[ميلاد صدقى]

تعمل ايه

لما يكون الأمر مش بأيديك
لما ينزل غصب عنك دمع عينيك
لما تحس ان الكل جاى عليك
لما تكون مربوط من إيديك ورجليك
تعمل أيه

لما تسمع كلام فاسد مغشوش
لما تشوف ضحكة كدابة على الوشوش
لما دمك يكون على الارض مرشوش
لما تحس أن حقك منك منتوش
لما صاحبك فى كربك يقول معرفوش
تعمل أيه

لما تعقد ساعات تكلم نفسك
لما تدخل فى حوار مع يأسك
لما يتقلك أسكت وطى حسك
لما الحل يكون بس حبسك
لما النهاية تكون قتلك و نسفك
تعمل أيه

لما تقرا كلام مالوش اساس
لما تاخد وعد أونطه بعدم المساس
لما تعيش مع جارك خبيث دساس
لما كبيرك يكون كداب مياس
لما تفاجىء ان التعامل بقى بالرصاص
تعمل أيه

لما غادر يجى يقتل فرحتك
لما فاسد يجى يغتال بسمتك
لما حد يوهمك ان دى قسمتك
لما يتقالك أمشى انت أيه لزمتك
لما الوضع ده يبوظلك حسبتك
تعمل أية

لما تعرف أن الشر له جذور
لما تلمس قلوب فى الحقيقة بور
لماتصدق ان الضلمة بقت نور
لما يكون جناح السلام مبتور
لما تكون المحبة مجرد قشور
تعمل أية

لما تتأكد أن حقك مهضوم
لما حكم القانون يخليك مصدوم
لما فى قعدة صلح تلقى القلب مخروم
لما يدرسوا الظلم فى كتب العلوم
لما اللى بيحصل يكون للجميع معلوم
تعمل أية

فى مسيح ورب والة لهذا الكون
الجألة كلمة اترجاة وكل دة يهون
تعرف انة وديع وطيب وقلبة حنون
تلقى المحبة والتسامح عندة قانون
ابديتك وملكوتك معاة رجاء مضمون

عرفت هانعمل اية
هو هايمسح دمع عينيك
هايمسك ايدة فى ايدك
هايفك رباط ايدك ورجليك

بقلمى / ميلاد صدقى 7/1/2011

المصدر: †† ارثوذكس †† - من قسم: القسم الادبي