[keroo82]

اولا
انا رجعت بعد غياب كبير اوى اوى
وبقولكم وحشتونى يا اغلى اعضاء واجمل اخوات

موضوعى النهاردة
عن

علاقة الولد بالبنت

انا عايز اقدم ليكم موضوع شاغلني اوي و محتاج فعلاً فيه مناقشه جاده

وياريت الكل شارك و يضيف حاجه علشان فعلاً ده موضوع مهم

المهم ندخل في الموضوع علطول

انا مستغرب جداً علي حكايه إن في حب بين ولد و بنت يعني ايه ::

الولد يجي يقول للبت انه بيحبها وبعدين هي توافق او لا ..

ولو بتحبه طبعاً ارقام موبايلات و مقابلات ... الخ و الكلام اللي انتوا عرفينه ده ..

و في الاخر الحكايه بتفشل و مينفعش يكملوا مع بعض

الظروف .. البنت اتقدملها عريس تاني جاهز و كده و يا عيني يا حرام الولد نفسه ومني عينه

انه يتجوز البنت بس اقول ايه انا ظروفي انا لسه بدرس و لسه باخد المصروف من بابا و مينفعش اقول للبابا اللي بعد ما اتخرج و اشتغل

وحتي لو قولتله و روحنا نتقدملك بباكي هيقولي بتشتغل ايه و الكلام ده
فمن اصيرهافكك مني

طب مدام كده ليه بقي مش عارف الكلام ده من الاول وتحترم نفسكو متعلقش بنات الناس معاك و حكايه ارتباط من غير حاجه رسمه و لا خطوبه ولا حتى تلبيس دبل او نص اكليل

انا عندي واحد بيحب واحده يبقي علطول يروح يعرف رائيها حتي و يقولها اقابل بابا امتي ( ده يعني لو البنت بتحبه او موافقه علي الارتباط الرسميبيه )

و مستغرب علي حكايه كمان

قال ايه لما البنت بتحب الولد

انا عمري ما هلاقي واحد زيه ( انا كل اصحابي بيقولوا كده علي اللي مرتبطين بيهم )
انا واثقه جدا فيه

و حكايه الثقه دي بقي

عن اقوال اصحابي اللي شوفتهم

لما الولد يحول علي بنت تانيه او يخدعها او او او

طب اذاي ده انا كنت واثقه فيه انا عمري ما كنت اصدق ده عمري ما كنت احسب انه يطلع كده ابداً

او .. لما الولد يجي يطلب رقم البنت ايه ده انتي مش واثقه فيه ؟؟

ويقلبها حكايه و يا عيني بقي البنت تقوله لا لا مين قال كده و ذي الهبله تدي رقمها

يسيبها بقي خلافات اي حاجه و يوزع الرقم و و و اكيد انتوا عارفين الباقي

المطلوب باختصار :

انتوا موافقين علي حكايه الارتباط ده من غير ارتباط رسمي ؟؟

يا تري لو بنت واثقه في ولد و بتحبه و و و توافق وتقبل انها تديله رقمها و يكملوا
وهل الكلام دة لو تم هيكون مخفى ولا بارشاد من اب الاعتراف بين الاتنين علشان يبقو على نور

وياتري مكن تكون نهايتها الفراق و الكلام ده

يا ريت مناقشـه و كل واحد يقول اللي عندكوا

شكرا ليكم

المصدر: †† ارثوذكس †† - من قسم: الموضوعات الشبابية

[Malak sokar]

ازيك ياكيرو وحشتنا اوي حمداللة علي سلامتك

انت شكلك او معظم كلامك عن ارتباط عن طريق النت
اهو دة بزاد البنت متصحش تدي الولد رقمها لان
التعارف عن طريق النت الي بيحصل فية انك بتعرف الجزء اللي بيسمح الطرف التاني بعرضة
وفي خداع كتير اوي بيحصل
اما لو كان ان انا اربط حياتي بشخص وانا اعرفة كويس عنة طريق كنيسة او غيرة يبقي لازم اسرتي تعرف عشان يبقي الموضوع ناجح
اما لو غير كدة انا من رايي بردو
غير ناجح وفية قلق كتير بزاد ناحية البنت
اللي بيحصل ان البنت تقول للولد انا عمري ماهلقي زيك وبتستني كتير وهو (لو كان صادق في مشاعرة )مش بيعرف يتحرك
عشان ظروفة المادية
والولد من ناحيتة بيتهم البنت انها قاسيى لو ارتبطت بحد غيرة
يبقي النتيجة اية؟
انا مش بقول منحبش او منحسش انا بقول ان الصراحة لازم تبقي موجودة
الاتنين يصرحو بعض ويبقا في عقل داخل الموضوع يعني
ميمفعش امشي بعواطفي من غير عقلي
ربنا اعطانا عواطف عشان نتحكم فيها بالعقل


