[bolalover]

يوميات اعضاء منتدي ارثوذوكس



سلام و نعمة علي اجمل اعضاء في المنتدي

انهارده يا شباب و شوبات المنتدي جيبلكم موضوع جميل اتنمي انه يعجبكم و هو (( يوميات اعضاء منتدي ارثوذوكس ))
دي هتبقا يوميات لاعضاء منتدي ارثوذوكس ودي من تاليفي انا و الشخصيات من وحي افكاري و هتشوفوا و تعيشوا مع اجمل المواقف و اعجب الطرائف الي ممكن اي حد من اعضاء المنتدي يتعرضلها فعلا و هكون معاكم في يوميات جديدة في يومين من الاسبوع و هما الاربعاء و الاثنين هنزل يوم جديد من اليوميات و اتمني انها تعجبكم لاني بجد تعبت فيها كتير
المهم تعالوا نتعرف سوه علي شخصيات اليوميات الي هما عبارة عن 4 ولاد و 4 بنات (( بس الاعضاء دول حكاية )) ربنا يستر عليكم منهم و متقعوش مع حد فيهم

نبتدي الاول و نقول الولاد

1- كركر بيه : شاب متخرج من كلية اي حاجه و شغال مذيع في راديو نجوم اف ام و ماشي بمبداء قضيها الناس لبعضيها و غاوي نت و من هوياته الضحك و اكيد عضو في منتدي ارثوذوكس زي بقيت الشخصيات


2 - الاستاذ شنباوي : شاب متخرج برده و صاحب كركر بيه اوي و عنده محل مرمي فيه شوية كتب علي شوية اقلام علي حبة كراريس علي كام استيكة و من اعضاء ارثوذوكس و بتاع نت

3 - بـؤلـظ : طالب جامعي لسا بياخد المصروف من بابا و دماغه في التوهان دايما و عقله اد جسمه كده و الدنيا هربانة منه و بتاع نت و عضو في ارثوذوكس

4 - بـهـلـول : طالب جامعي لسا بياخد المصروف من ماما برده و الدنيا مهيبرة معاه و هيجيله جنان عن قرب من النت و البت اخته طمطم

و علي فكرة الاربع عيال دول صحاب اوي و لما بيتجمعوا مع بعض بتبقا مصيبة سوده و بيحصل انقلاب في البلد

نيجي بقا علي البنات الي كلهم عندهم سلك مكهرب في عقولهم

1 - فرفورة : بنت صغيرة دمها سكرة و دماغها متكبرة و من انصار اعدادية الكركرة و بتقعد علي النت دايما من وراه اهلها و عضوة في ارثوذوكس
2 - سوسو : بنت جامعية دماغها من الي هي و استاذة و رئيسة قسم الزغريط و مش بتبطل ضحك في اي حته و من اعضاء ارثوذوكس
3 - فـتـكـات : فتفوتة القمورة هههه هي اكيد غنية عن التعريف عند بعض اعضاء المنتدي بس نعرفها عليكم اصلها غاوية تعارف برده .. هي عضوة عندها 27 سنة مش متجوزة و دائما تبحث عن عريس (( محدش عنده عريس ليها )) و هي فاتنة الجمال ههههه فتكات فتكات يعني و للاسف شريكة الاستاذ شنباوي في المحل (( للعلم هي مش حلوة ولا حاجه بس انا بقول كده علشان مش اضرب منها ))
4 - طمطم : بنت في اعداي بس قردة بجد و اخت بهلول دماغها في الضياع و اكبر من سنها و خبيرة في كل شئ و مضياها نت و دايما هي و بهلول خناق متواصل بدون فواصل

اديني عرفتكم علي الشخصيات بس محدش يندم بقا بعد كده انكم عرفتوهم لانهم بجد مصايب
ملحوظة :: الشخصيات دي كلها من دماغي يعني مش بتدل علي حد من اعضاء المنتدي الحقيقين
تعالو بقا نروح مع اول بتاعة من البتاعات دي و اتمني انها تعجبكم

