[البوب الجديد]

((((هل تعتبر أيها الشاب بأن البنت المتفتحه انهاقليله الآدب أم تعتبرها جريئه أم ماذا؟؟؟))))بوضح السؤال أكثر


عند ذهابك إلى جهة عمل ما

و تجد فتاة من الفتيات

تتكلم بجراءه،،،،،تحاول إنها تساعد الكل،،،،مستواها التعليمي عالي

تفهم في كل شئ

و يمكن تكون أحسن من مديرها بإداره أمور العمل

تحب العمل بشدة و تخلص لة

تحب النقاش و الحوار باسلوب منطقي

علي درجة عالية من الثقافة

تتحاور مع الاخرين بشكل انسيابي و منفتحة


يعني لما بتلقي بنت زي كدة هل بتحترمها ام بتسخر منه ام ؟؟؟


عايزة اشوف وجهه نظركم في الموضوع دة سواء كمان شباب او بنات

عايزة رأي كل واحد فيكم

المصدر: †† ارثوذكس †† - من قسم: صندوق مناقشات الاعضاء

[Shosei]

انا كبنت حد لخمة جداا وحاجة بكرها بحب البنت الجريئة الى تعرف تاخد حقها انا لو حد شتمنى اسكت كمية لخمة فيا يمكن شوية فى الانترنت بهزر واخد وادى فى الكلام فى الواقع خالص
بس بصراحة انا قلت لخطيبى انى لخمة جداا كمان وهو قالى سيبهالى

[البوب الجديد]

شكرا لكلامك يا ميرنا ولمرورك وكلامك
وعايزين نعرف اراء باقى الاعضاء

[بونبونه سكر]

يعني لما بتلقي بنت زي كدة هل بتحترمها ام بتسخر منه ام ؟؟؟
ياااااااااااه وهو فيه احلى من كده يا بوب كل اللى انت قلته ده كويس انما جراءه عن جراءه تفرق يعنى مثلا لما البنت تقف قدام باباها او جوزها وتردله كلمه بكلمه قدامه ومن غير اعتبار ليه دى مسمهاش جراءه دى تبقى قله ادب اكيد انما تحب العمل بشدة و تخلص لة
تحب النقاش و الحوار باسلوب منطقي
علي درجة عالية من الثقافة
تتحاور مع الاخرين بشكل انسيابي و منفتحة يبقى شخصيتها جميله وتعجبنى اوى انما ارجع واقول برضه جراءه البنت ليها حدود ميرسى على موضوعك واسفه للاطاله

[ميلاد صدقى]

شوف يا بوب موضوعك جميل وجرئ ومشعب
مثلا اللى قلتة عن فتاة لبقة وتتكلم وتنجز عملها
فى همة ونشاط وتحاور الكل وتقود العمل بنجاح
دى مش جرائة دى تبقى شخصية قيادية وقوية
فى التعامل مع الاخرين ودة نوع مش موجود بكثرة
اما ما قلتة بنوتة سكرة يندرج تحت بند قلة الادب
ولكن هناك فتاة تعمل علاقات مع شلة من الشباب
ومقضياها موبايلات وخروجات وحب ومن شاب الى اخر
وكمان كدب وانتحال مستويات ليس فيها وكفية كدة
دى تبقى اية تبقى بنت مستهترة ومافيش ادب من
اساسة وهى فاكرة انها جريئة ولكن فى الحقيقة هى
انسانة محتاجة تنشئة من اول وجديد بجد يا بوب
موضوع جامد وربنا يبارك خدمتك ويرعاك ويكون معاك

[البوب الجديد]

كلامك حاو اوى يا بنبونة بس انتى جايبها من ناحية واحدة بس كلامك حلو وهادف

استاذ ميلاد حبيب قلبى كلامك فعلا فى محلة وجامد
شكرا لمروركم وعايزين نعرف راى باقى الاعضاء

[هاني وجيه]

اه قليلة الادب اوي وحرم الموضوع ده في المنتدي ده شكر هون هون

[بنت الراعي]

زي ماقال استاذ ميلاد وبنبونه
علي حسب الموقف والاسلوب في جرأه بتكون فيها قلت ادب يعني مثلا
يكونوا في جماعه كبار بيتكلموا تقوم هي تنط كده تتكلم من غير ماتستئذن دي قلة ادب
انها تتكلم مع مامتها او اخواته الكبار من غير حدود وبمنتهي الجرأه حتي لو كان رايها غلط تجادل وتقف قصادهم وتتحداهم دي قلة ادب
لكن بنت تعرضت لموقف مش لطيف مثلا في الشارع ترد وتاخد حقها دي جراه مطلوبه
بنت في الجامعه وحد اشتكاها ظلم عند الدكتور تدافع عن حقها وتناقش وتتكلم بس برده باسلوب راقي وبادب دي جراه مطلوبه وهكذا يعني من الاخر كده
علي حسب نوع الموقف ومع مين ورد الفعل والاسلوب
اما بالنسبه للمثل بتاعك دي بنت هايله من وجهة نظري الشخصيه
موضوع جميل ربنا يباركك ويفرح قلبك

[البوب الجديد]

شكرا بنت الرعة بج لرايك الجميل ومعلش يا هانى انا اسف وهلعين الموضوع
ههههههههههههههههههه

[bolalover]

تتكلم بجراءه،،،،،تحاول إنها تساعد الكل،،،،مستواها التعليمي عالي تفهم في كل شئ و يمكن تكون أحسن من مديرها بإداره أمور العمل تحب العمل بشدة و تخلص لة تحب النقاش و الحوار باسلوب منطقي علي درجة عالية من الثقافة تتحاور مع الاخرين بشكل انسيابي و منفتحة

تفتكر ايه بعد المواصفات دي كلها

لا شئ غير الاحترام الكامل