[أملى فيك يا يسوع]

انا سمعت يا جماعه ان فى مدرسه على النت اسمها مدرسة المسيح منظماها قصر الدوباره بمصر بس ما رضيتش أشترك فيها غير لما أعرف منكم هى ممكن تعاليمها تأثر علىّ كبنت أرثوذكسيه؟
ياريت اللى سمع عنها يرشدنى قبل ما أشترك فيها
ربنا يبارك خدمتكم

المصدر: †† ارثوذكس †† - من قسم: سؤال وجواب

[aymonded]

بصراحة لم اسمع عنها على الإطلاق وأول مرة أسمع منك
وعلى ما سمعت أن القس سامح موريس شخصية متزنة جداً ولا يتدخل في أي مشاكل عقائدية إطلاقاً
وبالطبع ممكن نستفيد من كل مكان مع تأصلنا في المحبة والإيمان والمعرفة الكنسية في عمقها اللاهوتي والآبائي
وعموما في مواقع جميلة جداً ممكن تفيدك مثل موقع مركز دراسات الآباء بالقاهرة
ومش عارف حقيقي حاجة عن المدرسة دية ومش ها اقدر أحكم بالطبع
بس ياريت لو معاكِ اللنك تبعتيه في رساله خاصة
أقبلي مني كل تقدير يا محبوبة ربنا يسوع والقديسين

[emill]

لا بأمانة مسمعت عنها بصى هيا لو كانت كويسة ابقى قوليلى

[miro_rook]

هو في برنامج اسمه مدرسه المسيح علي sat7
بس نش اعرف هل في علاقه بينهم ولا لا بس اي حاجه خاص با اخواتنا لانجلين بيكون فيها حاجات تمس العقيده الارثوذكسيه
واسمحلي انا ليا راي بالنسبه للكناءس الغير ارثوذكسيه
ادور جو كنستي لو مفيهاش اللي انا محتاجه ساعتها ادور بره
وبجد برفو عليك انك بتسال قبل دخولك في اي حاجه ممكن تخلف ايمانك
ربنا يباركك وصلي لاجلي

[برق السماء2]

انا حضرت حلقات كتيرة جدا فى البرنامج ده ولاقيته فعلا رائع جدا ومش بيمس العقيدة الارثوذكسية اطلاقا فلو كنتى تقصدى البرنامج ده هو فعلا رائع وانتى تقدرى تتفرجى عليه وتحكمى بنفسك

[bassem8800370]

معرفس المدرسه اللى انت بتقول عليها ديه؟؟؟ظ

[milad fouad]

سلام ونعمة ..
اذا كنت تقصد مدرسة المسيح اللي منظماها كنيسة قصر الدوبارة الإنجيلية واللي بيدرسها القس سامح موريس فهي بأمانة أكثر من رائعة ولا تمس عقيدتنا الأرثوذكسية من قريب أو بعيد وأنا شخصياً استفدت منها كتير قوي وأتمنى أن كل مسيحي أياً كانت طائفته أن يشاهد هذه الحلقات لأنها ببساطة تجعلنا نعيش تعاليم الكتاب المقدس الأصيلة وتنزع من عقولنا كل الشوائب التي تراكمت عبر السنين نتيجة تعايشنا مع أهل العالم في مجتمع غير مسيحي .

[minoprince]

المدرسة دى يا أخوانى جميلة جدا واللى اجمل انتم و ردودكم وانا طابعا أورثوذكسى بس اللى اتعلمته فى الكنيسة عندى مش زى اللى اتعلمتة من المدرسة دى دى فتحت مخى جدا على حاجات كتير ماكنتش اعرفها واستفدت منها جدا اتمنى ان كل واحد فينا يعرف المسيح بجد من كل قلبه

[elphilasouf]

طيب المدرسه دي بتدرسوا فيها ايه ؟
وايه الى فيها مش موجود في الكنيسه الارثوذكسيه
ولا يعني أحنا لازم تعجبنا التفاحة الى في بوق الأسد

مع فائق أحترامي للأخوه الى شيفين أن المدرسه دي -رغم أنها انجيليه- هي مدرسه نافعه ومفيده ... يمكن ده رأي شخصي لكن أعتقد أن رأي الكنيسه الارثوذكسيه هيكون غير كده ...

[عائد]

هى مدرسة بمعنى الكلمة
ياريت الكل يتابعها صدقونى بتساعد كتير على فهم كلمة الله
الرب يبارككم