[emmmy]

بص يا امير تسمح بالمناقشة الحلوة دى معاكم
اولا انا من ضمن الناس اللى مش قدام ولا جداد يعنى بصراحة مش عارفة اية بالظبط اللى نفسك يبقى موجود ومش موجود صدقنى الضحك والفرفشة مش مقياس لنجاح المنتدى انا طبعا مش ضد دة بالعكس انا بحب جدا جو المرح بس مش يبقى اساس النجاح وجود شخص بيعمل جو معين
ومع ذلك كل دة موجود فى المنتدى حتى لو الاشخاص اللى ذكرتهم مش موجودين
لاسباب خارجة عن ارادتهم لو هما زيك نفسهم يرجعوا ويبقى ارثو زى الاول يبقى نصلى ربنا يدبر دة ويقدروا ونسال عنهم عنهم بقدر المستطاع ولو هما مش فاكرين ارثو اصلا يبقى خلاص بقى
اما بالنسبة للخروجات سبق واتعمل موضوع جميل زى بتاعك دة ودخلة ميكى وقال الموضوع دة سببلة مشاكل وكان ضغط بالنسبة لة يعنى غصب عنة مش بارادتة وكمان مكانشى حد بيجى كتير فحس ان قلتة احسن بس ادى كل الحكاية
ابدا يا امير بالتغير اللى بتتكلم عنة دة وكلنا معاك وانا اول واحدة بمد لك ايدى ومستعدة لاى حاجة علشان ارثو برغم ضيق الوقت بس لانى بحب ارثو وكل اللى فية هعمل كل اللى فى مقدورتى بس ابدا انت وقولنا ازاى نرجع ارثو زى زمان ربناااااا معاااااك

[elphilasouf]

>>> انا معاك يا أمير أن المنتدي بقي مش بيخدنا اوي كده زي زمان او بيشدنا اوي ... لكن المنتدي دلوقتي انا شايف انه احسن ... يعني بقي مفيد روحيا أكتر كتير ...
مش عارف يمكن احنا محتاجين نزود التعارف والدردشه شوي اكتر بجانب الروحيات بردوا

[mr_desigen]

المشاركة الأصلية كتبت بواسطة elphilasouf >>> انا معاك يا أمير أن المنتدي بقي مش بيخدنا اوي كده زي زمان او بيشدنا اوي ... لكن المنتدي دلوقتي انا شايف انه احسن ... يعني بقي مفيد روحيا أكتر كتير ... مش عارف يمكن احنا محتاجين نزود التعارف والدردشه شوي اكتر بجانب الروحيات بردوا

والناس اللى بانت ارثوذكس ننسى فضلها كدة بسرعة يا فيلو
نو كومنت بجد مكنتش اتوقع انك انت كمان تقول كدة

[elphilasouf]

المشاركة الأصلية كتبت بواسطة mr_desigen والناس اللى بانت ارثوذكس ننسى فضلها كدة بسرعة يا فيلو نو كومنت بجد مكنتش اتوقع انك انت كمان تقول كدة

كويس انك فكرتني ...
انا نسيت اضيف دي للرد بجد

مش معني كلامي يا أمير اني مش حابب ان كل الى مبقوش يدخلوا ارثو ميرجعوش تاني
انا كنت بتكلم عن حال المنتدي

أما الاعضاء كلهم فأنا أتمني أن الكل يرجع

يعني باختصار كده // إن المنتدي دلوقتي اه أنا شايف ان حاله احسن ع الاقل زاد روحيا كتير

بس هيكون احسن طبعا جدا لو كل أعضائه شاركوا فيه .. ده انا أتمني

يرجعوا كده ونسهر للصبح زي زمان و نضيف رد كل فنتو ثانيه ... كان أيام جميله

(ع فكره مش بتريق )

[mr_desigen]

يعني باختصار كده // إن المنتدي دلوقتي اه أنا شايف ان حاله احسن ع الاقل زاد روحيا كتير

طب ماهو الاول روحيا كان موجود بردوا يا جورج واستاذ ايمن اللى كان قايم بالمجهود دا
ومارو جرافيك والناس كانت مليا المنتدى بالمواضيع الروحية صح ولا غلط
بس سورى ارثوذكس سامحنى ملوش طعم زى الاول

[elphilasouf]

حط شويه سكر

انا دلوقتي بتريق بقي :d

[مادونا نبيل]

انتو هتتخانقو ولا ايه هسسسس فى ناس عاوزة تنام

بس بجد يا امير المنتدى مش هيرجع زى الاول الا بينا احنا
يعنى و كل حد ابتدا زى ما كان الاو هتبقا الدنيا تمام و ربنا يدبر
و الدنيا ترجع زى الاول بس دا محتاج لوقت و مش وقت قليل كمان
ربنا يدبر و يااااارب يبقا ارثو زى الاول

[M@@@NOOOO]

ميرسي ياميرو لفتحك للموضوع ده
بس انا هاقول حاجه للناس اللي ردت
انتوا ليه محسسني ان احنا كنا كفره !!!!
ما احنا كنا بنهزر ونضحك ونلعب وبرضو كنا بنشوف وبناقش مواضيع روحيه وترانيم وقداساات و و ...
كنت هارد رد احلي من ده كتير
بس الردود عجيبه !!!!!!!

[elphilasouf]

ههههههههههههههههه
السلام ع من أتبع دين عيسي
ايها الاخ المدعو مانو عدو المسيح .. كيف تتجاسر وتتكلم وانت من الكفار والفاسقين تشرب الميه الملوثه وتأكل من الارز الذي يلوث قشه هواء الدوله المصريه
ههههههههههههههههههههههههه ههه

يابني المقصود ان قله نشاط بعض الاقسام غير الروحيه في المنتدي وفر فرصه كبيره للأقسام الروحيه أنها تنشط وتظهر بس
وده مش معناه ان احنا من الفاسقين والموجودين دلوقتي من القديسين والملائكه

بس ده حال طبيعي لما يكون الاعضاء مش عارفين بعض قوي فتقل الموضوعات في الاقسام الاجتماعيه وطبيعي هتظهر الزياده في الأقسام غير الاجتماعيه ( الى أغلبها روحي )

احنا نتمني بقي ينشط الجانب الاجتماعي تاني + الروحي يبقي كده المنتدي أكس يا معلم :d
وده مش هيحصل غير بزياده التعارف بين الأعضاء( الكل يعني ولا القديم بس ولا الجديد بس ) والاحتكاك غير المباشر بشكل أكبر بينهم

فاهم حاجه ؟!!

[MICKEY]

الان مع خدمة نعنشني شكرا
فقط اطلب # 12325*58# من اي كيبورد
هتلاقي المنتدي اتنعنش وبقي زي الفل