[elphilasouf]

دائما عندما نتعرض لمشكله معينه او تجربه ونحس بضعفنا نروح ع طول نصلي
ويمكن صلاتنا تبقي بحراره اوي ويمكن توصل لدموع كمان
وانا اولكم بصراحه كنت بعمل كده
وبزات ساعه الامتحانات

حتي ولو كان فينا حد اتعود انه يصلي كل يوم بالاجبيه او حتي صلاه عاديه مكنتش بتكون بالحراره الى بتكون بيها صلاتنا ووقت مانتعرض لتجربه

ربنا بيحبنا بدون شروط
بيحبنا حتي واحنا بنغلط وبنزعله

حتي وان كنا عرفنا من خدام مدارس الاحد بطريقه غلط ان ربنا مش هيحبنا لو مكناش حلوين
لا ربنا بيحبنا حتي ونحن خطاه

ربنا ساب ال99 خروف وراح يدور ع الخروف التايه

لازم محبتي لربنا تكون محبه بدون شروط >> حتي لو ربنا مش هيدينى حاجه بس احبه

تخيلوا لو انا واحد صحبي بيتصل بيا وقت بس مايكون عاوز حاجه ولو خلاص مصحلته خلصت ينفض ولا اكنه يعرفني ؟!!
مش هقول علي صحبي ده مش حلو وبتاع مصلحته
طيب .. وااانا مش بعمل زييه كده مع ربنا

وبالتوازي لازم تكون صلاتى لربنا دائما
في وقت ماتكون الحياه بمبي
ووقت كمان ماتكون الحياه مش بمبي

دلوقتي بطلب منكوا طلب صلاه
فقط من اجل ان نتصل بالله الذي يحبنا بدون شروط
صلوا كل حين ولا تملوا

المصدر: †† ارثوذكس †† - من قسم: الصلوات وطلبات الصلاة