[elshbah]

بسم الصليب

مساء الفل عليكم

مش هطول عليكم هندخل فى الموضوع على طول

اوقات كتير اوى بتبقى قاعد وتلاقى نفسك عاوز تصرخ

مش عارف انت عاوز تصرخ لية بس انت عاوز تصرخ

وتحس ان فى حاجة جواك عاوز تقولها

حسيت الاحساس دة قبل كدا ؟؟؟؟؟

لما حسيتة كان نفسك تصرخ لمين ؟؟؟؟؟

طب كان نفسك تصرخ تقول ايــة ؟؟؟؟؟

منتظر ارئكم
تحياتى

المصدر: †† ارثوذكس †† - من قسم: المنتدى العام

[Dr.PeRO]

آه بتحصلي كتير الحقيقة .. ببقى عاوز اصرخ لربنا واقوله "انا آسف" وببقي نفسي يديني قوة جبارة زى اللى كان بيديها للشهدا والقديسين
عشان يتحدوا العالم كله بيها ..
واحيانا ببقى نفسي اصرخ فى وش الناس واقولهم "توبوا يا ولاد الــ .."هههههههه .. وده لما بشوف ولاد ربنا ماشيين فى طرق الخطية والطرق المعوجة وتلاقيهم مبيتين فى الكنيسة عادى ولا كأنهم بيعملوا حاجة غلط .. طبعاً مش بدين حد بس ببقى نفسي يقربوا للكنيسة صح ويعرفوا ان حياتهم فى خطر وانهم عمالين يضروا ويعثروا اللى حواليهم قبل نفسهم بس هما مش عاوزين يصدقوا ده .. بس كده كفاية ..
كل سنة وانت طيب يا جميل، وربنا معاك فى الجيش ويحرسك

[elshbah]

انت شاغل نفسك اوى بالناس التانين يا دكتور ؟؟
طب كويس ان فى حد لسة بيفكر فى الناس بس دة نادر جداا ولا اية

وكل سنة وحضرتك بخير وسلام ربنا يبارك حياتك