[SAMOOOOO]

هوحضرتك على راسك ريشه ...!!!!
انت على راسك ريشه تعبير قديم يشير على انك بسلامتك مميزا وانسان من الدرجه الاولى الفاخره السوبر لوكس(مكيف من الداخل)
ولكن
عزيزى ايه اللى انت عملته حتى تصبح فى مكانتك هذه ؟؟؟؟
وايه المانع فى ان انك تكون مثلا عم حسانين بواب العماره اللى حضرتك ساكن ومتانتك فيها وبتقعد فى البلكونه ومادد رجلك على الاخر
وايه المانع فى انك تكون متخلف عقليا زى الواد بسطويسى اللى دايما يجى ويهجم على عربيتك الهوانداى الفيرنا الجديده ويهذى بكلمات غير مفهومه وطبعا حضرتك مش طايقه ومفيش مانع فى سبه ولعنه
وايه المانع انك تكون زى عم جمعه اللى قاعد مشلول من كام سنه وحيانه عذاب دخوله الحمام عذاب وعايز يهرش فى ظهره عذاب ونفسه ومنى عينيه يتمشى على الكورنيش زى باقى خلق الله
وايه المانع ان حضرتك يكون عند ابن مطلع روحك ومخلى ليلك زى نهارك وعينك فى وسط راسك وايدك على خدك ومستنى المحروس يجى من بره علشان تعرف تنام وطبعا المحروس اللى هو ابنك بيعمل دماغ كل يوم وحياتك معاه قطع من العذاب المتوهج دائما
وايه المانع ان حضرتك يكون عندك سكر وضغط وكام شريان تاجى مضروبين وفيهم سده تسد عين الشمس مش شريان قطره ثلاثه مللى تلهث مع كل نفس وتنتظر الموت مع كل لحظه ومفيش داعى لذكر ملايين الامراض اللى حضرتك ممكن تصاب بيها
وايه المانع ان حضرتك متزوج من عشرين سنه ولم ترزق اولاد يملوا عليك البيت ويونسوا وحدتك التى اصبحت حبل يتلف ويضيق حول رقبتك لتمل الحياه وتصبح مراره طعمها هو مذاقك اليومى
وايه المانع ان حضرتك متزوج من ست (سورى للكلمه ) كلامها دبش وابتسامتها نكد وغم وانسها خناق وعراك وقربها لهيب مولع نار (واخد بالك من اللهيب اللى مولع نار ) وحبها كالبرق الخاطف يتبعه رعد حارق
وايه المانع ان حضرتك فقير دقه ومش لاقى حتى الهدوم اللى تغطيك فى برد الشتاء
قولى بقى بزمتك هو انت على راسك ريشه ؟
طبعا لا
طيب مالك عند ربنا حتى ينعم عليك كل هذه النعم ؟؟
مفيش

طب انت قصدك من الكلام اللى فات ده كله ؟؟؟


انا كان قصدى ان ربنا بيحبك وهو عشان بيحبك ادالك النعمه دى
ان ربنا عزيز لايسال عما يفعل لماذا هذا لذاك ولماذا هذه لتلك
ان ربنا نعمه عديده لاتحصى ولاتعد
ان ربنا حكيم والحكمه لاتحكم على فعل الله وان كانت لنا حكمه
وان ربنا ربما يعطيه ليمنعك وربما يمنعك ليعطيك
وان ربنا يقدر ما يقدره على عباده للخير لهم
عشان كده اشكره واحمده واسجدله واطلب منه انه يسامحك ويغفرلك خطاياك
وانا اولكم بطلب منه يسامحنى ويغفرلى خطاياى
ربنا يكون معاكم ويحافظ عليكم

المصدر: †† ارثوذكس †† - من قسم: الموضوعات الشبابية

[SAMOOOOO]

يارب الموضوع يعجبكم

[Malak sokar]

وان ربنا يقدر ما يقدره على عباده للخير لهم
عشان كده اشكره واحمده واسجدله واطلب منه انه يسامحك ويغفرلك خطاياك


مين فينا ياسامو بيشكر ربنا علي اي شي ؟
مفيش بس بجد لو بصينا لنفسنا ولعم حسنين ولا عم جمعة حنحس قد اية عطية ربنا لينا بجد احنا مش حسين بكل عطياة
عارف انت فكرتني باية جاتني دعوة في الفيس بوك باسم اشكر اللة والمفورض اختار لوجو من 40 لوجو تخيل انا معرفتش اختار
معرفتشا شكرة علي نعمةا لبصر ام العقل ام السمع والكلام ام الواالدين
موضوعك جميل يسامو وبقول معك بشكرك ايرب علي كل عطيك سواء انا شاعرة بيها او لم اشعر
حتي وان كانت في نظري سيئة ربنا معك
وعلا انا علي راسي ريشة لان ربنا نعمة كتيرة عليا

[nona queen]

موضوع رائع يا ساموووووووووو
ربنا يدينا نعمه اننا نشكره كل حين
على الوحشه قبل الحلوه
ويدينا روح الاتضاع لنصبح صوره من ابانا السماوى فى سمه الاتضاع
ميرسى بجد وربنا يباركك

[جاسيكا]

فعلاً فضيلة الشكر هى الفضيلة اللى بتغيب عننا كتير
ممكن نشكر ربنا يوم وعشرة لا
لكن هو بيحبنا وواقف مستنينا نشكرة
اشكرك يارب على كل حاجة ادتهالى وكمان على كل حاجة اخدتها منى
ميرسى كتير ونصيحتك وصلت
ربنا معاك ساموووووو

[zaza2006]

موضوع جميل يا سامو وربنا يدينا حياة الشكر
والواحد مش عارف هيقدر يشكر ربنا على ايه ولا ايه
ربنا ادانا فضايل ونعم كتير اوى

[SAMOOOOO]

شكرا جدا لمروركم
ملاك سكر
نونا
جاسيكا
نهى

ربنا يبارك حياتكم

[hana montana 2010]

كلام روعه ياسامو
ده بيبين اد ايه ان كل الناس زى بعضيها ومفيش فرق بين ابيض واسود غنى وفقير بس ربنا ليه حكمته فى ان كل واحد ليه وضعه

[SAMOOOOO]

ميرسى جدا لمرورك

ربنا يبارك حياتك

[magdy totti]

بجد الموضوع جميل جدا والكلام واضح وكلامك فعلنا صح

- الله محبة . ومن يثبت في المحبة ، يثبت في الله والله فيه
وكمان عايز اقول
إن كنتم تحبونني فاحفظوا وصاياي
ميرسى على الموضوع ربنا يعوضك