تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



الضحك والفرفشة كل جديد من نكت والافشات

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


الجـ،،،واز فى مصـ،،،ـر.::

مصر الفرعونيه - بابا انا عايز اتجوز اختى حت حور - خلاص يا ابنى خليها تنقل حاجتها فى قوضتك .. وابقى هاتلها حجرين صوان هدية .. مبروك يا تاح

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية minabobos
minabobos
ارثوذكسي ذهبي
minabobos غير متواجد حالياً
 
رقم العضوية : 2197
تاريخ التسجيل : Sep 2007
مكان الإقامة : فـــ قلب بابا يسوع ـــــ
عدد المشاركات : 9,794
عدد النقاط : 21
قوة التقييم : minabobos is on a distinguished road
الجـ،،،واز فى مصـ،،،ـر.::

كُتب : [ 09-20-2007 - 01:50 PM ]


مصر الفرعونيه
- بابا انا عايز اتجوز اختى حت حور
- خلاص يا ابنى خليها تنقل حاجتها فى قوضتك .. وابقى هاتلها حجرين
صوان هدية .. مبروك يا تاح



............ ......... .....



مصر فى عصر الرومان
- تتجوزينى يا افروديت
- اتجوزك يا بانسيلوس
- يللا بينا نبنى كوخ ع البحر ونعيش هناك
- يللا



............ ......... .......



مصر بعد الفتح الاسلامى
- ولدى خالد يا شيخ احمد بيريد يتجوز ابنتك البكر الكريمة .. وبيبنى
خيمة .. ويقدم مهر بعير
- والله خالد ولدك زين الرجال .. وايش اتمنى غير رجل صالح يكون زوج
لبنتى .. وكما قال رسول الله صلى الله عليه وسلم " ان جاءكم من ترضون
دينه وخلقه فزوجوه " .... دقوا الطبول و قيموا الافراح



............ ......... ......



مصر 1919
- انت ح تتجوز بنت الحاج عبد الجليل .. انا كلمته خلاص ووافق .. وضب
قوضتك وهات خلخال .. فرحك يوم الخميس اللى جاى
- طب مش اشوفها الاول يا با
- انت اتجننت يا ولد تشوفها ده ايه .. انت ح تتجوز والا تخبص
- حاضر يا با



............ ......... ........



مصر 1960



- بقى يا ستى بنتك آمال جالها عريس
- ياألف نهار ابيض يا ألف نهار مبروك
- جدع طيب وابن حلال موظف فى الحقانية .. وماهيته مش بطالة .. اهو
يبنوا حياتهم سوا بعد الجواز.. والا ايه رأيك يا أم العروسة؟
- الرأى رأيك يا أبو العروسة .. والله العيال ح يعجزونا يا ابو محمد
- فشر .. تدبل الوردة وريحتها فيها يا نرجوستى



............ ......... .........



مصر فى عصر الانفتاح
- اخرسى يا بنت ... انا اللى يتجوز بنتى لازم يكون عنده شقة تمليك
وعربية وسوبر ماركو
- بس يا ماما
- ما فيش بس .. انا وابوكى قبل ما يموت فى الحرب كانت بتعدى علينا
ايام ما بنلاقيش ناكل .. انا يا بنتى مش عايزاكى تتعذبى زى ما احنا
اتعذبنا .. انتى ح تتجوزى فتحى ابن خالتك
- بس انا مش بحبه يا ماما
- الحب ما بيأكلش تونة فى الزمن ده يا فالحة
- امرك يا ماما



............ ......... ...



مصر 2006



المشهد الاول



نهار خارجى ... احد الكافيتريات المغلقة ... موسيقى هادئة تملا المكان

حسن : يا حبيبتى انا مرتبى 250 جنية بعد الضرايب والمستنقعات .. وبعد
الشغل بحاول اعمل اى مصلحة يعنى باصفى فى الشهر حوالى 400 450
... وما عنديش شقة ومش محوش ولا مليم .... اهلك عمرهم ما ح يوافقوا
بيه

احلام : ياحسن يا حبيبى بابا وماما متفاهمين جدا ... وما يهمهمش غير
سعادتى ... الفلوس دى آخر حاجة ممكن يتكلموا فيها

حسن : انتى شايفة كده ... ماشى .... حددى لى ميعاد مع باباكى الجمعة
الجاية الساعة 6
............ ......... ......... ......... ..



