[keroo82]

اهلا بكل من لبس الجلابيه وهيشارك معانا علي المسطبه ( تحت التوته )
احنا فرشنا الحصيره
ومستنين اصحابنا يتفضلوا يقعدو معانا وندردش شويه و نتكلم مع بعض في مشاكلنا بطريقه دمها خفيف كدا وهي فرصه نعرف بعض اكتر
وهنبعت ونجيب لب ونقزقز وممكن نجيب توت كمان
( هقوم معاكم بالواجب) انا هضيف تعديل بسيط هغير الموضوع المطروح كل اسبوع
يارب المصطبه تعجبكم

وانا هفتح موضوع مهم وهو
اداب الحضور للكنيسة
بمعنى ازاى نحترم بيت ربنا
يعنى مثلا الشباب بيروح الكنيسة لية فين ناس طبعا بتروح الكنيسة لهدف معين وهو الاستمتاع بكلمة ربنا والاسرار المقدسة
وفى ناس تانى برضو بعد اعكس ياعم يعنى اية ناس رايحة مش فى دماغها الكلام دة رايح الافندى بيبحلق وبيص على اللى رايحة واللى جاية الله يرحمك يا شرين عبد الوهاب وهى بيتقول عين على رايحة واللى جاية
وفى بنات رايحة الكنيسة علشان تشوف عريس كويس او تشوف اصحابها وحجات كتير عايزاقولها من دى بس مش عايز اطول عليكم
انا فتحت موضوع اهو
يارب ملاقيش حد يرد ولا يناقش هولع فية انا بقول اهو
شكرا ليكم
محدثكم كيروو من المسطبة

المصدر: †† ارثوذكس †† - من قسم: صندوق مناقشات الاعضاء

[kottah_sh]

ممكن ادخل ياكيرو بس من غير جلابيه
وادى قاعده
ازيك ياحج كيرو اخبارك ايه
واخبار العيال والمودام ايه
الحمد لله بخير
بس بقى ياسيدى حكايه اداب دخول الكنيسه
انا واحده من الناس لما اجى ادخل الكنيسه
بلاقى كل البنات والصبيان قاعدين فى اخر
صفين فى الكنيسه
اللى يغيظك بقى ياعم الحج
تبص تلاقى الواد قاعد عمال يبص على البت
يرنوا على بعض
ويبعتوا رسايل لبعض وهما قاعدين
وعاملين ان مفيش حد شايفهم
وشويه تلاقيهم نزلوا واتقابلوا تحت وهاتك يا كلام
وناسيين القداس والكنيسه وولا الهوا
وتلاقى البت بتحاول تتعرف على بت تانيه
علشان تاخد رقم تليفونها وتديه للواد ابو وسط ساقط
احنا زمان كنا بنتعلم لما تيجى داخل الكنيسه
تعمل مطانيه اول ماتدخل
وتدخل من غير صوت خالص
وتروح على مكانك وتقف متبصش شمال ولا يمين
ومتقعدش اثناء القداس
بصراحه دخول الكنيسه بقى عامل زى
دخول نادى
مفيش احترام للمكان اللى داخله ولا اى حاجه

اسفه لو طولت بس الموضوع ده مهما الواحد يكتب
مش هيخلص

متشكرين ياكيرو على دور الشاى واللب
اللى عملته معايا
نردهالك فى الافراح
ههههههههههههههههههههههههه ه
يالا بقى سلالالالالالالالالالالام

[marooooo]

بعد ما قاعدنا واستريحنا واخدنا ضيفتنا هقولك ياكيرو اننا لما بندخل الكنيسه زي ماقولتوا بنلاقي اللي واقف تحت وعامل حوليه لمه كتيره وعمالين يتكلموا ويضحكوا ويهزروا ولا اكنهم جايين يتفسحوا وبيبقوا جايين اساسا علشان يقابلوا بعض والاسم في البيت احنا رايحين الكنيسه وبابا وماما يستغربوا يقولوا الواد ده والبت ديه بقوا قديسين كده ليه مع ان زمان كنا بنوديهم مدارس الاحد بالعافيه ميعرفوش بقي اللي فيها واللي اكتر من كده انهم بيشجعوا زمايلهم يجوا الكنيسه واسمهم بيفتقدوا بعض وهما بيجوا علشان يرغوا سوا ويتمنظروا قدام بعض سوري اذا كنت رغيت كتير يعجبك كده بقي ياعم كيرو اللي بيحصل ده حاجه تفرس ياخواتي اوووووووف

[peter333]

شكرا يا عم على موضوعك الجميل جدا بس من غير متولع فينا علشان ان مبحبش الحر
بس كل الى اقدر اقولهولك زى ما البابا شنودة قال فى احدى وعظاتة لما اتسأل عن الوضوع دة قال خلى عينك بسيطة و انا بقولك متركزش على الناس ركز على صاحب الكنيسة و على جسد و دم المسيح الى فداك على الصليب
و ربنا يرحمنا جميعا و يغفر لنا خطايانا

[ملكه الاحزان]

فكره تمام اوي يلا بقي افتحو موضوع جديد