[MICKEY]

ده حوار مع الله في ساعت صمت رهيبة

كنت فيها تعبان اوي اوي اوي وبقول باعلي صوتي
يارب انت ليه سايبني في الحالة دي .. انت فرحان ليه كده وانا بتعزب
فرحان ليه وانا بموت في اليوم ميت مرة
هو انا مش ابنك .. انت مش ناوي تنقذني من العزاب ده
ليه دايما تختار ليا المشقة
وبقولها بكل بكاء وبصوت عالي لدرجة اخر حواري ده قولت
انا مخاصمك يارب وزعلان جدا جدا جدا منك

وفجأة لقيت حركة في الأوضة بس مش شايف قدامي اي حاجه
وبعد الحركة لقيت في صمت رهيب
صمت رهيب جدا جدا جدا
الأوضة مظلمة ومش شايف اي حاجه
وفجأة سمعت صوت بيقولي

زعلان مني ليه

فكرته اخويا .. مع ان الشقة كانت فاضية
جريت نورت النور ودورت في لاشقة مش لقيت اي حد واقف
لا جوه ولا بره
رشمت الصليب وخفت جدا جدا جدا
قولت ابانا الذي في سري بسرعه
واتلغبطت فيها تلات مرات من كتر الخوف
جريت علي الاوضة ودخلت جواها وقفلت عليا الباب بالمفتاح وقفلت البلكونه
وجريت علي سريري
وفجاة لقيت نفس الصوت بيقولي
انت كنت فين وبتعمل ايه بره ؟؟ ومردتش علي سؤالي ليه

قولتله انت مين ؟؟
قالي انا اللي انت زعلان منه

قولتله انت ......!!!! وسكت
قالي ايوه انا

قولتله زعلان منك عشان دايما ناسيني ومش فاكرني ابدا ابدا ابدا

قالي ازاي بس وليه قولت كده

قولتله تقدر تقولي انا ليه مدخلتش كلية طب وفرقت معايا علي حاجات بسيطه اوي

لقيته بيقولي انت لو كنت دخلت كلية طب كنت هتبقي دكتور
وبعد ماتتجوز ويبقي عندك اولاد كانت هتحصل مشكلة بينك وبين المدام هتوتر اعصابك
في نفس اليوم اللي انت هتبقي بتعمل عملية لأحد المرضي في المستشفي من التوتر اللي هتكون فيه هتموت المريض في ايدك
وأهله مش هيسبوك وكانوا هيموتوك
ومراتك وبنتك مكنش حد هيهتم بيهم من بعدك

قولتله طيب ليه دخلتني الجيش وكل اصحابي خدوا تأجيل

لقيته بيقولي فاكر المشكلة اللي انت كنت فيها من سنتين وكنت هتدخل السجن بسببها ظلم

قولتله اه فاكرها
قالي مين اللي خرجك من المشكلة دي

قولتله وجدي شاكر

قالي طيب وجدي شاكر ده عرفته منين

قولتله من الجيش

قالي طيب عرفت الوقتي الأجابة انا ليه دخلتك الجيش

طيب ليه يارب اترفدت من شغلي الأولاني ليه مع اني كنت شايف شغلي علي اكمل وجه

لقيته بيقولي تاني يوم كنت هتموت في حادث سيارة علي الطريق السريع في اثناء عبورك للطريق

انا : ياااااااااااااااااه يارب .. وانا في كل مرة بقول الي متي ياب تنساني واعتب عليك يارب

طيب اخر حاجه يارب

قول ياحبيبي

ليه فرقت مابيني وبين حبيبتي مع انك عارف اني بحبها اوي اوي

بص ياحبيبي انت وهي لو كنتم اتجوزتوا كنتم هتخلفوا شخص وهيكون معاق فكريا وجسديا

وكان هيبقي صليب تقيل اوي اوي عليكم ومكنتوش هتستحملوه
وده لبعض الجينات اللي عندك وعندها هتتسبب في كده

وكنتوا هتستحملوا تلات سنين فقط المعاناه دي وبعد كده كانت حياتكم هتبقي مريرة وهتبقي حزين علي ابنك وعلي عدم مقدرتك لتوفير له الرعاية الصحيحه

ولكن انت هتنجب اطفال مع غيرها وهي مع غيرك

فعلا يارب انا نظرتي محدوده اما انت فنظرتك لا محدوده لانك غير محدود ياالله


كلمة اخيرة
متقولش ليه يارب ولكن قول اشكرك يارب
متقولش الي متي يارب تنساني ولكن قول الي متي يارب انساك
متقولش اعمل اللي انا شايفه صالح يارب ولكن قول اعمل اللي انت شايفه صالح يارب

يارب اكون قدرت اوصل حاجه بسيطه ليكم

تأليف ميكي

المصدر: †† ارثوذكس †† - من قسم: صندوق مناقشات الاعضاء

[ماروجيرافك]

جميل اوي يا ميكي

لتكن اردتك يارب
ولكل شئ تحت السماء وقت

[la tristeza y el dolor]

الله يا ميكى جميل اوى
اراده ربنا ودرايته بالاموره اكبر من مجرد تفكيرنا .

[SAMOOOOO]

ميكى الموضوع ده اجمل موضوع شفته ليك بامانه

فعلا يعنى اختيار ربنا صالح وكامل فى كل شىء

ربنا يحفظنا ويرعانا دايما

[modo]

حلوة فعلا يا ميكي مرسي كتير

[RoZaLeTa]

تحفه جداا يا ميكي القصه دي
بجد ميرسي ليك .. وربنا يباركك

[بونبونه سكر]

لا تعليق فنان بجد قصه ف منتهى الجمال انا صدقت بامانه ف الاول عندك حق ف كل كلمه

[miso]

خياااااااااااالك جميل لانه وصلك للحوار ده
حقيقى جمييييييييييل يا مايكل برافو

[الناى الحزين]

بقى ربنا يكلمك انت يا اقرع
طب باماره ايه
ده لو كان بيحبك
كان خلى لك دماغك صحيحه
هههههههههههههه

[مدحت نص]

يا بختك يا عم مايكل مش هاقدر اقول غير يا بختك