المشهد الثانى

فى منزل احلام ... منزل قديم .... فرش متواضع جدا .. يجلس الاب
الذى يبلغ من العمر الثالثة والستين .... وبجواره العم 55 عاما ...
والخال 56

الخال : منورنا والله يا استاذ حسن
حسن : ده نورك يا عمى
الاب : فين الشاى يا ام احلام
ام احلام من بعيد : جاية اهه يا ابو احلام

الاب : ها يا ابنى .. ح تدفع كام وتشيل
حسن : اللى تأمر بيه يا عمى
الاب : الامر لله يا ابنى .. احنا مش طالبين كتير .. شقة تمليك فى اى
حتة تكون نضيفة .. ومهر 25 الف جنية يا دوب ده احنا ح نحط ادهم مرتين
علشان نجيب العفش وانت ح تجيب الاجهزة والسجاد وحاجة المطبخ والستاير
والذى منه .. وح تجيب شبكة بزيهم .. طبعا انت عارف ان الدهب غلى يعنى
مش ح يجيبوا حاجة بس انت وذوقك بقى .. مش كده والا ايه يا ام احلام
ام احلام : آه يا أخويا دى عفاف بنت خالتها خطيبها جايبلها شبكة
بخمسين الف جنية .. ده غير الاجهزة الحديثة اللى جايبهالها معاه وهو
جاى من السفر
الاب : اما الفرح فى قاعة صغيرة بس طبعا لازم تساع الحبايب واحنا
حبايبنا كتير .. والقايمة والمؤخر طبعا انت سيد العارفين .. وفى الاول
والآخريا ابنى .. احنا بنشترى رجالة
حسن : بس يا عمى انا ممعاييش المبالغ اللى حضرتك بتتكلم فيها دى
الاب : اللى ممعهوش مايلزموش يا ابنى .. واحنا فى الاول والآخر بنأمن
لبنتنا حياة سعيدة .. امال عايز تاخدها رخيصة والا ايه؟
حسن : يا عمى لو بنتك رخيصة ما كنتش خبطت على بابكم .. وسكك الغلط فى
الزمن ده سهلة .. واكتر م الهم ع القلب .. وبعدين احنا ممكن نلم الدور
.. وحضرتك عارف ظروف الحياة اللى بنعيشها .. وانت لسه قايل بعضمة
لسانك ان كل حاجة غليت .. والظاهر ان الانسان بس هو اللى عمال بيرخص
الاب : قصدك ايه؟
حسن : قصدى يعنى دبلتين .. وشقة قانون جديد على قد الحال .. ومهر ربع
جنية .. واجيب انا عفش بيتى على قد فلوسى .. وفرح بسيط مش بهرجة ورقص
ومسخرة .. ده احنا بنبتدى مع بعض علاقة نضيفة .. اجيب كمبيوتر اجيب
تليفزيون .. اجيب تلاجة صغيرة والا كبيرة .. فى الاول والآخر احنا
اللى ح نستعملها .. ولو باظت اكيد انا برضه اللى ح اجيب غيرها مش ح
آجى واقولك هاتلى .. وحضرتك ممكن تاخد رايها على الكلام ده
الاب : انت جاى تشتمنى والا ايه ؟ .. احنا ما عندناش بنات تمشى كلامها
على ابوها .. الظاهر انك جيت البيت ده غلط

