[عماد حسنى]

المشاركة الأصلية كتبت بواسطة حنين سنين هنا صاحبه الموضوع .. اهلا اهلا بيكى وبعدين هو الموضوع والقاضى والمستشارين والاعضاء وانتى هتسألونى كده كتير ؟؟؟؟ انا عايز محامى يطلعنى من القضيه دى .. انا هاكون جدع وهاجوبك وبعدها انتى هاتطلعى اجدع وهاتتطوعى وتبقى المحامى بتاعى (بس بينى وبينك سر يعنى كلمتين كده للقاضى منك يخلصوا القضيه !!!عايز اخرج كفايه كده ) إذا كان عليك اتخاذ قرار في موضوع يهمك هل؟ تتخذ القرار بجدّية وسرعة. تؤجل اتخاذ القرار لفترة قصيرة لدراسة الموضوع جديّاً. تهمل الأمر ولا تبالي بتاتاً. بصى يا هنا من كتر ما الواحد شاف ماقدرش اقولك القرار بيجى ازاى .. طبعا بيكون فى جديه لكن بالنسبه للوقت دا بقى اللى بيحدده نوعيه الموضوع نفسه وبيكون عامل اساسى فى اتخاذ القرار ووقته كمان !! اوقات لازم الواحد ياخد قرارات سريعه وينفذها لان الموضوع لايحتمل تأجيل !!! واوقات بيكون القرار محتاج حكمه بعض شىء لخطوره ما يترتب عليه قرارك !!! ولازم يكون الواحد عارف النتايج مسبقا او متوقعها عشان مايندمش على اى قرار اخده ... لكن فى كل الحالات فى عوامل مساعده بتخلى الواحد ياخد القرار ؟؟ والعوامل دى بتكون ناتجه عن تصرفات من سأنتخذ معه القرار او ممكن يكون ضده القرار !!! يعنى اللى اقصده ان القرار بيكون نتيجه لردود افعال كتيييير ضدك او لصالحك وغالباً بتكون ضدك ، وبيجى الوقت اللى مش بيكون فيه حل غير القرار !!! بس على فكره انا عن نفسى كتير باخد قرارت متسرعه نتيجه غضبى وعصبيتى .. وكتير بندم على تاخير قرارت مهمه فى حياتى كان لازم اخدها من زمان !! ودفعت تمن تاخيرى دا - إذا تعرضت لموقف محرج من حبيبك تتألم وتغلق الغرفة عليك وكأن الدنيا قد انتهت. تتأثر جداً ولكنك تحاول تهوين الموقف عليك. ولا بتقدر تفصل مابين حياتك وحبك مشكله حياتى انى مش بعرف افصل ؟؟ لكن اللى يعيش ياما يشوف ويتعلم واللى مايتعلمش من اخطاءهُ يبقى حلال فيه اللى يجراله انا مش بعرف افصل لما بكون تعبان او اتعرضت لموقف محرج او متعب !! لكن بحاول اكون زى غيرى او على الاقل اكون طبيعى زى اى حد ..... ( النقطه دى بالذات لو اتخلصت منها حياتى هاتتغير 360 درجه) لو قولنا عايزين نتعرف على عماد الانسانالعادى اللى كل الناس بيتمنوا يبقوا اخوات ليه هتقول ايه فى كلمه واحده عماد انسان أقل من العادى شايف انك اتظلمت فى حياتك كام مره من غير مبالغه كتير ........ ظلم فى دراسه ! ظلم فى عمل ! ظلم الايام !!!!!! لكن فى 3مرات وكانوا فى منتهى منتهى الظلم والقسوه من الناس والدنيا وبحاول اسامحهم لكن عمرى ما هنسى ؟؟ كام مره ظلمت وندمت على ظلمك وتراجعت فيه ظلم بمعنى الظلم ماعتقدش اللى يدوق الظلم يدوقه لانسان غيره لكن للامانه مره واحده بس ظلمت انسانه ضحت كتير علشانى ضحت ومعرفتش اعملها حاجه وكان غصب عنى بس ظلمتها بقله حيلتى وعجزى وقتها ومعرفتش اتراجع لان مش باديا ظلمتها انا اللى اتظلمت قبل منها وهى اتحملت الظلم معايا وبسبب حبها ليا وتضحياتها كفايه يا عماد عليك كدا لحد ما نشوف الحكم هيبقى ايه عشان اجيبلك عيش وحلوه هههههههههههه انتى تخرجينى من الموضوع ده ولا المحكمه دى انتى بقيتى المحاميه بتاعتى لو ماخرجتنيش ماليش دعوه باللى هايحصل مع انى مش عارف ايه اللى هايحصل لكن انا عرفتك ولا محاميه وخلاص

شكرا جدا جدا يا هنا لاسألتك اللى فعلا تعبتنى ومش قادر اتكلم وانطق
شوفيلك حل انا وكلتك محاميه وربنا يسترها
هى خسرانه خسرانه عايز اشوف نتيجه بقى

[بنت الراعي]

