[إيلي سمير]

دعوه إلى أعز الحبايب لحضور العزومه
أحبائي أجمعين لأني أحبكم أجمعين
بقولكم إيه تعالوا نتكلم بالبلدي أنا إنهارده بمناسبة قرب بداية صيام الميلاد حبيت أعمل عزومه على ديك رومي ولكن علشان بحبكم حبيت أجهزه بطريقه إنكم تاكلوه من غير أي تعب أو مجهود
بس في الأول عايز أعرف تحبوا تاكلوه إزاي يعني بإيديكم ولا بالشوكه والسكينه أو تحبوا تاكلوه في كبايه بالشاليموه أيوه أقصد في كبايه بالشاليموه زي العصير بالظبط
أعتقد إنه ممكن يتاكل بالطريقه الأولى بالإيد يعني وممكن يتاكل بالسكينه والشوكه وممكن كمان يتعمل منه كفته وممكن يتعمل لحم بارد ده حتى ممكن يتعمل منه لانشون يعني لازم نتعب في أكله ناخذ قطمه وبعدين لقمه ونحطها في بقنا وبعدين نمضغ ونمضغ ونفضل نمضغ ونستمتع بطعمه وإحنا لسه بنمضغ يعني لازم نبذل مجهود طبعاً لازم لأن الديك يستاهل بذل المجهود والتعب علشان نستمتع وفي كل الأحوال ماينفعش يتاكل بالطريقه الأخيره في كبايه أكيد فيه حد منكم هايقول ده مايبقاش بيتاكل ده ها يبقى بيتشرب طالما فيه كبايه وفيه شاليموه وطبعاً كلكم هاتقولوا إيه دخل ديك الرومي في قسم الروحيات والطقسيات
أنا هاقولكم إن الحكايه بسيطه جداً لأني كنت اليوم وأنا بأتمشى في الموقع لقيت باب مفتوح وطالعه منه حراره وريحه سخونه جميله رحت دخلت فيه لقيت فيه موضوع عن الجسد والدم على المذبح المقدس ( المسيح الله الواحد المتجسد واحد لا يقسم ) كاتبه الأخ الحبيب على قلوبنا كلنا ( Aymonded) وطبعاً كلنا عارفين مواضيعه الحلوه المليانه كوليسترول لكن في الموضوع ده لقيت الحراره عاليه جداً بصوره رائعه وإستفدت جداً من الحوارات والردود والتفاعل الإيجابي اللذيذ ما بين العمق العميق في الموضوع واللاهوتيات وما بين البساطه الشفافه في الردود من الأخت إيمي ( emmmy) ومعهما على السفره أقصد في الحوار عدد من الإخوه الأحباء بردود إيجابيه وعليه وجدت في نفسي حب المشاركه في الموضوع لأني تعرضت كثيراً لهذا الموقف ( موقف الحاجه إلي تبسيط المعلومه اللاهوتيه أو غير اللاهوتيه) حتى تصل لمن أحدثه ودائماً كان رب المجد يسوع المسيح بروحه القدوس يضع بلاهوته الضابط الكل الكلمات المناسبه وأستفيد منها ومعي يستفيد صاحب الحوار وعندما أراد رب المجد ووضع الكلمات على فمي فوجئت بأنه قد أغلق الباب أقصد أغلق الموضوع فماذا أفعل فكرت ولعلي لا أكون مخطئ فيما فكرت وهو أن أقوم بدعوتكم معي على هذه المائده و قلت مع نفسي لو ماحدش إستفاد من الموضوع أبقى عيدت عليكم بمناسبة قرب بداية صوم الميلاد
تعالوا نرجع تاني للموضوع بتاع العزومه( المشاركه ) إللي فيه كلنا متفقين على إنه ماينفعش ناكل الديك في كوبايه بالشاليموه زي العصير لأنه كده بنشربه وطبعاً ده يبقى مستحيل
وهو ده بالظبط إللي بيحصل معانا لما نحب نفهم حاجه عن اللاهوت عايزين نتعامل مع اللامحدود بالعقل المحدود وبصوره غير معقوله زي حكاية الأكل في الكبايه بالشاليموه
يعني يا إخواتي إحنا عايزين نتكلم على اللاهوت إللى هو عن الله إللي مالوش أول من غير بدايه يعني ( أزلي) ومالوش نهايه من غير آخر يعني ( أبدي ) ومالوش أي حدود لدرجة إنه موجود في السماء وفي كل الكون إللي نعرفه وإللي عمرنا ماعرفناه ولا يمكن إننا نفكر حتى في وجوده ده الله موجود في الهاويه والجحيم زي ما قال داود النبي ووقت التجسد والفداء هو نفسه موجود في كل الكون وفي بطن السيده العذراء مريم وبعدين بقي موجود بين البشر بيعلمهم بأمثال ومن غير أمثال وبيعمل معجزات وبينتهر وحتى على الصليب كان موجود وفي القبر برضه هو موجود في نفس الوقت مالي الوجود
إيه رأيكم تعالوا نبص لوجوده دلوقت في صلوات القداس ولنفرض إن العالم كله فيه مليون كنيسه وإنه في لحظه واحده بيتعمل طقس القداس في كل الكنايس وطبعاً على كل مذبح في كل هيكل في كل كنيسه فيه قربانه وأباركه يعني في جسد ودم وكلنا عارفين إن القربانه والأباركه بيتحولوا بفعل الروح القدس إلى جسد ودم حقيق لرب المجد يسوع تمام زي ما حصل في بطن السيده العذراء مريم هل نقدر نقول إنه بقى فيه مليون جسد لرب المجد طبعاً لا ومليون لا لأنه جسد واحد طيب تعالوا نكمل ونعرف الجسد إللي في الصينيه على المذبح في الهيكل بيروح فين طبعاً إحنا بنتناوله وينتقل من الهيكل في الكنيسه إلى الهيكل إللي هو جسدنا زي مابيقول ربنا على لسان بولس الرسول فهل كل واحد فينا هيكل زي الكنيسه طبعاً وده أكيد يعني بقي في كل واحد فينا موجود رب المجد يسوع المسيح طبعاً ده أكيد وأعتقد إنه في الكتاب المقدس وكتب الآباء الرسل وجميع ذوي الإيمان الصحيح ده موثوق منه وطبعاً لما بنتكلم عن رب المجد يسوع المسيح يبقي إحنا بنتكلم عن الله بكل أقانيمه لأن الله واحد لا ينقسم
أقولكم حاجه تعالوا ناكل لأن الديك إبتدى يبرد
يلا
بالهنا والشفا