فتورة مياه و هو اء

دا موقف غريب حصل لكركر بيه اسماله عليه .. هو الموقف يعتبر غريب لكركر انما احنا عادي مش غريب بالنسبة لينا خااااالص
كركر مستضيف مسئول كبير في الربنامج بتاعه علي الراديو و ده الحوار الي دار بينهم بكل امانة دون اي مونتاج

كركر : اهلا بيك معانا يا فندم منور البرنامج
المسئول : شكرا جدا يا استاذ كركر ..بجد انت من اجمل المذعين الي بحب اسمعلهم و انا بصراحة سعيد جدا اني معاك انهارده
كركر : احنا بجد اسعد يا فندم و ده شرف لينا
المسئول : شكرا ..
كركر : نحب نعرف من سيادتك ايه القرارات الجديدة الي هتنزل بالنسبة لفتورة المياه
المسئول : مين قال في قرارات جديدة .. احنا زي ما احنا مفيش جديد
كركر : ازاي بقا فتورة المياه دلوقتي كل شهرين و في ناس بتقول انها هتكون كل شهر
المسئول : اها .. دا شئ طبيعي جدا و عادي و كان مفروض يحصل من زمان
كركر : ازاي طبيعي يا فندم و دي مياه يعني مش كهربة ولا تليفون
المسئول : بص يا كركر انا هقولك علي حاجه احنا دلوقتي في زمن الحريات و التفتح و لازم الناس تتقبل ده لان ده شئ طبيعي ... و بعدين يا رجل في الدول المتقدمة فتورة المياه بتيجي كل اسبوع ..همهمهم يعني احنا ارحم
كركر : كل اسبوع ايه مين قال كده .. مفيش حد بيدفع مياه اساسا
المسئول : انا االي بقول كده .. و انا عارف انا بقول ايه كويس
كركر : ما علينا ..طيب ايه هي التغيرات الي هتحصل علي فتورة المياه الجديدة يا فندم
المسئول : بس يا سيدي هي شوية حاجات بسيطة كده يعني مش هتاثر بحاجه
اولا : فتورة المياه هتكون كل شهر بداية من الشهر الجديد
ثانيا : لا تقل قيمة الفتورة عن 50 جنيه و ده يعتبر مبلغ رمزي قابل للزيادة مع زيادة الاستهلاك
ثالثا : سوف يتم اضافة مبلغ 20 جنيه هواء نقي علي الفتورة نفسها لكل اسرة
رابعا : .....
كركر : ثانية واحدة يا فندم اسف علي مقطعة حضرتك بس ايه 20 جنيه هواء نقي ده بتوع ايه يعني مش فاهم
المسئول : ايه يا كركر صحصح معايا يا حبيبي دول 20 جنيه بس يعني هواء مش اكتر
كركر : اه ما انا مصحصح بس بتوع ايه دول يعني ايه هو الهواء ده
المسئول : الهواء الي انت بتتنفسه يا كركر انت مش بتتنفس هواء مصر الجميل النقي الي بيرد الروح يبقا لازم تدفع حاجه رمزية لمصر علي هواها الجميل
كركر : هاهاها اكيد اكيد حضرتك بتهزر يا فندم ... صح
المسئول : ايه هو الي بهزر ده ال بهزر ال ..انا بتكلم جد يا حبيبي يعني من اول الشهر الي جاي هينزل 20 جنيه هواء نقي علي فتورة المياه و هيبقا اسمها فتورة المياه و الهواه ... ايه بقا الغريب ولا الهزار في كده يا استاذ كركر بيه
كركر : لا ابدا مفيش غريب ... و معانا دلوقتي خبر و سبق اعلامي من هنا .. بعد كده فتورة الميه هتبقا مش مياه بس لا دي مياه و هواه ..طيب يا فندم علي كده الفتورة هيبقا فيها 20 جنيه غير الخمسين
المسئول : كركر حبيبي انت بتشرب من نيل مصر ..اعظم نهر في العالم و بتشم هواء مصر النقي ..احلي هواء في العالم ..فين بقا المقابل .لازم حاجة رمزرية لمصر مامتك يا كركر و طبعا دول قابلين للزيادة حسب الاستهلاك
كركر : اه حلو اوي الكلام ده .. شكرا كتير يا فندم علي مجهوداتك و معلومات حضرتك و بجد نورتنا... بس يا ريت تبقا تسيب 10 جنيه و انت خارج حق الهواء الي انت اتنفسته هنا
المسئول : هههههه حاضر يا كركر من عيوني دا حقك ولا اعتراض علي الحقوق
كركر : و في نهاية حلقتنا اقدر اقول لكل مستمعينا حسبوا علي انفسكم بقت بفلوس و كل واحد يدفع العشرين جنيه و ميعملش حاجه غير انه يتنفس بيهم .. و انتظرونا الحلقة القادمة .. و شكرا لاستماعكم