اعتراااااااااااااض
سيادة القاضي هل من حق شاهد مثلي الاعتراض
بليز يا رافت بقي عايزه اعترض
طيب طيب يا ايمي اتفضلي اعترضي
شكرا سيادة القاضي
الاخت هنا صاحبة الموضوع تفضلت مشكوره بسؤال المتهم سؤال وهو رد عليه باجابه مش عجبتني الا وهي

لو قولنا عايزين نتعرف على عماد الانسانالعادى اللى كل الناس بيتمنوا يبقوا اخوات ليه
هتقول ايه فى كلمه واحده

عماد انسان أقل من العادى

اعتراضي بقي
ليه استاذ عماد شايف نفسك اقل من العادي رغم ان الجميع من خلال عشرتك عارفين انك انسان فوق العادي
انسان جميل روحك طيبه اخ كويس وشاعر موهوب ولك اراء حكيمه وكويسه
وعندك حاجات كتير ومقومات كتير في شخصيتك مش عند ناس كتير فهل ده يا فندم تواضع ؟؟!!
ولو مش كان تواضع وده فعلا اللي انت شايف نفسك بيه اسمحلي اقولك غلطاااااااااااااااااااااا ااااااااااااااااااااااان جدااااااااااااااااااااااا ااا
شكرا سياده القاضي وفي انتظار حكمك العادل واسمحلي احيي سيادتك علي حكم الحبس اربعة ايام برااااااااااااااافووووووو وووو

[بنت الراعي]

المشاركة الأصلية كتبت بواسطة عماد حسنى حمدلله على السلامه يا ايمى بجد نورتى المنتدى واكيد موضوع هنا حلو لكن اللى مش حلو هو اختيار المتهم مش حلو خالص .. اما بخصوص اسألتك فطبعا انا اكتر واحد عارف اختى فى أسألتها السهله البسيطه ربنا يستر نورتى الموضوع يا ايمى بجد وأسألتك بجد متعبه لكنى ماقدر مش اجاوب على اغلى اخت ليا ولينا كلنا نورتى الموضوع بامانه واسألى براحتك يا فندم فى اى وقت انا معاكوا يومين ومسااااافر

ميرسي يا عماد وطبعا بتقول ياريتها كانت اتاخرت شويه ومادخلتش دلوقتي كانت دخلت بعد المحاكمه ههههههه
اسئلتي متعبه كده برده يا عماد ربنا يسامحك اهئ اهئ اهئ
طيب صبرك عليا ان ماسالتك تاني لكن لو كنت قولت سهله وخفيفه كنت هاسالك تاني برده ههههههههههههههههه
بجد ردودك عجبتني جدا
ربنا يساعدك ويصبرك علي المحاكمه دي

[حنين سنين]

الصراحه عندك حق يا أيمي تعترضي وانا كمحاميه عن المتهم عماد حسني بتوكيل من الأمس فقط اتفق معاكس في الرأي ان عماد غلط ولازم القاضي يوقع اقصي عقوبه عليه هههههههههههه اي خدمه يا عمده بس انت أبعت الاتعاب بدري

[nermos1982]

العقوبة هاتتوقع عليه يا حضرة الدفاع وطلبك اتوافق عليه متقلقيش. الصراحة ونعم الدفاع هههههههههه
وبقية اسئلة الاتهام فى طريقها للنزول . ده عماد يا جماعة. هو احنا عندنا كام عماد يعنى؟

[zaza2006]

ميرسى يا عماد على اجابتك على الاسئلة
وحقيقى عماد نور المحكمة ويارب تاخد برأة

[emmmy]

ههههههههههه
عثل يا هنا وانتى اول ما تنزلى تنزلى
بتقلك كدة
بجد موضوع رائع وفكرتة جميلة اوى وطبعا عماد
عملاق الرومنسية وعندليب المنتدى

عمدا انا بصفتى واحدة من الشهود الحاضرين القضية ومتابعين الاحداث باهتمام
ممكن اسالك سؤال واحد بس
انت لما حبيت الحب الاول الحب الصادق الجميل كان بناءا على اية ؟؟
حبيتها والظروف كانت ضد الحب دة ومكملشى للاسف
هل يا ترى
انت مكنتش تعرف الظروف دى يا عماد مكانتشى واضحة اكتشفتها امتى وحسيت ان الحب مش قادر يقاوم تيار الظروف حبيتها وبعدين اكتشفت انكم مش مناسبين لبعض
مش المفروض الانسان يحكم عقلة وبعدين قلبة يا عماد

[عماد حسنى]

