[emmmy]

إحساس صعب وصفة جدآ ...
أشعر بأنى غريبة حتى عن نفسى وحيدة مهما ألتف الناس حولى
رحلت عنى من كانت تشارك أحلامى ومن كانت تؤنس وحدتى
وتبقى لحظة الفراق قاسية وما أقسى مرارتها
وما أقسى الحنين بعد الفراق

وحشتينى ياأمــــــــــى

[emmmy]

فينك ياامه فينك من هم الدنيا أشكيلك
فينك ياامه وفين حضنك الدافى وفين قلبك الصافى
فينك ياامه وحشانى وحشنى صوتك ووحشنى سكوتك
فينك ياامه وفين نصايحك فين بساطتك وابتسامتك وبشاشتك
نفسى ياامه فى دعوه من دعواتك
نفسى ياامه فى نظره من نظراتك
ياعين جودى بالدموع واوعى تبخلى فى يوم...ولوبحور الكون جفت اوعى تجفى فى يوم

[emmmy]

يارب فى القلب بكـــــــاء لم يسمعة احد غيرك

وحــــدك يارب تعرف حجم الألـــــــم الذى بداخلى فأنزعة منــــى

[emmmy]

أمــــــــــى الحبيبة ...
لم أشعر ببعدك عنى كثيرآ فأنتى دائما نور أحلامى
ولاننا كلنا احياء وراقدين نشكل الكنيسة المجيدة (المجاهدة والمنتصرة)

[emmmy]

إمــــــــــــــى الحبيبة ...
لقد رحلتى عن عالمنا الفانى
ولكنك ستظلى فى عالمى أنا المحدود

[emmmy]

أفتكر لما كنت طفلة صغيرة عندها حوالى 10 سنين
كان فى ست غلبانة اوى ساكنة جنبنا أنا مكنتش بحبها
وكنت بخاف منها كانت عجوزة وشكلها وحش وبتزعق للعيال فى الشارع لما يلعبوا قدام البيت بتاعها او اللى المفروض انة بيت يعنى
كانت ماما تستنى لما بابا وإخواتى يناموا الظهر بعد الغدا والأقيها شايلة أكل وبتادينى أروح أودية للست الغلبانة مع مية ساقعة مكنتش برضى أقولها يوووة يا ماما أنا زهقت بقى .. تقولى دى رحمة ربنا هيكافئك عليها يا حبيبتى روحى وديهم عشان خاطرى وتعالى بسرعة وانا هستناكى عشان متخبطيش متقوليش لحد حاجة دة سر بينك وبين ماما ؛ لو مش عاوزة تروحى بلاش أنا هوديها بس هتخسرى حاجات حلوة بابا يسوع هيشلهالك فى السما
أقولها لأ خلاص هاتى أنا هوديهم . أروح وأرجع وأنا مبسوطة وهى كمان تشكرنى
بتشكرينى على إية ياإمى المفروض أنا اللى أشكرك

أد إية كنتى عظيمة ياإمى شريط ذكرياتك وتاريخك محفور فى قلبى
وحشتينى ياإمى وحشتينى أوى

[emmmy]

لما بنينا كنيسة فى بلدنا بإسم العدرا من كام سنة
كانت بتحتاج تنظيف من وقت للتانى وكنس وغسيل فرش المذبح والكوبايات والذى منة فكانت بتحتاج وقفة جامدة وخصوصآ ان مفيش خدام بتساعدنا
فكنت أنا بتعب من الموضوع دة جدآ بعملة وأقول اااااة
ماما كانت بتبقى فى قمة السعادة لما بتعملة ولما كنت أسألها انتى مبسوطة بالتعب يا ست ماما ؟؟ قولى لأبونا يبعت خدام تساعدنا ؛ تقولى انا مش تعبانة انا أخدت بركة مستهلهاش
دى العدرا دى حبيبتى ولا عمرى كلة يوفيها

يا بختك ياإمى حقيقى يا بختك
تستاهلى إحضان العدرا اللى انتى فيها دلوقتى

[emmmy]

فى مرة أحدى إخواتى كانت عندها مشكلة
وكانت مزعلة إمى جدآ ومخلياها دايمآ تعيط وتفكر فى بنتها وفى مشكلتها
ولما اتكلمنا كتير أنا وهى وفكرنا فى حلول للمشكلة ملقناش لدرجة اننا تعبنا من التفكير فعلآ ومن الكلام .. فى الأخر اتفقنا نصمت بقى ونصوم 3 أيام مع الصلوات عشان ربنا يتدخل ويتمجد وبعد ال 3 أيام بيومين إتحلت المشكلة فجأة بشكل عجيب وغريب لوحدها بسبب صومك وصلواتك يا إمى

وحشتنى صلواتك عنى ياإمى

[emmmy]

زمان كنا بنعمل مدارس الأحد والخدمة بكل مراحلها فى بيتنا
عشان مكنش عندنا كنيسة فى بلدنا وبرغم إن الامكانيات كانت محدودة جدآ والحياة بسيطة جدآ لكنها كانت أسعد أيام حياتى فيها ذكريات رائعة مدهشة
إمى كانت بتعتبر الخدام سفراء من السما كانت بتحبهم بشكل غير عادى وتكرمهم بشكل غير عادى وتحترمهم بشكل غير عادى
ولما كنت اتدلع وازعل من حد منهم كمخدومة كانت تقولى حد يزعل من بابا يسوع
ولما أسالها فين بابا يسوع دة ؟؟ تقولى الأنكل دة بابا يسوع اللى بعتة عشان يعلمنا كلامة وتعاليمة الحلوة يبقى اى حاجة بيقولها بابا يسوع هو اللى قالة عليها

وحشتنى بساطتك ونقائك وتعاليمك ياإمى
صوتك بيرن فى ودانى وقلبى وكل حياتى

[emmmy]

الأب يحب إبنة جدآ ولكنة حب ممزوج بالأنانية لأنة بيعتبر إن إبنة هيخلد إسمة
لكن محبة الإم أعظم وأعمق وأنقى وأصدق بكتير جدآ فهو حب وعطاء بلا مقابل
والرب يسوع عندما حاول ان يصف أقصى وأعظم درجات الحب قال :
"" إن نسيت " الإم "رضيعها فأنا لا انساكم ""