[marmarsh]

قرر المنتدى القيام برحله الى اديرة الصعيد بهدف زيارة الاديرة والاراضى المقدسه
وفى اثناء الرحله لم ينس الاعضاء احضار صورة تذكاريه لعم جان وفى يوم عودتنا استقبلنا عم جان بالترحاب والتهليل كطفل صغير وجد ضالته الضائعه .
عم جان : حمد الله على السلامه
الاعضاء : الله يسلمك
عم جان : افتكرتونى هناك
:الاعضاء : واحنا نقدر ننساك ( واعطيناه الصورة التى كنا قد احضرناها له كتذكار )
اخذ عم جان الصورة وشكرنا جدا وذهب كلا الى بيته
عم جان : ايه ده ايه الصورة العجيبه دى .... السيد المسيح حاطط ايده على فم الست العدرا ليه ..ياترى كان زعلان من حاجه قالتهاله ولا هم ( الاعضاء ) عاوزين يكتمونى ويسكتونى وصوتى مايسمعهوش ورأى الحكيم مايفهمهوش..طيب لما اشوفهم انا هربيهم والنجوم فى عز الظهر هوريهم ...
وفيما كان عم جان غاضب مستاء من الذين فعلوا هذا وجد السيد المسيح له المجد وقد انزل يده من على فم السيده العذراء حتى يسمح لها بالكلام وقالت :
السيده العذراء : اصبر ياعم جان وافهم ما كان . زمان كان فيه ناسى فى دير الملاك ميخائيل شرهم للمسيح وصل ولما حبيت انبههم وعن شرهم ارجعهم حط المسيح ايده على فمى وقاللى سيبيهم دول هم للوصايا عارفين لكن هما مش مهتمين . وحياتهم للشيطان تاركين .
وعلى فكرة كتير دلوقتى من الناس شرورهم بتخزنى وببقى عاوزة انبههم ارجعهم لكن هو برده بيحوشنى ويقولى هما احرار من ادم ليوم القيامه. وعند هذا قام عم جان مفزوعا مما قد سمعه .
واخذ ينظر فى الصورة التى وقعت منه اثناء نومه .

ياريت كلنا نهتم بخلاصنا وبحياتنا الابديه .

المصدر: †† ارثوذكس †† - من قسم: المرشد الروحى (كلمة الله التى تؤثر فيك)

[كيرو رافت]

يا ربى يا مارى
على الرساله دى
قد ايه صعبه جدا جدا فى معانيها
ومرعبه بجد
ربنا يدينا اننا نكون اولاده بجد اللى ما بنحزنهوش ولا نزعله باعمالنا
حتى لا يضع يده على فم امه من اجلنا
وان نكون سامعين عاملين بالوصايا
ميرسى ليكى جدا يا مارى على رسالتك الرائعه

[نبيل نصيف جرجس]

مارى مش عارف اقولك اية
بس بجد قصة جميلة اوى
ورسالة حية يا ريتنا عقولنا تتفتح شوية
ونعيش تحت ارادة الرب يسوع

[elphilasouf]

ميرسي ع الموضوع بس

ازاي راعى يكتفى انه ينده ع خرافه الضاله من بعيد من غير مايحاول يجيبه هو بنفسه
اعزرينى يا مرمر مش ده المسيح
ده المسيح ديما بيبعت يفكرنا بتجارب واصوات وحاجات كتير

[sunny man]

شكرا على هذا الموضوع الجميل

ربنا يباركك

[rmio]

الف شكر على الرسالة الجميلة
القصة دى فعلا حقيقية
والصورة دى موجودة فى الدير الملاك
والف شكر

[يحنا1975]

قبورونا تبنا قبل ان تبنا ، ، ، فيا ريتنا تبنا قبل ان تبنا !
الرب معنا كل حين و لن يتك خرافه و إن غاب واحد سيترك القطيع ليجده !

[marmarsh]

ميرسى ليك يا كيرو بجد مرورك بيفرحنى ربنا يباركك حياتك ويفرح قلبك

[marmarsh]

ميرسى يا باسون نبيل ربنا يدبنا اننا نعيش معاه حياة طهارة وتسليم كامل ليه

[marmarsh]

المشاركة الأصلية كتبت بواسطة elphilasouf ميرسي ع الموضوع بس ازاي راعى يكتفى انه ينده ع خرافه الضاله من بعيد من غير مايحاول يجيبه هو بنفسه اعزرينى يا مرمر مش ده المسيح ده المسيح ديما بيبعت يفكرنا بتجارب واصوات وحاجات كتير

اولا ميرسى لمرورك . بص يا فيلو ربنا دايما عايزنا وبينادى علينا بس مش معنى كده اننا نفضل عايشين فى خطيه ونقول ده ربنا حنين هيرجعنا ليه
ربنا سايبلنا اننا نختار اما العشرة معاه او العشرة مع الشيطان
ربنا مستنينا وبينادى علينا دايما بس هو بيستنا اننا نرجعله بجد من كل قلبنا وساعتها هنلاقيه بجد ونعيش معاه