حسن : لا ياحج انا طبعا ما جتش غلط .. بس ممكن اكون عايش فى زمن غلط
.. مع ناس مش عايشة فيه .. وبعدين هو مش حضرتك مصرى برضه .. ومسلم
طبعا ؟ .. يبقى انا ما جتش غلط .. انت اللى قاعد غلط وبتتكلم غلط فى
غلط
الاب : احترم نفسك يا ولد
حسن : بلا احترم نفسى بلا نيلة بقى .. احترموا انتوا ظروفنا اللى
انتوا حطتونا فيها .. احترموا انتوا دينكم اللى بتعتقدوه وبتعلموهولنا
.. احترموا انتوا عقولنا بكلامكم اللى مالوش اى علاقة لا بالعقل ولا
بالواقع
الاب : اطلع برة .. ده انا عمرى ما ح اجوزهالك حتى ولو على جثتى
حسن : حتى دى كمان غلط .. ولا تمت للحقيقة بصله .. والحدق يفهم ..
سلامو عليكو
............ ......... ..
يخرج حسن من منزل احلام .. يسب ويلعن ويضرب الارض بقدميه .. بعد قليل
يدق جرس هاتفه المحمول
حسن : ايوة
احلام : ايه يا حسن اللى انت هببته مع بابا ده
حسن : باباااااااااااا .. انا ماشفتش بابا يا طنط .. انا شفت نخاس
بيبيع جارية فى سوق العبيد .. شفت جزار بيبيع معزة للى يدفع اكتر
احلام : ايه يا حسن الكلام ده انت بتغلط فيه .. طب وانا ذنبى ايه ..
انا مش عايزة فلوس ولا دهب ولا حتى غسالة عادية .. هاتلى طشت ياحسن ..
هاتلى قلة .. مش عايزة غير عشة وانسان احبه ويخاف علية واخاف عليه ..
واظن ده من حقى انا مش مراهقة ولا طفلة .. انا عندى اربعة وعشرين سنة
...يعنى اقدر اتحمل مسؤلية قرارى .. واختار الانسان اللى ح يعيش معايا
حياتى كلها تحت سقف واحد ... اهىء اهىء اهىء
حسن : خلاص بقى بطلى عياط حقك علية .. معلش انا كمان زعلان من اللى
حصل واعصابى مشدودة
احلام : طب وح نعمل ايه دلوقت
حسن : العمل عمل ربنا اللى مايرضيهوش اللى بيحصل ده .. ده حتى حرام
وظلم وافترا
احلام : طب ايه رايك يا حسن .. لو اسم نفسى كده وكده .. وتيجى تنقذنى
ونتجوز
حسن : لا اااااااا .. انا فى عرضك .. الا ما الحقش انقذك وتروحى فيها
.. وبعدين كده تبقى روميو وجولييت .. وانا ما ينفعش انهى القصة عليها
.. ستين واحد ح يخش يقولى يا حرامى ... دى نهاية مفقوسة وقديمة حتى
اسأل جدو شكسبير
احلام : طب ح نعمل ايه يا حسن ؟
حسن : العبى فى دماغ ست الكل مامتك وهيا تظبطلنا الموضوع
أحلام : مش عارفة اكلمها ازاى
حسن : طبعا يسمعها كلمتين حلويييين علشان تتشجع



أحلام : ماما ست الكل انتى من حق محكتيليش حكايتك مع بابا اتعرفتوا
ازاى
ام أحلام : والله انا قابلتة فى اتوبيس وكان هو الكمسري واخد من فلوس
التذكرة ولما ضحكتلة ادانى الدفتر كله
وبعدين اعرف عليا وجة خطبنى
أحلام : طب يا ماما وهو كان جاهز
أم احلام : ولا كان جاهز ولا كان منيل
اللى فاكراة انه كان محلتوش اللضا
أحلام : طب متخلصيلى الموضوع دة يا ماما
كلمية
دلعية
ظبطى الراجل يا فاطمة يا ست الكل خليكى تخلصوا منى وتستريحوا



بس كدة
ولا يدوق الاكل ولا الشرب ولا هدمة تتغسل ولا فى اى حاجة فى الدنيا
والليله دى سودة على دماغة لحد لما اشوفك فى بيت العدل

الجـ،،،واز مصـ،،،ـر.:: scenic.gif




رد مع إقتباس
Sponsored Links
بياناتي
 رقم المشاركة : ( 2 )
Team Work®
ارثوذكسي ذهبي
رقم العضوية : 2
تاريخ التسجيل : Oct 2008
مكان الإقامة :
عدد المشاركات : 15,720
عدد النقاط : 34

Team Work® غير متواجد حالياً

افتراضي

كُتب : [ 09-21-2007 - 04:21 PM ]


ههههههههههههههههههههههههه ههههههههه

ربنا مايورينا


رد مع إقتباس
بياناتي
 رقم المشاركة : ( 3 )
nrmo
ارثوذكسي برونزى
رقم العضوية : 655
تاريخ التسجيل : Jun 2007
مكان الإقامة :
عدد المشاركات : 3,151
عدد النقاط : 10

nrmo غير متواجد حالياً

افتراضي

كُتب : [ 09-21-2007 - 07:17 PM ]


