[MAGED GRIFFON]

كان فيه قصة خدناها ف المدرسة زمان وهى حكاية الولد اللى كان ينزل البحر ويبتدى يصرخ انه هيغرق
وأول ما الناس تيجى وتنقذه يفضل يضحك انه قدر يضحك عليهم

وتكرر الموضوع كذا مرة لغاية ما الناس زهقت وكان فى يوم التيار شديد
وابتدى يغرق بجد
وابتدأ فى الصراخ لعل الناس تنقذه لكن لم يحدث شئ

فصرخ انه هيبطل يعمل كدا لكن الوقت كان فات
وغرق

اما نحن الاحياء
نوعد انفسنا كتير اننا هنسيب الخطية كل يوم وهتكون دى اخر مرة .... لكننا نستمر فى السقوط ....... بس لحد امتى
لحد ساعة الغرق ......... ساعتها مفيش فرصة
لحد ساعة الفراق ..... ساعتها مفيش وقت
نداء الى كل الأخوة والأخوات.... ونداء لى انا كمان .... لا تؤجل التوبة
سيب الماوس دلوقتى وقوم ... غمض عينيك وتوب من قلبك عن خطية واحدة بس دلوقتى .... واحدة بس .... اللى يقدر يتوب عن خطية واحدة يقدر يكررها مع خطايا تانية
المطلوب اننا نبدا ....... الآن
" التوبة تجعل الزناة بتوليين "
توبنى يارب

المصدر: †† ارثوذكس †† - من قسم: القصص النصية

[zaza2006]

قصة جميلة جدا شكرا على تعبك

[MAGED GRIFFON]

شكرا zaza على المرور والمشاركه

[nemnema2010]

ميرسى ليك على القصه الجميله دى ربنا يعوضك

[finyara]

مرسى ليك مش على القصة لان القصة معروفة لكن على التامل الرائع اللى فعلا" حسيت بيه جدا" وربنا يباركك

[MAGED GRIFFON]

thanks nemnema & finyara about your passing and participation

[bassem8800370]

شكر ليك بجد اثرت فيه