[nermos1982]

اطال يا سيادة القاضى فى المعجم الوجيز بمعنى اطالب
اما بقى بالنسبة للمتهم عماد فبما انه جاوب على الاسئلة فده يشفعله اننا ممكن نسمحله بوجود محامى بس يبقى يقابلنى لو حد اتطوع . ومنتظرين سماع بقية الشهود ومرافعة النيابة

[بنت الراعي]

الموضوع حلو اوووووووووووووووي يا هنا
بجد والمتهم طبعا موفقين جدا في اختياره
واصبر عليا بقي يا عماد افوق واحضرلك اسئله وانت عارف اختك اسئلتها ســـــــــــهــــــــــــ له وبسيــــــــــــــطــــــ ـــــــه

[بنت الراعي]

اخويا العزيز عماد نظرا لاسئله رافت ونيرمين الثقيله انا حضرتلك
كام سؤال علي ماقسم كده خفاف وحلوين
نبدا بقي
1_ الحب الاول يمثل ايه في حياتك؟
2_هل الحب الاول وهم ويقدر الانسان يحب تاني ويكمل عادي
ولا بيبقي حب العمر الاول والاخير ؟
3_هل ممكن تحب تاني ولا صعب ؟
4_لو كان اه تقدر هل ياتري تتمني يكون حبيبك الجديد شبه حبيبك القديم (مش قصدي الشكل طبعا) لو اه اه ليه ولو لا لا ليه ؟
5_ايه هي المواصفات اللي تتمناها في حبيبتك؟
6_ لا لا مفيش 6 كفايه كده دلوقتي ونلتقلي بعد اجابتك

[بنت الراهب الصامت]

الفكرة حلوة اوى ياهنا

[MRAMER]

بجد موضوع رائع جدا جدا
واللي مخليه رائع الطقم اللي ماسك الموضوع
وكمان المتهم الغلبان دا اللي بهدلتوه
بس أنا واثقة أنها أحلي بهدلة بالنسباله
ممكن تسمحلي أسألك شوية أسئلة بسيطة

1- لو مثلا أنت حبيت حب حقيقي بس ربنا مرضيش أنه يكمل ودخلت في قصة حب تانية وكان نتيجتها الزواج هل ممكن تفكر في الحبيب الأول ولا لأ؟
2- ولو فكرت في الحبيب الأول هو ممكن يكون خيانة لحبيبك الثاني ولا إيه؟
3-إيه أول شئ ممكن يكون جذبك في حبيبك ؟
4-لو كنت قبلت بنت يعني (لو مؤاخذة) شكلها مش قوي بس صفاتها جميله و مؤدبة هتفكر في الأرتباط بيها ولا الشكل عندك مهم علشان الناس متقولش عليك حاجة؟

علي العموم كفاية كدة النهاردة وأسيب لأخواتي فرصة علشان يسألوك
وأنا عارفة أن أسألتي تقيله يبقي كفاية كدة
وربنا يقدرك علي الموضوع دا

[MRAMER]

بس ياريت تجاوب علي أسألتي بسرعة
علشان أنا خلاص مسافرة بكرة ونفسي أقره الإجابات علي أسألتي قبل ما أسافر
بليييييييييييييييز

[عماد حسنى]

المشاركة الأصلية كتبت بواسطة بنت الراعي الموضوع حلو اوووووووووووووووي يا هنا بجد والمتهم طبعا موفقين جدا في اختياره واصبر عليا بقي يا عماد افوق واحضرلك اسئله وانت عارف اختك اسئلتها ســـــــــــهــــــــــــ له وبسيــــــــــــــطــــــ ـــــــه

حمدلله على السلامه يا ايمى بجد نورتى المنتدى واكيد موضوع هنا حلو لكن اللى مش حلو هو اختيار المتهم مش حلو خالص .. اما بخصوص اسألتك فطبعا انا اكتر واحد عارف اختى فى أسألتها السهله البسيطه ربنا يستر