ههههههههههههههههههههههه
موضوع تحفه
ههههههههه


رد مع إقتباس
بياناتي
 رقم المشاركة : ( 4 )
minabobos
ارثوذكسي ذهبي
رقم العضوية : 2197
تاريخ التسجيل : Sep 2007
مكان الإقامة : فـــ قلب بابا يسوع ـــــ
عدد المشاركات : 9,794
عدد النقاط : 21

minabobos غير متواجد حالياً

افتراضي

كُتب : [ 01-06-2008 - 11:42 AM ]


شكرا ليكم
يا هيما يا نرمو
ع مروركم الجميل بالموضوع
ربنا يفرح قلوبكم


رد مع إقتباس
بياناتي
 رقم المشاركة : ( 5 )
bolalover
ارثوذكسي ذهبي
رقم العضوية : 2267
تاريخ التسجيل : Sep 2007
مكان الإقامة : الزقازيق
عدد المشاركات : 6,510
عدد النقاط : 12

bolalover غير متواجد حالياً

افتراضي

كُتب : [ 01-06-2008 - 02:03 PM ]


ههههههههههههههههههههههههه ههههههه
طيب يا مينا تسمحلي اكمل انا المشهد التالت من دماغي (( شكرا علي نوفقتك )) هههههه
المشهد الثالث
احلام و حسن طبعا اجوزوا بعد زن الست فاطمه علي دماغ ابوا احلام و العيشة السودا الي عيشتوه فيها و عايشين دلوقتي في شقة قانون جديد و الدنيا حلوة خالص معاهم .....
حسن : فين الشراب بتاعي يا احلام
احلام : و انا ايه الي عرفني هتلقيه مرمي عندك تحت السرير
حسن : يعني ايه مش غسلتيه ولا ايه انا معنديش غيره اروح الشغل انا بايه دلوقتي يا هانم
احلام : و انا مال اهلي انت هتوجع دماغي ليه ما تروح بالشبشب الزنوبه الجديد اهو شكله حلو و ينفع برده
حسن : شبشب زنوبه يا احلام انتي هتجنينيني يا وليه انتي
احلام : بص انا مش فيقالك عيالك مطلعين عيني من الصبح و مش راضين يبطلوا عياط
حسن : و انتي كان حد قلك تجيبي 3 عيال في بطن وحدة يا مفتريه
احلام : ما ماما قلتلي العيال عزوة ولازم اربط الراجل بالعيال فانا قلت بدل ما اجيب واحد و ابقا اجيب التاني بعدين قلت اجيبهم مرة واحده
حسن : الله يخرب بيت امك علي بيتك فين القميص يا منيلة علي عينك
احلام : بص بقا انا معتش طيقة العيشة دي انت عمال تبهدل فيا و انا طفحانا الكوته و شغالة و بربي عيالك و انت مش مقدرني خالص
حسن : اتوكسي علي عينك جيبالي 3 يا مفترية و تقولي عيالي انا مليش غير عيل واحد فيهم و الباقي معرفوش
احلام : طيب اسكت انكتم انا مش نقصة صداع علي الصبح
حسن : انا هغور من وشك و نازل رايح الشغل
احلام : سيب 50 جنيه علي التربيظه علشان رايحة للكوافير انهارده علشان فرح توحه بنت عمتي
حسن : 50 جنيه منين يا هانم و كوافير انتي مجنونة يا بت انتي هو احنا لقين ناكل لما تقوليلي 50 جنيه اعمليه امليت في الخلاط الجديد عندك (( الوليه اتخبلت في عقلها ))
احلام : مليش دعوة انا لازم اروح للكوافير و هتسيب الــ 50 جنيه يا حسن
حسن : و انا مش معايا فلوس يا احلام و لو معايا مش مديكي .... كوافير يا مجنونة و انا مش بقالي سنتين مش عارف اشتري جزمة جديدة
احلام : ايه العيشة دي اوووووف ولا بوتجاز ولا تلاجه ولا غسالة احنا عايشين زي الحيوانات
حسن : مش عجبك العيشة يا هانم يلي كنتي بتقولي ((باسلوب تريقة )) مش عايزة غسالة و نقضيها بطشت و لا ذهب ولا فلوس عايزاك انت تحت سقف واحد
احلام : كانت جوازة منيلة بنيلة كان يوم اسود يوم ما اتجوزتك عيشتني في فقر و عيشة تقرف ما كنت اجوزت زي بنت خلتي واحد غني
حسن : بقا كده يا احلام انتي الي بتقولي الكلام ده
احلام : انا زهقت يا شيخ عيشة تقرف
حسن : لخصي يا احلام عايزة ايه من الاخر
احلام : طلقني يا حسن
حسن : بقا كده يا احلام
احلام : اه هو كده و انا هاخد العيال اربيهم و ملكش دعوة بيا تاني
حسن : طيب ماشي هطلقك بس تسيبي العيل بتاعي و تاخدي الاتنين التانين
احلام : طيب ما تيلا يا خويا طلقني ولا انت لسان علي الفاضي
(( حسن سمع كده اتجنن و اتنرفز و خلاص .....))
حسن : انتي طالق يا احلام طالق طالق طالق .............. (( بكل برود )) ابقي سيبي الواد العسلي السمبتيك المقطقط و خدي الاتنين التانين
احلام : يا لهووووووووووووووووووي مكنش يومك يا احلام يا بنت فاطمه يا لهووووووووووووووووي
(( هي دي اخرت الجواز ))
تجوزا بقا ولا بلاش منها احسن
ههههههههههههههههههههههههه هههههههههههههه

