[see_karkora]

سؤال برئ
إيه أحوال الشغل اليومين دول في مصر؟
------

يعني إحساسك إيه لما يجيبوا واحد ماطلعش م البيضة ويعملوه مدير عليك؟
------

"وتلاقي واحد من زمايلك واخد راحته ع الآخر "ربنا يسهل لعبيده
------

والتاني فاكر نفسه رشدي أباظة.. محطم قلوب العذارى
------

والتالت يقعد يقرع على زمايله بحواديت جدو الباشا
"مع إن المرحوم كان شحات على باب السيدة"
------

وواحد عامل زي البصل... محشور في كل أكلة
------

وده تشوفه تلاقيه طيب، لكن عامل زي التعلب المكار اللي بيبلغ المدير بكل الأخبار
------

وده شعاره: النبي قبل الهدية
"عربون محبة يعني"
------

أما قرايب المدير فتلاقي منهم اللي كل الحوافز والسفريات جاية له
------

والتاني مش عارف يقف على رجليه... بس مسنود قوي
------

أما دي على طول واخدة أجازة.. وإنتي تشيلي الشغل بدالها
ماهو شعارها: المليان يكب ع الفاضي
------

وده مولود في بقه معلقة دهب
بيشتغل عشان يملى وقت فراغه
------

أما انت يا مسكين.. يرمولك أي فتافيت تفرح بيها زي العبيط
------
يا ترى هتعمل إيه؟ هيكون إيه موقفك؟؟؟

تكشف راسك وتدعي عليهم زي الولايا؟
------

ولا تشد في شعرك م اللي بيحصل لك؟
------

ولا هتسكت ، وتعض أصابع الندم إنك ماهاجرتش من زمان؟

------


ولا تتجوز واحدة غنية تصرف عليك وتسيبك م الشغل خالص؟
------

أو تعمل ودن من طين وودن من عجين؟
------

ولا هتعمل لي عنتر بن شداد وتوريهم العين الحمرا؟
------

أو تنهى حياتك نهاية مأساوية؟

------

أو تعمل فيهم عملة كان نفسك تعملها من زمان؟
------

اشمعنى هم كل واحد يعمل عملة سودة وتيجي على دماغك؟

-------------------------

وشعر راسك يقف م البلاوي اللي بتشوفها؟
------

..وحتى لو وقفت على شعر راسك برضه مش عاجب
------

هتعمل يعني زي العيال الصغيرة وتروح للمدير تقولله يا راجل يا عجوز مناخيرك قد الكوز؟
------

ما كل الناس عارفه إنه شبه على بابا اللي في الجنينة اليابانية

بالمناسبة: الأربعين حرامي اللي في مصر، بقوا كام دلوقت؟

------

ولا فاكر إنك هينفعك إنك تكون من خيار الناس؟

لا تبقى غلطان
------

...مش مهم إنت موهوب ولا لأ
------

ولا حتى تبقى دكتور زى الست كوكى
------

المهم يكون معاك العصا السحرية اللي تفتحلك كل الأبواب


تعرف هي إيه؟

<<<<<

<<<<<

<<<<<

<<<<<

<<<<<

الواسطة

هو دة حال الدونيا يبنى

المصدر: †† ارثوذكس †† - من قسم: صندوق مناقشات الاعضاء

[elphilasouf]

ههههههههههههههههههههههههه هههههههههههههههههههههه
موضوع حلو خالص بس
الوساطه رغم انتشارها الا انها مش موجوده فى كل مكان
وزي ماقالوا فى الامثال
الى يطلع السلم مره وحده هيقع
غير انه مش هيحس بمتعه النجاح بعد كده
وعدم الراحه

اشكرك جدا ع الموضوع بس انا ضدد الفكره

تم النقل للقسم المناسب

[M@@@NOOOO]

ههههههههههههههههههههههههه ههههههههههه
لآ بجد موضوووووووووووووع جامد جدا ولذيذ اوووووى
وطريقه عرضه ممتعه
واناا معاكى ان فى واسطه ومنتشره جدااا جدااااا
بس فى اماكن محترمه بترفض الوسطاء او ماشابه
زى مافى الحلو فى الوحش
وميرسى لموضوعك اللذيذ

[miso]

ههههههههههههههههههههههههه هههههههههههههه انا قولت لابويا قعدة البيت هى المصير
كدة جبتلى اكتئاب مش هدور على شغل

[مينا101]

موضوع جميل بس الصور جميله جدااااااااااااااااااااااا اااااااااااااااااااا
الواسطه هه ما هى دى المشكله
اغلبيه الشغل او كل الشغل بالواسطه

[see_karkora]

المشاركة الأصلية كتبت بواسطة elphilasouf ههههههههههههههههههههههههه هههههههههههههههههههههه موضوع حلو خالص بس الوساطه رغم انتشارها الا انها مش موجوده فى كل مكان وزي ماقالوا فى الامثال الى يطلع السلم مره وحده هيقع غير انه مش هيحس بمتعه النجاح بعد كده وعدم الراحه اشكرك جدا ع الموضوع بس انا ضدد الفكره تم النقل للقسم المناسب

• اولا اشكرك لردك بس من الى شوفتوا او الى امى قالتهولى و البهتلة الى حصلة بجد اى حاجة انتى تابع مين و لو مكنتش تابع حد يبقى اركنى هنا و حالنى بقى لو عملولها حاجة دة للسبب الى خلانى اعمل كدة

[see_karkora]

المشاركة الأصلية كتبت بواسطة m@@@noooo ههههههههههههههههههههههههه ههههههههههه لآ بجد موضوووووووووووووع جامد جدا ولذيذ اوووووى وطريقه عرضه ممتعه واناا معاكى ان فى واسطه ومنتشره جدااا جدااااا بس فى اماكن محترمه بترفض الوسطاء او ماشابه زى مافى الحلو فى الوحش وميرسى لموضوعك اللذيذ

فعلا حولة ابسطها شوية وانا معاك ان فى اماكن محترمة بس هتلقيها قلييييييييلة جدا 3%

[see_karkora]

المشاركة الأصلية كتبت بواسطة miso ههههههههههههههههههههههههه هههههههههههههه انا قولت لابويا قعدة البيت هى المصير كدة جبتلى اكتئاب مش هدور على شغل

لالالا لازم تنزلى اكتئاب اة بس لازم تثبتى وجودك و تشتغلى كدة

[see_karkora]

المشاركة الأصلية كتبت بواسطة مينا101 موضوع جميل بس الصور جميله جدااااااااااااااااااااااا اااااااااااااااااااا الواسطه هه ما هى دى المشكله اغلبيه الشغل او كل الشغل بالواسطه

لالالا هو اغلبية مش كل الشغل يعنى و طبعا المصالح و حاجات تانية غير الشغل عايزة وسطة

[elphilasouf]

المشاركة الأصلية كتبت بواسطة see_karkora اولا اشكرك لردك بس من الى شوفتوا او الى امى قالتهولى و البهتلة الى حصلة بجد اى حاجة انتى تابع مين و لو مكنتش تابع حد يبقى اركنى هنا و حالنى بقى لو عملولها حاجة دة للسبب الى خلانى اعمل كدة

بتتكلمى كده ليه وانتى معاكى اكبر وسطه

انتى تبع ربنا