[KOKO SPA]

هاى عليكم انا مش هاطول وادخل فى الموضوع على طول واتمنى بجد الكل يشارك بنات وولاد
وبجد لو محدش رد انا هازعل واغرق الدنيا عياط

يعنى عيب كل مااكتب موضوع محدش يرد

اللى مش عايز يرد يدخل يكتب اسمه وخلاص بس الاقى ردودو وحياه ابوكم


المهم هادخل هادخل اهوه

افرض او افرضى اتقابلتى بشخص بقى مسيحى ارثوزكس لكن هوه بولادته مكنش كده فاهمنى طبعا؟

هاترضى لو اتقدملك انك تقبلى بيه كشريك للحياه و تعيشى معاه فى مخاطر كلنا عارفينها هاترضى انك تسيبه اهلك علشانه وتعيشى فى بلد بره

ولا هاتقولى ولا ليه اساسا ما الشخص بتاع ربنا من مولده افضل

وبالنسبه للولاد ممكن ترتبطوا بننت مكنتش اصلا من ديانتك وحولت ودورت ع الاله الصح ولا هاتقلقوا من الموضوع


ياريت الكل يدخل يقول هعايعمل ايه لو فى الموقف ده

اختكم كوكو

المصدر: †† ارثوذكس †† - من قسم: صندوق مناقشات الاعضاء

[MICKEY]

اللى مش عايز يرد يدخل يكتب اسمه وخلاص بس الاقى ردودو وحياه ابوكم

مايكل سامي

[kottah_sh]

هههههههههههههههههههه

تعجبنى صراحتك ياميكى



بصراحه ياكوكو انا مش عارفه
فى وقتها ممكن ايه يكون رد فعلى

بس هفكر مليون مره

بس بأمانه بجد مش عارفه هاعمل ايه وقتها
هوافق ولا هرفض

[Malak sokar]

كرستين انت تقصدي انة كان بروتستتي وبقي ارثوزكس ولا
كان غير مسيحي في الحالتين انا مستعدة
ارتبط بية بس لو اقتنعت قناعة تامة
انة فعلا اتغير
موضوعك جميل وجري ربنا يباركك ويحافظ عليكي واهلا بيكي وسط اخواتك
ازززززززززززززززززززززيك بقي
هههههههه

[الماكس مايكل]

انا لو واثق انو بقا مسحى بمعنى الكلمه وعلى قناعة تامة
يبقا مفيش مشكله
شكرا على موضوعك الجميل

[samornotika]

انا مش هوافق
بصراحة مش هكون مرتاحة و لا ضامنة الشخص دة
من الاخر انا مش موافقة على الجوازة دى
ميرسى ليكى يا كوكو

[فؤاد نبيل]

اما مع مايكل وملاك سكر
لو انا حسيت انه اتغير تغير كامل ممكن افكر وارتبط
بيها لو فية حب بينا مش هتفرق حاجة تانى
لان الحب قارد يغير كل حاجة

[cat girl]

دى هتبقى جوازه منيله بنيله هههههههههههه
لا طبعا مش هوافق افضل الانسان اللى يكون مولود بالمعموديه
(على فكره عاجبنى اوى اوى توقيع ميكى ولا الفرخه اللى بياكل فيها تجنننننن) هههههههههههههه سامحنى يارب

[finyara]

طبعا ديه هتكون تجربه صعبه جدا لان الوسط و المجتمع اللى احنا جزء منه مش بيسمح للعلاقات اللى زى كده انها تعيش فى سلام
علشان كده العلاقات ديه عاوزه ناس قلبها جامد و مش بيهمها وعندها القدره على تحمل العقبات الناتجه عن هذا الارتباط
اهو ياستى ادينا ردينا عليكى و متعيطيش اضحكى بقى ههههههههههههههههههههههههه

[miso]

هههههههههههههههههههههه طيب بصى انا هرد لانى دخلت
انا هريحك انا مش بفكر ارتبط اصلاااااااااااااااااااااا اااااا علشان اقولك بقى هوافق ولا لا
ههههههههههههههههه يالا مش تعيطى بقى وتكلفينا تمن منايل