و شكرا انتم كمان لحسن قرائتكم
و اتمني بجد ان الموضوع يكون عجبكم و لو عجبكم هستمر في تاليف اليوميات و هنزلها كل يوم اتنين و اربع من كل اسبوع
اخوكم
بولا

المصدر: †† ارثوذكس †† - من قسم: الضحك والفرفشة

[Narmar]

ههههههههههههههههههههههههه ههههههههههههههههههههههههه
ههههههههههههههههههههههههه ههههههههههههههه
ههههههههههههههههههههههههه ههههههه
ههههههههههههههههه
هههههههههه
لا تعليق
غير انك عسل

[جوسى]

ههههههههههههههههههههههههه هههههههه

جامده

بجد و اسماء الشخصيات فظيعه
ههههههههههههههههههههههههه هههههه

كمل كمل
انا عن نفسى عايزة الباقى

ههههههههههههههههههههههههه هههههههههههه

[M!SS N@NO]

هههههههههههههههه
حلوة يا بولا
اينعم مواضيعك كلها تودى فى داهيه
بس يلا مش مهم
المهم يجى بفايده
ربنا يقويك يابنى
ويطرح فى موضوعك البركه
ومنتظرين باقى الحلقات
وعايزين حلقات ومواضيع ساخنه
واجرأ الحوارات
ويا ريت تفتحلنا ملف البطاله والكوسه
رجاء محبه من اختك اللى مركونه ع الرف

[keroo82]

ههههههههههههههههه
اشطة عليك يا بولا اية الحلاوة والجمال دة كلو
كمل يا حبيبى
الموضوع عجبنى جدا
يالة مستنيين المواضيع السخنة علشان ننزل مشاريب للناس هنا
ههههههههههههههه
ميرسى يا بولا
ربنا يعوضك ويفرح قلبك

[عماد حسنى]

موضوع رائع يا بولا
جميل جدا جدا جدا

[كاترينا]

بجد موضوع لذيذ اوى

منتظرين الباقى بسرعه

[ELMAGEK]

اعزائى المشاهدين وكانت هذة اخر
حلقات البرنامج عشان الى جاى
فى تشريد للاعضاء بهلول وابو شنب
والكلام الجميل دة
لاكن هقول اية يا جماعة احنا عايزين
مقاطعة تامة لهذا البولا وبرنامجه
الى بغير اسمة الى تشريد الاعضاء
وتقبولى منى كل القرف
حبيبك المخلص
ابو الفدا
ههههههههههههههههههههههههه ههههههه

[b o b b a]

ههههههههههههههههههههههههه هههههههه
جامد يا بولا فين الباقي يلا اكتب بسرعه مستنيينك

[ابانوب وجدى]

ههههههههههههههههههههههههه هههههه

تحفة

يا بولا يا جاااااااااااااااااااااااا ااامد

ايه الحاجات الحلوة دى