رد مع إقتباس
بياناتي
 رقم المشاركة : ( 6 )
kamer14
ارثوذكسي ذهبي
رقم العضوية : 4944
تاريخ التسجيل : Nov 2007
مكان الإقامة : alexandria
عدد المشاركات : 20,390
عدد النقاط : 19

kamer14 غير متواجد حالياً

افتراضي

كُتب : [ 01-06-2008 - 02:17 PM ]


هههههههههههههههههههه موضوع تحفه بجد وقصه بولا جميله خالص


رد مع إقتباس
بياناتي
 رقم المشاركة : ( 7 )
bolalover
ارثوذكسي ذهبي
رقم العضوية : 2267
تاريخ التسجيل : Sep 2007
مكان الإقامة : الزقازيق
عدد المشاركات : 6,510
عدد النقاط : 12

bolalover غير متواجد حالياً

افتراضي

كُتب : [ 01-06-2008 - 02:29 PM ]


هههههههههههههههه البركة في مينا بقا هو الي عامل شغل و بالاخص الفرعونية و الرومانية جااااامدة موت
شكرا ليك كتير يا مينا علي الموضوع الجامد ده


رد مع إقتباس
بياناتي
 رقم المشاركة : ( 8 )
اس اسامة عوض
ويكاااااااا
رقم العضوية : 9322
تاريخ التسجيل : Dec 2007
مكان الإقامة :
عدد المشاركات : 1,896
عدد النقاط : 10

اس اسامة عوض غير متواجد حالياً

افتراضي

كُتب : [ 01-06-2008 - 03:48 PM ]


جميلة جدا واتمنى المزيد لان فعلا دى الحياة اللى احنا عايشنها من غلاء المعيشة


رد مع إقتباس
بياناتي
 رقم المشاركة : ( 9 )
ghada2000
ارثوذكسي صانع
رقم العضوية : 6752
تاريخ التسجيل : Nov 2007
مكان الإقامة :
عدد المشاركات : 563
عدد النقاط : 10

ghada2000 غير متواجد حالياً

افتراضي

كُتب : [ 01-06-2008 - 04:08 PM ]


hhhhhhhhhhhhhhhhhhhh
mawdo3 gamel awy
rabna ybark 7yatko

رد مع إقتباس
بياناتي
 رقم المشاركة : ( 10 )
berlla
ارثوذكسي متقدم
رقم العضوية : 1986
تاريخ التسجيل : Sep 2007
مكان الإقامة :
عدد المشاركات : 221
عدد النقاط : 10

berlla غير متواجد حالياً

افتراضي

كُتب : [ 01-08-2008 - 09:48 PM ]


ba2y el kesa bta3 bola de to7fa edet ro7 lel kesa kolaha bgd 7elwa awy


رد مع إقتباس

اضافة رد

مواقع النشر (المفضلة)

الكلمات الدلالية (Tags)
., ...., ......, ........, ........., بحبه, بابا, بيحصل, حياة, اشوفك, ابوها, احترم, اعرف, اعمل, الشغل, الدنيا, البحر, الحب, الحياة, الارض, الاجهزة, الامر, الانسان, الذى, العمر, الساعة, المحمول, الموضوع, المكان, اللى, الفلوس, ايام, خلاص, ربنا, رايك, جديد, عريس, عمرى, تكون, صغيرة, size, مبروك, موسيقى, لازم, نفسى, نفسك, هناك, واحد, وانا, فيها

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 08:01 AM.