[موني]

استكمال للي حصل معايا في نفس امتحان التشريح اللي كنت قلتة في (اني اري الرب في كل حين.2 ) .
بعد امتحان النظري كان عندي امتحان شفوي و كان الكتاب الاول بصراحة ما لحقتش اراجعة طبعا لانة كان يوم و نصف ع الكتابين.
المهم ليلة الامتحان كل ما كنت اذاكر الكتاب الثاني كانت تمللي تقع منة ورقة كل ما اجي اقراها اجدها عضلة اسمها masseter .
اروح اكل و ارجع اذاكر تقوم تقع نفس الورقة دى لدرجة اني ذاكرتها كويس قوي علي انها ممكن تيجي ف النظري بس ما جاتش ف النظري .
المهم علي باب المشرحة كان في شوية بنات بيراجعوا ف الكتاب الاول اللي انا ما لاحقتش اراجعوا ف المهم و قفت اسمع هم بيراجعوا بيقولوا اية و الكلام دخل ف دماغي لاني كنت مذكراة قبل كدة.
المهم الدكتور اللي انا امتحنت عندة الترم اللي فات كان طيب و درجاتة حلوة بس فرق معايا اسم واحد بس و لاقيت اسمي عند دكتورة ما حدش امتحن عندها قبل كدة .بصراحة مش قادرة اوصفلكم الحزن و الكابة اللي امتلكوني لما دخلت عندها.
المهم جاء الدور عليا و قعدت قدامها و رحت نديت علي الانبا بيشوي و قلتلة انجدني يا انبا بيشوي يرضيك كدة اعمل معجزة يا رب.
تخيلوا الاقي الدكتورةبتسالني ف الكتاب الاول ف الحاجات اللي انا لسة مراجعاها علي باب المشرحة و الاقي نفسي فاكرة الكلام و بجاوب عليها لدرجة انها قلتلي برافوا عليكي امال انتي مالك خايفة لية ما انتي مذاكرة اهو و هزرت معايا شوية و قالتلي خلاص قومي و جيت امشي قامت قالتلي استني انا عايزة اسالك شوية اسئلة في الكتاب التاني فقلت لها اوك يا دكتور اتفضلي و العجيب انها سالتني عن العضلة اللي كانت دايما تقع مني كل ما اجي افتح الكتاب ليلة الامتحان .
و وانا لسة بجاوب علي الدكتورة قامت قطعتني و قالتلي قومي قومي برافوا عليكي قلتلها طب لحظة اكمل بس قلتلي خلاص بقي كفاية كدة.


فخرجت من امتحان الشفوي اشكر المسيح انة وقف معايا و برضوة اتمجد هو و شفاعة حبيبة و حبيبي الانبا بيشوي.

شكرا للرب اللي اتمجد معايا و حصلت علي تقدير جيد جدا منخفض -B.

لانة تعلق بي انجية ارفعة لانة عرف اسمي


صلوا لاجل ضعفي

موني الضعيفة22:22:

المصدر: †† ارثوذكس †† - من قسم: معجزات القديسين والقديسات

[اللة يرعانى]

الحمد للة انى بنا كام معاك بس نفسى اعرف انتا فى كلية اية

[Team Work®]

نشكر ربنا ونمجد اسم الرب

[Peter elias]

الحمد لله والف مبروك
ان كان الرب معنا فمن علينا

[kiko]

ربنا معااااااااااااكى مونى
وتنجح كل سنة بمجهودك وبمعجزات كماااااان

[موني]

ميرسي يا جماعة الله يبارك فيك يا بيتر


انا ماري في علاج طبيعي







الرب راعي فلا يعوزني شيء