المصدر: †† ارثوذكس †† - من قسم: الطقس الكنسي الارثوذكسي

[إيلي سمير]

شكراً للإداره على السماح بالعزومه أقصد الموضوع لأني فعلاً كنت متوقع منعه
ومره ثانيه شكراً وبالهنا والشفا

[aymonded]

أمممممممممممم ويتمنع ليه يا جميل !!!!! أو يرفض الموضوع ليه يا ترى !!!
أنت لم تقل شيء قط يمنع الموضوع وباعتذر على أن الموضوع الرئيسي التي تتكلم عنه كان مغلق وهابقى افتحه أكيد لأني يظهر نسيت واغلقته عن دون قصد ، واشكرك حقيقي على كلماتك واهتمامك الحلو يا اروع أخ غالي ، لأن كثيرين لا يدركون اتساع السر الإلهي ويحاولون أن يدخلوا لهذا السر في الفكر والبحث العقلي المقنع لفهم ما لم يشرحه الرب نفسه ولا الرسل ولا حتى الآباء بأي صورة خارج السرّ ، لأننا دائماً نلتزم بحدود الإنجيل [ خذوا كلوا هذا هو جسدي ] ولأن المسيح واحد لا يقسم لأثنين أو لأجساد كثيرة ، بل هو ابن وحيد حقيقي لله الآب تجسد ، ولاهوته لم يفارق ناسوته قط فاننا نتحد بشخص المسيح الكلمة الواحد الذي لا يقسم بأي شكل أو صوره أو تحت اي بند أو فكر فلسفي جدلي ...

