[فايز فوزى]

الحقيقة انا اكتب هذة المعجزة نيابة عن اختى :-

حيث اختى لديها طفلين الاكبر منهم و هو ديفيد و كان مولود بحساسية على الصدر فإذا اصيب بلفحة برد كانت تبقى مصيبة لان كان بيقوم علية دور الحساسية كان بيزرق خالص و لا يستطيع التنفس لدرجة تشبة الموت لدرجة انهم ذهبوا بة عند طبيب أستشارى اطفال بمركز الحياة قال لهم اذهبوا بسرعة الى اقرب مركز يكون فية تنفس اصطناعى و جهاز شفط لحسن فى ظرف دقايق ابنكم هيروح منكم فى الحقيقة كلنا كنا بنصلى لربنا و الحمد للة ربنا نجدة و لكن تكرر الموقف اكثر من مرات لدرجة ان الطفل ديفيد مكنش بيخرج من البيت نهائى لكى لا
يبرد ولا حتى فى الصيف و لا يستطيع اكل الشيكولاتة كأى طفل و هكذا و لكن صلت اختى فى يوم الى شفيعنا البابا كيرلس و نامت و لقيت ديفيد بيصحيها فى صباح اليوم التالى و بيقول لها يا ماما انا شفت فى الحلم ( البابا كيرلس السادس ) مع العلم انة كان لدية 3 سنوات و كان يتكلم بالعافية يدوب كان حافظ كام كلمة كدا و لكن استطاع ان يقول البابا كيرلس السااااااااااادس و قالها انا حلمت بة جة لى انا و جدو جرجس و اعطانى كتاب ابيض

فى الحقيقة ان جدو جرجس دا كان عندو حساسية بردو و الحقيقة ان ربنا شفاهم الاتنين جدو جرجس و الطفل ديفيد

نشكر ربنا على اعتنائة بنا و محبتة لنا و نشكر الباب كيرلس السادس حبيبنا و حبيب الاطفال



كما انة فعل معى انا ايضا معجزة و انا طفلة كان عندى حوالى 7 سنين و كان والدى متوفى و امى هى التى قامت بتربيتى انا و اختى و قد اصيبت بألتهاب كبدى وبائى شديد جدااااااا لدرجة ان الدكتور قال لماما بنتك مش هتعيش كتيرررررر و طبعا دى كانت صدمة لأمى حيث فقدان الأب و كمان البنت و قالها دى متتحركش من على السرير نهاااااااااااااائى ولا حتى تروح الحمام و بالفعل كنت بالمرض لأكثر من 3 شهور و كانت امى يومياً تبكى و تصلى للة و ذات يوم احضرت امى لى كتاب البابا كيرلس و قالت لى انا هسيبك فى الغرفة و انت امسكى صورة البابا
كيرلس و عيطى وصلى فى الحقيقة انا مكنتش فاهمة قووووووووووووى و مش مدركة المهم انا صليت زى ما هى طلبت منى و رددت الكلام اللى هى قالتة لى اطلبة من البابا كيرلس و بعد كدا كان قدمنا صورة مارمينا العجايبى فجت ماما جلست جنبى و بصت لصورة و طلبت من مارمينا و قالت لة شفت حبيبك مش عاوز يعمل معانا حاجة و انا لوحدى و تعبت و مش قدرة على انى اشوف بنتى كدا و مش قدرة كمان على المصاريف اتصرفوا انتوا بقا الحقيقة ان ماما اول ما خلصت الكلمتين دول و كانت بتبكى شمينا كلنا رائحة بخور شديدة جدا لدرجة انى خفت جداااااااا و استخبيت فى ماما و كانت اختى جالسة فى
الصالة تتفرج على التلفزيون جاءت تجرى و تقول لماما اية الريحة دى يا ماما و كلنا كنا فى زهووووووووووول المهم امى فهمت ان ربنا اتصرف فاخدتنى و روحت للدكتور بلليل و كان الدكتور متعاطف معايا جداااااااااا و عرفنى فأول ما كشف على مصدقش و طلب من ماما انها تعمل لى تحاليل تانى و عملتها و اتضح انى شفيت تماما و الدكتور بنفسة فرح جدا و عمل تمجيد للبابا كيرلس

ليتمجد اسم الرب فى قديسية



منقول للامانة

المصدر: †† ارثوذكس †† - من قسم: معجزات القديسين والقديسات

[رفقة شحات]

بركه صلواته تكون معانا امين

[بنت الراهب الصامت]

جميله اوى اوى اوى
بركه صلاواته تكون معانا امين
ميرسى اوى
ربنا يباركك

[MRAMER]

معجزتين في منتهي الجمال
ربنا يعوض تعب محبتك
وبركة شفاعتهم لتكن معنا أمين