المشاركة الأصلية كتبت بواسطة بنت الراعي اخويا العزيز عماد نظرا لاسئله رافت ونيرمين الثقيله انا حضرتلك كام سؤال علي ماقسم كده خفاف وحلوين نبدا بقي مين قال اسئله رافت ونرمين تقيله مين قال كده يا ايمى .. اسألتك طلعت اسهل اسئله لحد دلوقتى انا مبسوط جدا بدخولك المنتدى ومبسوط اكتر بدخولك الموضوع وهافرقع من الانبساط بأسألتك السهله جدااااااااااا جداااااااااا جدااااااااااا دى .. ماشى يا ايمى 1_ الحب الاول يمثل ايه في حياتك؟ الحب الاول يمثل ايه فى حياتى ؟ يمثل الانطباعات الاولى فى الرومانسيه . الانطباعات الاولى فى المشاعر !! يمثل الصدق .. يمثل ولاده اول أحساس احسه تجاه بنت ... يمثل نظريه شامله لكل حالات الحب .... 2_هل الحب الاول وهم ويقدر الانسان يحب تاني ويكمل عادي ولا بيبقي حب العمر الاول والاخير ؟ الحب الاول مش بيكون وهم مادام كان حب ناضج .. مش بيكون وهم مادام حب صادق .. اما نقطه انى اكمل تانى ولا يكون حب العمر؟؟؟ فمش هاقدر اقولك غير لما الاقي اللى يمحيه ؟؟ بمعنى انى عشت فعلاً قصه حبى الاول بكل مافيها من مشاعر وصدق وكل شىء تتخيليه وربنا كان له رأى تانى وكنا تحت مشيئه ربنا فى ارادتهُ وكل واحد راح لحاله خلاص .. وكل طرف شايل للطرف التانى كل محبه واحترام وتقدير ، ولكن عشان انسى الحب الاول يبقى لازم الاقى اللى ياخد مكانه او الاقوى وجربت وعشت لكن مش زى الحب الاول طبعا ...كان حب كداب او كان حاله مش عارف اوصفها لكنه ممحاش الحب الاول بالعكس ؟؟ 3_هل ممكن تحب تاني ولا صعب ؟ ممكن احب تانى !!! مش صعب انا انسان وعندى قلب وطبيعى هحتاج الحب بس مش هاحب غير لما اتأكد ان اللى احبه ده يستاهل ويعوض كل اللى فاااات 4_لو كان اه تقدر هل ياتري تتمني يكون حبيبك الجديد شبه حبيبك القديم (مش قصدي الشكل طبعا) لو اه اه ليه ولو لا لا ليه ؟ اه طبعاً اتمنى يكون حبيبى الجديد شبه حبيبى القديم فى بعض الحاجات طبعا اولهم الصدق والامانه الخوف التضحيه دا الشبه اللى اتمناه يجمع بين الاتنين !!! اما الشكل فصعب جدا جدا مش عايز تشابه اطلاقا برغم ان حبيبى القديم كانت شبه الملاك لانها فعلا انسانه ملاك وشايلها كل احترام وتقدير وبتمنالها كل خير فى حياتها طبعا 5_ايه هي المواصفات اللي تتمناها في حبيبتك؟ عادى يا ايمى مواصفات كل راجل بيتمناها فى شريكه حياته اولهم الاخلاص التضحيه اصل اللى حبتها زمان ماكنتش بتعمل حاجه عشانى غير انها تضحى (تعود بقى ) طبعا تكون طيبه حنينه اكون رقم 1 عندها بعد ربنا طبعا .. تكون عارفه طباعى وتقبلها...تعرف تخلينى احبها .. وتكون بتسمع كاظم ونجاه 6_ لا لا مفيش 6 كفايه كده دلوقتي ونلتقلي بعد اجابتك ليه مافيش 6 يا ايمى اسألتك كانت زى النسمه مش ممكن كأنك مادخلتيش وسألتى .. ماشى يا ايمى

نورتى الموضوع يا ايمى بجد
وأسألتك بجد متعبه لكنى ماقدر مش اجاوب على اغلى اخت ليا ولينا كلنا
نورتى الموضوع بامانه واسألى براحتك يا فندم فى اى وقت انا معاكوا يومين ومسااااافر

[zaza2006]

ميرسى يا هنا على الفكرة الجميلة وعرفتم فعلا تختارو عماد شخصية جميلة
اسئلتى بقى ليك هى


1- ايه درجة مسامحتك للانسانة اللى بتحبها لو غلطت فحقك؟
2- ايه السبب اللى ممكن تسيب حبيبتك عشانه؟
3- ايه اقوى ظرف ممكن يفرق بينك وبين اللى بتحبها؟
4- لو حبيت انسانة وتمنيت تكون هى شريكة حياتى بس اهلك اعترضوا على اختيارك هتعمل ايه؟

كفاية عليك كده هههههه

[حنين سنين]

المشاركة الأصلية كتبت بواسطة بنت الراعي الموضوع حلو اوووووووووووووووي يا هنا بجد والمتهم طبعا موفقين جدا في اختياره واصبر عليا بقي يا عماد افوق واحضرلك اسئله وانت عارف اختك اسئلتها ســـــــــــهــــــــــــ له وبسيــــــــــــــطــــــ ـــــــه

حبيبه قلبى منوره يا وحشه وحشتينى مووووووووت
منوره الموضوع

[كيرو رافت]

يتم حبس المتهم اربعه ايام على زمه التحقيق
ويراعى التجديد فى الميعاد
لحين الانتهاء من الاستماع الى الشهود

حبيبى يا عمده لازم اظبطك
انت حبيبى