميل وحطتها في توقيعي من فترة
جملة ألفتها بنفسي
بتقول

طظ فيكي يادنيا ومش هزعل علي حاجه تاني فيكي
ماهو انا مش هعيش تاني فيكي اكتر من اللي عشته فيكي

والقناعة كنزٌ لا يفنى

فبجد اي مشكلة ارميها ورا ضهرك وسبها علي الله
مش تستاهل الحياة دمعه واحده تنزل من عيونك عليها

(*_*) أخوكم : مايكل سامي (*_*)

المصدر: †† ارثوذكس †† - من قسم: صندوق مناقشات الاعضاء

[ماروجيرافك]

الله عليك يا مايكل فعلا اهم حاجه ان الانسان يحتفظ ببتسامته رغم كل الظروف علي الاقل قدام الناس لانهم ملهمش زنب يشوفك زعلان
حتي لو الميا جتلك من تحت البلاط هههههههه

[اسامه سمسم]

ميكى
انت بالموضوع ده هتخلينى اعمل حاجه مش كنت بعملها قبل كدا
وهى انى
سوف ارفع لك القبعا حبا وتقديرا واحتراما
شكرا يا ميكى







































قال سر ابتسامتى قال
يا عم روح اقعد فى حتى تكون ناشفه
ميكونش فيها ميا يعنى
نياهاهاهاهاهاهاهاهاهاهاها

[rmio]

معك حق
الانسان البشوش يضع الله بينه وبين المشكلة فلا يرى المشكلة ولكن يرى يد الله تعمل لحل المشكلة
ام الانسان المكتئب فيضع المشكلة بينه وبين الله فلا يرى الله ولكن يرى المشكلة فتذداد كئابته

[أميرة عبده]

الصوره رائعه ومعبره اوى ومليانه بالحب اوى اوى اوى
لكن الواقع غير كده مش فى الصوره بس لكن فى حجات كتير
يريتنى اقدر اعمل زيك يا مايكل

[kottah_sh]

بجد يا مايكل تحفه جداااااااااا

الصوره رائعه
وكلامك مقنع جداااااااااااا

بس صدقنى بنحاول نعمل كده كتير
اننا نكبر دماغنا من الدنيا ومشاكلها
احيانا بنقدر واحيانا كتير مش بنقدر




بصراحه انا بحاول افصل بين الهموم
وبين معاملتى مع اصحابى والناس اللى حواليا



ميرسى يا مكمك يا صاحب اكبر ابتسامه

[الماكس مايكل]

موضوعك جميل اوى يا مكمك
وفعلا عندك حق والصوره معبره اوى
رغم كل ده نايم
بس شكلهم مبسوط
بس الحقيقه غير كده
وميرسى يا معلم على الموضوع الجميل

[miso]

مش تستاهل الحياة دمعه واحده تنزل من عيونك عليها
انا معاك ان لازم نرمى كل حاجة على ربنا
بس صدقنى فى حاجات كتير مش بتريحنا فيها الا الدموع
ربنا يسعدك ومتفارقكش الابتسامة ابدا

[الناى الحزين]

شكرا مكمك على الموضوع
واوعدك انى بعد كدا هنام والشمسيه فى حضنى بعد ما اخرم السقف
وكمان هكسر السرير واحط مكان رجله طوبه ولا اتنين
واجيب كلب جربان وانومه جمبى وقطه عندها انفلونزا الخنازير تكون تحت المخده
هههههههههههههه



يابنى دول سر سعادتهم حاجه وحده بس
البساطه
صدقنى البساطه دى
سر من اسرار الدنيا بيها تقدر تكون اسعد انسان فى الدنيا بس بينى وبينك احيك على الموضوع الرائع
والجزء ده عاجبنى جدا جدا جدا



والقناعة كنزٌ لا يفنى

فبجد اي مشكلة ارميها ورا ضهرك وسبها علي الله
مش تستاهل الحياة دمعه واحده تنزل من عيونك عليها

ربنا يفرح قلبك يا مكمك
وتكون سر ابتسامتك هى حل لكل مشاكلك

شكرا لك يا من تسكن قلبى

[nona queen]

ليس السعيد في هذا العالم من ليس لديه مشاكل ولكن السعداء حقيقة هم أولئك الذين تعلّموا كيف يحلون مشاكلهم ويقتنعون بتلك الأشياء البسيطة التي لديهم.

تمام بجد كلامك يا مايكل
ربنا مايقطعلك ضحكه ياخويا
وتفضل نياهاهاهاهاهاها شغاله 24 ساعه فى اليوم حتى فى احلامك باذن الله
ميرسى على روعه الموضوع والكلمات