كمان الواحد لازم يحافظ علي مشاعرة لمن سوف يرتبط بية ويبقي نصة التاني
لما ابقي بقي متاكدة ان الطرف التاني دة هو
نصي التاني عن طريق الكنيسة وقتها
اربط حياتي بية

لاتترك عواطفك بلا لجام عشان الي بيحصل في الاخر انك بتجرح نفسك

شكرا للموضوع الجميل وانا عارفة ان رايي معظمكو هيقول علية انة متخلف او قاسي
لكن هو دة المفروض يحصل
النعمة معك

[miso]

انتوا موافقين علي حكايه الارتباط ده من غير ارتباط رسمي ؟؟
لا لالالالالالالالا اصلا اللى بيتقدم دع وعامل فيها بيحب البنت فعلا لازم يبقى عارف ان الحب مش كلام وموبيلات وهنفضل مع بعض نبقى طوبة طوبة والكلام الفارغ ده خلاص خلص الزمن ده
اللى عايز يرتبط ببنتب رسمى بيبقى عارف هو هيقدر يوفرلها على الاقل حياة كويسة مش بقول فارهة عربية وشقة 1000 متر وحاجاة كدة
لا على الاقل يبقى عنده ابسط الحاجات لكن يفضل يحب كدة ومش عنده امكانيات اكيد يبقى بيهزر او بيتسلى حتى لو بيحبها يبقى حرام يربط بنت جنبه ويحرجها قدام اهلها
تانى حاجى البنت بقى لما تحب مش تروح تحب سورى يعنى واد لسة بياخد مصروف من بابا وتليفونات بليل بقى وتقول اصله بيحبنى ومش عارف ايه
طب يابنتى وبعدين واخرتها تقول معرفش
يبقى فالحالتين ده تهريج
واللى بيحب بجد بيبان من اولها انه جد ومش بيتسلى ومش بيهرب
بالنسبة للثقة بقى دى بقت حاجة معروفة وعادى بقت كلمة عادية
بثق فيك على عينى وراسى بس مش تليفونات وموبيلات وتهريج
لو هو بيحبها بجد اكيدهيحرتمها وهيحترم رايها
وميرسى على الموضوع ده رغيت كتييييير
وحمدلله على السلامة بعد الغيبة

[elphilasouf]

اولا رايك يا كيرو حلو جدا وكمان رايي سكر وراي فكك منى
وزي ماقالت سكر لازم يكون فى عقل مش عواطف ومشاعر وخلاص

انتوا موافقين علي حكايه الارتباط ده من غير ارتباط رسمي ؟؟
يعنى اي ارتباط عمتا مش بكون راسمى فى الاول لازم الاول بيكون فى فتره قبل الرسمى ....تعارف او تمهيد او كده ..، ودي برده لازم متستمرش كتير بس لازم تكون موجوده
يعنى انا مش اول ماشوف بنت وبفكرارتبط بيها هروح اخطبها ع طول ولاحتى اروح اكلم اهلها ع طول ، لا لازم الاول اكون متاكد من مشاعري وعارف امكانياتى....عشان بنات الناس مش لعبه..

يا تري لو بنت واثقه في ولد و بتحبه و و و توافق وتقبل انها تديله رقمها و يكملوا

انا عمتا مش بشوف فى حكايه رقم الموبيل او صوره البنت الخطوره الكبيره دي..
يعنى لو عالرقم ممكن يتغير الخطوط سعرها مش غالى اوي يعنى

لو ع صوره البنت فممكن اي بنت تتصور فى الشارع وهى ماشيه من كاميرا موبيل من غير ماتاخد بالها خالص
وبعدين حتى لو اتركب ع صورتها اي جسم لا يليق
فمعروف اوي ان ممكن الصور تتركب بالفوتو شوب والناس كلها تقريبا عارفه كده
بس طبعا انا مش بقول ندي نمر موبيلتنا لحد او نوري صورنا لحد انا بس رايي انها مبقت خطر اوي يعنى

وهل الكلام دة لو تم هيكون مخفى ولا بارشاد من اب الاعتراف بين الاتنين علشان يبقو على نور
لا طبعا لزم يكون فى ارشاد للروح القدس ويكون اب الاعتراف عارف
ده بالعاكس ده حكايه اب الاعتراف دي مهمه جدا لانها ممكن تكشف الولد لو ناوي يهزر او يتسلى.
وياتري مكن تكون نهايتها الفراق و الكلام ده
اي علاقه معرضه للفشل
فى ناس وهما قدام الكنيسه دخلين لصلاه الاكليل ممكن يسيبوا بعض
فاي علاقه معرضه للفشل

وعمتا لازم يكون العقل رقيب ع مشاعرنا وتصرفتنا
و ان كانت مشاعرنا متملكانا اوي لازم نسمع لارشاد واحد نثق فيه - زي اب الاعتراف مثلا.

