[keroo82]

نفسك ترخم ع الناس؟ هقولك تعمل ايه

دلوقتى أنت قاعد فى كافيه مع أصحابك وبتشوف ماتش إزاى بقى ترذل على الناس اللى موجودة فى المكان:

أدخل أقعد أنت وأصحابك وأحجز جنبك كام كرسى وكل اللى ييجى يقعد قوله محجوز
طبعا أنتوا معكوش حد تانى و صاحب الكافيه هييجى يسألك كل شوية افضل إديله أعذار بقى
هما واقفين تحت هما اتصلوا قالوا جايين فى السكة لحد ما يبقى هيولع فيك
قوم أقف كل شوية عشان تدارى على الناس اللى وراك كأنك بتطلع حاجة من جيبك
أو أعمل نفسك بتتكلم فى الموبيل ومتسألش فى حد ويا سلام لو كان معاك علم ولا حاجة
طبعا العلم ده وضيفته التقليدية تشجيع المنتخب
أنت هتستخدمه إستخدام جديد خالص هيبقى وظيفته دلق المشاريب على المتفرجين
والناس اللى هتطلب قهوة وعصير فراولة هتبقى عملت معاك أحلى واجب
كل ما الجارصون يجى يسألك هتشرب أيه قوله كمان شوية
اه قوله متشكر مليش نفس أو خيرك سابق كده يعنى
كأنه عازم حضرتك على العشا ولا من بقية أهلك
حاول تستفز الموجودين وأقعد قول دول أحسن مننا 100 مرة دول مقطعينا
دول أكيد هيغلبونا دول عملوا مليون هجمة وإحنا معملناش حاجة
حتى لو كان الماتش لسه فى أوله والكورة متحركتش من نص الملعب
أفتى فى كل كورة وأعملك نفسك ناقد رياضى بس على صوتك شوية
التشكيلة دى غلط المفروض أبو تريكة يلعب ليبرو وعمرو ذكى باك يمين
والمفروض حسن شحاته يطلع عصام الحضرى وينزل إبراهيم سعيد مدافع
ويوقف شادى محمد حارس مرمى
طبعا هتلاقى واحد ولا أتنين مش بعيد الكافيه كله بيقولك لو سمحت خليك فى الماتش أحسن
دول عشان بس غايرين منك متاخدش بالك أنت من الحسد والغيرة دول
دول ولاد الناس الوحشيين اللى بيسموهم أعداء النجاح
أقعد اسأل اللى حواليك كل شوية النتيجة كام كام مع إنك مرزوع فى الكافيه من قبل الماتش بقرن
أو هو إحنا المنتخب اللى لابس لون أيه !! أسئلة غبية على قد ماتقدر بقى
حاول تخنق على الجارصون عشان يغيرلك القناة عشان فى مسلسل أنت متابعه ويغير الماتش
أو حاول تتغابى عليه قوله مثلا:
على الصوت عشان مش (شايف)كويس
على فكرة الحركة دى تم تجريبها من قبل وتمت بنجاح
الباشا راح يعلى الصوت وكلنا موتنا من الضحك على غباءه
طبعا كلنا عارفين إن الجمهور عامل قوى ومؤثر
بس بالشكل ده أبقوا قابلونى لو خدنا كاس العالم ولا شمينا ريحتو

المصدر: †† ارثوذكس †† - من قسم: الضحك والفرفشة

[per]

ههههههههههههههههههههههههه ههههههههههههههههههههههههه هه جميلة موتتتتتتتتتتتتتتتتتتتتتتت تتت

[melanora]

هههههههههههههههههههه
هههههههههههههههه
ههههههههههه

[كيرو رافت]

على فكرة يا كيرو انت دمك زى العسل بجد انا مبسوط بوجودك فى المنتدى بس حاول توطى الصوت علشان موش شايف خطك

[وردة حزينة]

ههههههههههههههههههههه اهو رافت اتعدى من الغلاسه اهو
ههههههههههههههههههههههههه
بس ده وصفه مضمونه ياكيرلس
اصلى بقكر اعملها مع حد بيموت فى الكوره
بس طمنى الاصابات هاتكون ايه
ههههههههههههههههههههههه
بس جامده موت ميرسى ليك ياكيرلس

[اسامة ثروت]

هههههههههههههههه موضوع جميل بس رخم فعلا

[keroo82]

ميرسى يا حبايبى يا غاليين عليا
على مروركم وردكم اللى زى العسل
ربنا يبارك حياتكم

[b o b b a]

ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههه

[Malak sokar]

بس بالشكل ده أبقوا قابلونى لو خدنا كاس العالم ولا شمينا ريحتو


عاوزة اقلك ابقي قابلني اساسا لو انت طلعت من الكفي دة "قهوة بالمصري "سليم وطبعا الرخامة دي ماتطلعش غير من كيروووو
ربنا يهديك ياولدي

[keroo82]

هههههههههههههههههههههه
لية كدة يا ملاك سكر دانا غلـــــــــــــــبان
ميرسى ليكى يا عسل
على مرورك وردك الحلو
ربنا يباركك