المشاركة الأصلية كتبت بواسطة بنت الراعي اعتراااااااااااااض سيادة القاضي هل من حق شاهد مثلي الاعتراض بليز يا رافت بقي عايزه اعترض طيب طيب يا ايمي اتفضلي اعترضي شكرا سيادة القاضي الاخت هنا صاحبة الموضوع تفضلت مشكوره بسؤال المتهم سؤال وهو رد عليه باجابه مش عجبتني الا وهي لو قولنا عايزين نتعرف على عماد الانسانالعادى اللى كل الناس بيتمنوا يبقوا اخوات ليه هتقول ايه فى كلمه واحده عماد انسان أقل من العادى اعتراضي بقي ليه استاذ عماد شايف نفسك اقل من العادي رغم ان الجميع من خلال عشرتك عارفين انك انسان فوق العادي انسان جميل روحك طيبه اخ كويس وشاعر موهوب ولك اراء حكيمه وكويسه وعندك حاجات كتير ومقومات كتير في شخصيتك مش عند ناس كتير فهل ده يا فندم تواضع ؟؟!! ولو مش كان تواضع وده فعلا اللي انت شايف نفسك بيه اسمحلي اقولك غلطاااااااااااااااااااااا ااااااااااااااااااااااان جدااااااااااااااااااااااا ااا شكرا سياده القاضي وفي انتظار حكمك العادل واسمحلي احيي سيادتك علي حكم الحبس اربعة ايام برااااااااااااااافووووووو وووو

طبعا ليكى كل الحق تعترضى يا ايمى على اى اجابه مش تعجبك
وبعدين القاضى بتاعك يوم ما ربنا يقدره ويدخل ماعندوش غير انه يجدد الحبس ويخرج .. طبعا هو خسران ايه يعنى من غير اعتراض محبوس محبوس !!
وطبعا انتى مش محتاجه انى اشكرك على كلامك الكبير اوى عليا ده .. لانك اختى بجد وانتى عارفه كده .. ولكن انا بجاوب بمنتهى الامانه ومن غير اى تواضع ... بجد نورتى الموضوع

المشاركة الأصلية كتبت بواسطة بنت الراعي ميرسي يا عماد وطبعا بتقول ياريتها كانت اتاخرت شويه ومادخلتش دلوقتي كانت دخلت بعد المحاكمه ههههههه اسئلتي متعبه كده برده يا عماد ربنا يسامحك اهئ اهئ اهئ طيب صبرك عليا ان ماسالتك تاني لكن لو كنت قولت سهله وخفيفه كنت هاسالك تاني برده ههههههههههههههههه بجد ردودك عجبتني جدا ربنا يساعدك ويصبرك علي المحاكمه دي

احلى حاجه فى الموضوع ده ان لاقينا ايمى شاركت فيه
داحنا اللى لازم نشكرك .. وطبعا اسألتك صعبه ؟؟ أكدب يعنى ايوه صعبه .. بس جاوبت عشان ماقدرش ما اجاوبش واى حاجه عايزه تسألى فيها اسألى بس ان كان فيا نفس ولسه عايش
انا طبعا بحب اسألتك ومناقشتك جدا يا ايمى

المشاركة الأصلية كتبت بواسطة حنين سنين الصراحه عندك حق يا أيمي تعترضي وانا كمحاميه عن المتهم عماد حسني بتوكيل من الأمس فقط اتفق معاكى في الرأي ان عماد غلط ولازم القاضي يوقع اقصي عقوبه عليه هههههههههههه اي خدمه يا عمده بس انت أبعت الاتعاب بدري

بقى كده يا هنا .. انتى محاميه انتى انا غلطت فعلا لما وكلتك محاميه . بدال ما تخرجينى تتفقى عليا وعايزه توقعى عليا اقصى عقوبه مش مكفيكى البيه القاضى بتاعنا كل شويه تجديد الحبس كل شويه حبس حبس زى ما يكون بيعزمنى على شاى !!!

[عماد حسنى]

المشاركة الأصلية كتبت بواسطة nermos1982 العقوبة هاتتوقع عليه يا حضرة الدفاع وطلبك اتوافق عليه متقلقيش. الصراحة ونعم الدفاع هههههههههه وبقية اسئلة الاتهام فى طريقها للنزول . ده عماد يا جماعة. هو احنا عندنا كام عماد يعنى؟

طبعا زفه وحضرتك ماشيه فيها شايفه يا استاذه هنا شمتى المستشاره فيا ازاى .. ماشى يا نرمين ليكى ايام سوده معايا بس تقعى تحت ايديى عدتلك مره قبل كده وانتى فاكراها اقول ولا بلاش .. الطيب احسن بس خلى بالك المره الجايه بقى .. ال العقوبه هاتتوقع وطلبك اتوافق عليا يا مفتريين يا ظالمه

المشاركة الأصلية كتبت بواسطة zaza2006 ميرسى يا عماد على اجابتك على الاسئلة وحقيقى عماد نور المحكمة ويارب تاخد برأة

ربنا يخليكى يا نهى
ربنا يسمع منك واخد برأءه
بس طول ما القاضى رافت والمستشاره نرمين
وطبعا كملت بالمحاميه عنى الاستاذه هنا
يبقى اعدام مش برأءه ؟؟
ابقى سلميلى على الزفه نرمين
وانتى اللى نورتى المحكمه صدقينى

[عماد حسنى]

جارى الرد على كبرياء الصمت وemmmy