واخير بعد الرغى الكتير ده
عاوز اقولك بجد يا كيروووووووو وحشنا موووووووووت مووووووووووووت موووووووت

[بناتيت]

بالنسبة لاول سؤال انا مع الفيلسوف بس لازم فترة الت8عارف دي تكون في النور علي الااقل لو الاهل مقفلين شوية تبقي بمشورة اب الاعتراف
بالنسبة لتاني سؤال ماينفعش بنت تدي رقمها لولد او تخرج معاه من غير علاقة رسمية او حتي علي الاقل تحت ارشاد اب الاعتراف
ثالثا دور اب الاعتراف مهم جدا جدا في علاقة الولد والبنت لانه بيكون مرشد ليهم ولازم يكون معاهم خطوة بطوة علشان ماتحصلش اي اخطاء في العلاقة وبيرشدهم بالاصح وبيرشدهم باللي بيوافق الدين وبكدة بيتجنبوا الاخطاء
واي علاقة ممكن تتعرض للانتهاء

[keroo82]

المشاركة الأصلية كتبت بواسطة ملاك سكر ازيك ياكيرو وحشتنا اوي حمداللة علي سلامتك انت شكلك او معظم كلامك عن ارتباط عن طريق النت اهو دة بزاد البنت متصحش تدي الولد رقمها لان التعارف عن طريق النت الي بيحصل فية انك بتعرف الجزء اللي بيسمح الطرف التاني بعرضة وفي خداع كتير اوي بيحصل اما لو كان ان انا اربط حياتي بشخص وانا اعرفة كويس عنة طريق كنيسة او غيرة يبقي لازم اسرتي تعرف عشان يبقي الموضوع ناجح اما لو غير كدة انا من رايي بردو غير ناجح وفية قلق كتير بزاد ناحية البنت اللي بيحصل ان البنت تقول للولد انا عمري ماهلقي زيك وبتستني كتير وهو (لو كان صادق في مشاعرة )مش بيعرف يتحرك عشان ظروفة المادية والولد من ناحيتة بيتهم البنت انها قاسيى لو ارتبطت بحد غيرة يبقي النتيجة اية؟ انا مش بقول منحبش او منحسش انا بقول ان الصراحة لازم تبقي موجودة الاتنين يصرحو بعض ويبقا في عقل داخل الموضوع يعني ميمفعش امشي بعواطفي من غير عقلي ربنا اعطانا عواطف عشان نتحكم فيها بالعقل كمان الواحد لازم يحافظ علي مشاعرة لمن سوف يرتبط بية ويبقي نصة التاني لما ابقي بقي متاكدة ان الطرف التاني دة هو نصي التاني عن طريق الكنيسة وقتها اربط حياتي بية لاتترك عواطفك بلا لجام عشان الي بيحصل في الاخر انك بتجرح نفسك شكرا للموضوع الجميل وانا عارفة ان رايي معظمكو هيقول علية انة متخلف او قاسي لكن هو دة المفروض يحصل النعمة معك

اولا شكرا ليكى يا ملاك على مرورك
انا محدتش الارتباط او العلاقة من النت او خارج النت انا عايز اوصل لحل
هل العلاقات بين الولاد والبنات اللى بنسميها احنا صداقة واخوة دى اخرتها اية ممكن تكون اخرتها ارتباط وممكن فشل وجرح كبير
المفروض على الناس اللى بيتكلمو مع بعض وناويين يرتبطو يعرفو كل حاجة عن بعض وزى مانتى قولتى لازم يتقابلو ويخطوا رربنا دايما قدام عنيهم علشان ميقعوش فى خطيبة
شكرا يا ملاك على ردك الجميل جدا
ربنا يبارك حياتك

[نبيل نصيف جرجس]

موضوع جميل اوى يا كيرو حمدالله على السلامة بتوحشنا مواضيعك الحلوة دى
وانت كمان بتوحشنا
موضوع ان بنت ترتبط بشاب قبل خطوبة اوى اى حاجة رسمية لو كان ارتباط كنسى بينهم روح الله الساكنة ومعرفين اب اعترافهم
والاهل متهيقلى مش هيبقى فية غلط اكيد يعنى ابونا والاهل مش هيوافقوا على حاجة غلط
وبعدين لازم كلنا نحب بعض كاخوات ونحفظ على بعض حتى لو مش حصل نصيب يبقى فية محبة مش عشان واحد ساب واحدة ومش حصل نصيب يبقى خلاص بقى يبقوا متخامين لا مهما حصل يبقى فية محبة