حقيقي أشكرك يا أروع أخ غالي وسافتح الموضوع الذي تم إغلاقة حالاً ، أقبل مني كل حب وتقدير لشخصك الرائع ؛ النعمة تملأ قلبك سلام ومسرة دائمة

[aymonded]

باعتذر مرة أخرى على غلق الموضوع وقد تم فتحه يا محبوب الله والقديسين
كن على الدوام مع كل الأسرة معافين باسم الثالوث القدوس

[إيلي سمير]

المشاركة الأصلية كتبت بواسطة aymonded أمممممممممممم ويتمنع ليه يا جميل !!!!! أو يرفض الموضوع ليه يا ترى !!! أنت لم تقل شيء قط يمنع الموضوع وباعتذر على أن الموضوع الرئيسي التي تتكلم عنه كان مغلق وهابقى افتحه أكيد لأني يظهر نسيت واغلقته عن دون قصد ، واشكرك حقيقي على كلماتك واهتمامك الحلو يا اروع أخ غالي ، لأن كثيرين لا يدركون اتساع السر الإلهي ويحاولون أن يدخلوا لهذا السر في الفكر والبحث العقلي المقنع لفهم ما لم يشرحه الرب نفسه ولا الرسل ولا حتى الآباء بأي صورة خارج السرّ ، لأننا دائماً نلتزم بحدود الإنجيل [ خذوا كلوا هذا هو جسدي ] ولأن المسيح واحد لا يقسم لأثنين أو لأجساد كثيرة ، بل هو ابن وحيد حقيقي لله الآب تجسد ، ولاهوته لم يفارق ناسوته قط فاننا نتحد بشخص المسيح الكلمة الواحد الذي لا يقسم بأي شكل أو صوره أو تحت اي بند أو فكر فلسفي جدلي ... حقيقي أشكرك يا أروع أخ غالي وسافتح الموضوع الذي تم إغلاقة حالاً ، أقبل مني كل حب وتقدير لشخصك الرائع ؛ النعمة تملأ قلبك سلام ومسرة دائمة

المشاركة الأصلية كتبت بواسطة aymonded باعتذر مرة أخرى على غلق الموضوع وقد تم فتحه يا محبوب الله والقديسين كن على الدوام مع كل الأسرة معافين باسم الثالوث القدوس

أخي الحبيب أنا لا أجد من الكلمات ما يصف مشاعري لمجرد تشريفكم في العزومه فكم بالأحرى هذه الكلمات التي تعتبر كل كلمه منها بمثابة تاج يكلل كل موضوع .. و لماذا تعتذر يا أخي ؟! هل لإغلاق الموضوع .. !! لا تقل ذلك فإذا لم تكن قد أغلقته لما كنت فكرت أنا في هذه العزومه والتي تشرفت بوجودكم فيها وعقبال ما أتشرف بزياره الأخت إيمي لأن الكرسي بتاعها لسه فاضي هو وباقي الإخوه بالكنيسه أقصد بالموقع
ومره تانيه وثالثه ورابعه وخامسه وعاشره أشكركم جداً على تشريفكم للموضوع

[aymonded]

ربنا يخليك ويسعد قلبك بغنى مجد حضوره الخاص
وأنا اللي سعيد بوجودك الحلو معنا وتشرفيك للموقع كله يا جميل
أقبل مني أرق مشاعر المحبة لشخصك المحبوب في الرب
النعمة تغمر قلبك سلام ومسرة

[emmmy]

ههههههههههههههه
حقيقى موضوع لذيذ جدا جدا
اسلوبك رائع يا ايلى انا اول ما قريت عنوان الموضوع استغربت جدا من وجودة فى قسم الطقس انا قلت اية اللى جاب الديك الرومى فى الطقس دى غلطة الحقوا يا مشرفين هههههههه
اشكرك حقيقى على مهارتك واسلوب الجذاب
لك منى ارق تحية ومحبة


استاذ ايمن من فضلك فين لينك الموضوع اللى يقصدة دة انا مش فاكرة حاجة هو فى موضوع احنا اتكلمنا فية قبل كدة مع بعض

[aymonded]

ده موضوع قديم جدا يا أجمل إيمي كان عن الإفخارستيا بتاريخ 31/12/2008
أنا فتحته بعد أن كان مغلق واسم الموضوع هو :
الجسد والدم على المذبح المقدس ( المسيح الله الكمة المتجسد واحد لا يُقسم )
اللنك : https://www.orsozox.com/forums/f109/t23029/

أقبلي مني مع أجمل أخ حلو لنا (إيلي)
كل احترام وتقدير يا أجمل إخوة أحباء
النعمة معكم

[emmmy]

مرسى يا استاذ ايمن
ااة صح افتكرت دا موضوع قديم فعلا وكنت انا تعباك اوى
ههههههههه

[اشرف وليم]

شكرا لتعب محبتك
الرب يبارك حياتك