[manshi55]

=== الإمتحان ===

وزارة
هنديك بالشبشب

أختبار اللغة العربية


انشاء الله هنشوفك السنة الجاية يا باشا


وقت الاجابة : خلص نفسك و اجري
=====================


اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================



هذا الامتحان برعاية بيبسى
دلوقتي .. بيبسي الصاروخ بجنيه وربع بس ...
هتفضل تغلى لغاية ماتبطلها (( وراك وراك ))
===========================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).

ملاحظة: عجلة الجاذبية 9.8
( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك
(( طبعاً ماحدش عارف حاجة عشان يديك يا حلو ))
==================================================
السؤال الأول (20 علامة )
==================================================
قال ريكو في أغنية (( خلي الشعب يعيش )) مايلي:

راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
===========================
الأسئله
=====
1- اشرح هذه الآبيات من النص بما لا يقل عن 90 سطرا باختصار شديد (10 علامات)
2- استخرج من البيت الثالث صورتين فوريتين مبينا نوع الكاميرا (10علامـات)
==================================================
مساحة خالية للإعلان ت : واحد اتنين .. الجيش العربي فين
==================================================
السؤال الثاني ( 8 علامات )
==================================================
أعط أسباب ما يلي مع شرح وافي :
(( ياعم كبر يا عم بص .. ده حتى بص ده الواد بيلظ ))

==================================================
1- تم نقل السوق المالي إلى سوق السمك ؟ (2 علامـة)
2- إقبال الناس الى شراء نوكيا 9990 و عدم شراء نوكيا
9900 ؟ (2 علامـة)
3- إغلاق شبكة الأخبار Pnn بعد زواج شارون ستون ؟ (2علامـة)
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 علامـة)
==================================================
*** أخي الممتحن أقلب الصفحة: والله لتندم عالساعة اللي دخلت فيها المدرسة ***
==================================================
السؤال الثالث –اختياري- (5 علامات)
اكتب اسم الشخص المطلوب فى السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟
(5 علامــات)
==================================================
فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))
==================================================
السؤال الرابع (8 علامات)
==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب:

" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "

الأسئلة
=====
1-ماذا كان يريد ان يقول عمرو دياب للحتة ؟ (4 علامــات)
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 علامـــة)
3- ما اسم صبي الخياط بتاع ام الموديل اللي كانت مع عمرو في الكليب ؟ (2 علامـــة)
==================================================
السؤال الخامس (20 علامة)
==================================================
موضوع تعبير
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 علامة)
==================================================
مانشي كولا
المشروب الرسمي لهذا الامتحان
==================================================
*** أخي الممتحن أقلب الصفحة أحسنلك (( اصلك مش عارف اللي فيها )) ***
==================================================
السؤال السادس ( 19 علامة )
==================================================
اجب عن أربعة فقط من الأسئلة التالية
==================================================
1- ما رأيك بتصرفات " رفيع " و " فرحة " في مسلسل الضوء الشارد ؟ (5 علامــات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2- ما رأيك بموقف "حسام" من "سرية" في مسلسل الحقيقة و السراب ؟ (5 علامــات)
3- من برأيك أقوى وأفضل بوكيمون - هل هو – بيكاتشو ؟؟؟ (5 علامــات)
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002. (4 علامـات)
==================================================
عرض موبينيل الجديد من سمعان أبو رنه ، اشتري كارت بـ 330 جنيه و احصل على نص جنيه في الرصيد مجاناً
==================================================
سؤال المساعدة ( لرفع العلامة ) ( 20 علامــة)
و ملهوش لازمة اساساً
==================================================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
==================================================
انتهت الاسئلة
=.=.=.=.=.=
و نلقاكم في امتحان نفس المادة العام القادم انشاء الله

ربنا يعينكم علينا



عايز أقول من الموضوع ده إن التعليم في مصر عمره ما هيتعدل
وعلى رأي عمي سعد أبو الزغاليل
لما قال لمرات عمى صفية
(مافيش فايدة) المنحوس منحوس



نياهاهاهاهاهاهاهاهاهااااا ااااااى


Manshi

المصدر: †† ارثوذكس †† - من قسم: الضحك والفرفشة

[بنت عمانوئيل357]

هههههههههههههههههههههه
الامتحان ده اخر جمال
شكلك مجرب
ههههههههههههه

[Narmar]

انت مسخرة هههههههههههههه يا ميرو

[miramera]

بجد ربنا يسامحك ليه بتعقد الواحد قبل مايدخل الامتحان احنا ناقصين مش كفايه علينا الفيزيا
بس بجد موضوع جامد كده احنا لينا اسباب اننا ننقص فى المواد

[remon_fans]

انا اول مره اضحك الضحك ده ،
ربنا يفرح يا شيخ ،
شكرااااااااااااا ؛