[elphilasouf]

تعرف انهم عملو بحث عن إمكانية تجنب انتقال نحو 100 ألف عدوى مرضية سنوياً في المستشفيات الألمانية عن طريق غسيل اليد ؟!!

أشار الدكتور ماتياس شرابيه، إلى أن حوالي نصف حالات إجراء تغيير وتنظيف الجروح وتركيب أو نزع القسطرة تتم دون غسل اليد بشكل كاف بالكحول وأوضح شرابيه أن عدد المرضى الذين يصابون بعدوى أثناء إقامتهم في المستشفيات الألمانية يصل إلى نصف مليون مريض سنوياً من بينها نحو مائة ألف حالة يمكن تجنبها بغسيل اليد .

طيب اغسل ايدي امتى؟؟

انتوا تعرفوا ان اي حاجه حوالينا -فى اي مكان غير معقم -تعتبر مليانه بالجراثيم والميكروبات مثلا الاكره - مقبض الباب - ده لو فحصناه تحت الميكروسكوب هتلاقو عليه كميه كبيره جدا من الجراثيم والميكروبات
الماوس الى انتو مسكينه دلوقتى عليه خلايه كتير جدا بتسبب امراض

والمصيبه الكبيره وهى العملات الى بتنقل الامراض من اي طبقه ومكان فى العالم من ايد الناس للجيب والجيب فيه المناديل الورقيه وفيها الموبيل ... تخيلوا بقى
ده حتى شكل وريحه العملات مش حلو كده ، ده حتى دلوقتى الحكومه المصريه بدأت تقلل استخدام العملات الورقيه وتدخل العملات المعدنيه من تانى .. لان العملات المعدنيه اقل فى نشر الامراض والبكتريا

طيب هل انا هغسل كل حاجه حواليا ؟!!...لأ انا لازم اغسل ايدي قبل الاكل واكيد بعده ..
واكيد كمان لما المس حاجه بايدي -اي حاجه- لازم اللتزم انى لا المس اي جزء من فتحات جسمى زي العين الانف الفم الاذن .. الخ قبل غسل اليد

وهل هناك طرق صحيحة لغسل اليد ؟
بتقول د. نيفين لبيب، مسئول الأطفال والطب الوقائي بالهيئة العامة للتأمين الصحي :الغسل الجيد يشمل استعمال الصابون والماء أو منظف اليد الكحولي أو الماسحات البكتيرية أو المناديل المرطبة وهي في كفاءة الماء والصابون لتنظيف اليد، ولكنها ليست في جودة الماسحات الكحولية وبدأ ينتشر في العالم في السنوات الأخيرة استعمال الصابون المضاد للبكتريا وأصبح شائعا.

والمؤكد أن إستعمال الصابون سواء كان مضادا للبكتريا أو لا مع الماء يعمل على تفكيك البكتريا العالقة باليد وإزالتها تماما.

متى يجب غسل الأيدي ؟
بعد استعمال المرحاض ، بعد تغيير الحفاظ، بعد ملامسة الحيوانات أو فضلات الحيوانات، قبل وبعد تحضير الطعام خصوصا قبل وبعد التعامل مع اللحوم أو الدواجن والأسماك و قبل تناول الطعام، بعد إخراج الإفرازات من الأنف، بعد السعال والعطس في اليدين، قبل وبعد علاج الجروح والخدوش، قبل وبعد ملامسة شخص مريض ومصاب أو مجروح، بعد ملامسة أو إخراج القمامة، قبل إدخال وإخراج العدسات اللاصقة، بعد استعمال الحمامات العمومية المؤكد علميا "أنه يجب أن تغسل يديك دائما حتى لو لم يكن هناك مبرر". وعفو هذا ليس بالوسواس القهري انه داعى وقائي

الطريقه الخاصه بتعقيم اليد بالكحول او الصابون العادي

1- انزع اي مجوهرات او كماليات فى الايد ثم افتح الحنفيه - الصنبور - ع ميه دافئه .
2- بلل يدك ثم ضع مقدار من الصابون - عند استخدام سائل الكحول ليس من المهم استخدام ماء- ثم ادعك اليدين فى بعضهم بطن الي ببطن اليد
3-ثم ادعك بين الصوابع وحولها
4-ثم ادعك ظهري اليد ببطن الاخري بالاضافه الى منطقه صابع الابهام
5-ادعك اظافرك فى بطن يدك الاخري كما بالشكل

ملحوظات :
* كل ده والايدين بعيده عن الماء مش تحت الماء فقط تبلل قبل الغسيل
* استمر فى دعك يدك لمده لا تقل عن 15 ثانيه ويفضل ان تجف اليدان نوعا ما
*استخدم منشفه خاصه بك بمفردك وتكون نظيفه باستمرار ويستحسن استخدام المجفف الكهربى والاكثر تفضيلا هو ورق الحمام لان المنشفه والمجف الكهربى قد يكون مسبب للبكتريا اكثر من ورق الحمام .

المعلومات مجمعه من اكثر من مقال

واخيرا الموضوع بالكامل اهداء الى :
http://one4v.com/ar/

المصدر: †† ارثوذكس †† - من قسم: قسم المناقشات الثقافيه والعلميه

[modo]

ههههههههه
حاضر اروح اغسل ايدي و اجي ارد عليك
ههههههه
مرسي ليك

[IO-Mena]

موضوع حميل قوى يا فيلو بجد معلومات جمليه متجمعه
وانا متعود اغسل ايدى باستمرار فى بعض النقاط الى ذكرتها

مرسى يا فيلو

وشكراً ع الأهداء

[samo1984]

موضوع جميل وتم التنفيذ
بس للاسف المية كانت مقطوعة
ههههههههههههههههههههههههه ههههههههههههههههههههههههه هههههههههه

[elphilasouf]

الميه مقطوعه
فاتت علينا دي
ههههههههههههههههههههههههه
ميرسي لردكوا
ربنا يحفظكوا دايما سالمين من اي مرض

[البوب الجديد]

مع صابونة لايف بوى تحدى الجراثيم
اققتلها احميها اغسلها
لايف بوى ب250 بس بدلا من 3
لايف بوووووى

[abanoub_msg]

سيبك من لايف بوى وخليك مع ديتول .
حافظ على صحتك مع ديتول
وبسعر رخيص جدا عند اى صيدلية و5 جنيه وبس
يابلاش.


+ميرسى+.... على الموضوع الجميل ده.

ودى هدية منى ليكو.

[elphilasouf]

هههههههههه صدقونى دخلت جبت البخاخه الى فيها ديتول ورشيت ع الموس والكى بورد ومكان زرار البور وكل شويه اغسل ايدي
الصحه تاج فوق راس الاصحاء

[armia1987]

موضوع حلو ونشكر من مقوعنا هذا الاستاذ فيلو

[نورالمنتدى]

شكرا خالص على المعلومات الحلوة ربنا يبارك