[aymonded]

المشاركة الأصلية كتبت بواسطة emmmy انا برضوا مش فاهمة اوى الكلام صعب وانت للاسف مش بتعرف تتكلم ببساطة يعنى مال الظلم دة مقصود منة الطمع وبيحذرنا منة المسيح ولا غلط خالص مالص يا استاذ ايمن ؟

المعنى ببساطة يا محبوبة الله ، أن كل ما يخص العالم من مال وممتلكات يُسمى مال ظلم بمعنى أنه يُأخذ من العالم ويُصرف فيه ويصبح بلا قيمة ، وأن تمسك به الإنسان وحبه يصبح أصل كل شر الذي يخرج منه الحسد والخصام وكل عداوة ، ولكن لو استثمرة الإنسان لحساب مجد ملكوت الله فأنه يربح به أصدقاء للملكوت ، بمعنى لو صُرف في اتجاه المحبة للمسيح ملكنا يُصبح مال للملكوت ، يعني لو اتصرف في حدود مخافة الله ولمجد اسمه يصبح لأجل مجدنا الخاص ...

فمثلاً لو اشتريت كتاب روحي وقرأته أو أهديت أحد إنجيلاً ، أو خدمت به فقير أو معوز أو محتاج أو صرفته حتى في تعليم اخوتي أو ابنائي بكل بساطة قلب مع الشكر ، أو حتى جبت به أكل وشرب ومع البساطة وفرح القلب بالمسيح يسوع لأقوي جسدي حتى أقف أصلي لله بحيوية ونشاط يبقى ربحت بالمال الترابي ما هو مجيد لأجل الملكوت ... وهكذا أمثلة كثيرة جداً نقدر أن نفهم منها كيف نكسب بالمال أصدقاء للملكوت ، والموضع هنا لا يُشرح فيه الطمع إنما المقصود كله بكيف نقتني بمال الظلم مجد ونربح أصدقاء لنا ...

أرجو أن أكون شرحت ببساطة شديدة ، أقبلي مني كل تقدير لشخصك الحلو ؛ النعمة معك

[كيرو رافت]

طلعتى استاذ ايمن من هدومه يا ايمى
ههههههههههههههه
لا بجد فعلا انت كنز الحكمه والمعرفه يا استاذ ايمن
ميرسى جدا على تعب محبتك
وعلى اجاباتك الرائعه

[aymonded]

ربنا يخليك يا جميل ولو اني مش كنز ولا حاجة خالص فعلاً
ونشكر الله الكنز الحي الحقيقي الذي منه نستقى أمجاد حلوة ونشبع من غنى دسم نعمته
أقبل مني مع الجميع كل حب وتقدير يا أروع أخ غالي محبوب ربنا يسوع
النعمة تغمر قلبك مع الجميع سلام وفرح وحرية

[jan hany]

كلامك حلو خالص يا أ/ ايمن وكلة محبة وجمال ربنا يخليك للمنتدى وتملاء بركة بنعمة رب المجد.

[aymonded]

المشاركة الأصلية كتبت بواسطة jan hany كلامك حلو خالص يا أ/ ايمن وكلة محبة وجمال ربنا يخليك للمنتدى وتملاء بركة بنعمة رب المجد.

ويخليك لينا يا أروع أخ غالي منور المنتدى كله بحضوره الحلو فيه
أقبل مني كل تقدير واحترام لشخصك الغالي
نعمة ربنا يسوع تفيض داخلك سلام ومحبة
مجداً للثالوث القدوس الإله الواحد آمين

[emmmy]

ههههههههههه
لية يارافت اللة انا عملتلة حاجة

استاذى الغالى جدا حقيقى اشكرك على محبتك ايوة كدة انا فهمت بجد والاية دى انا سبق وسالت فيها بس الاجابة كانت مش كافية برضوا بس انا دلوقتى فمت القصد والمعنى اشكرك حقيقى ربنا يعوضك ويعطيك انارة الروح القدس دايما
ربنا يبارك مرسى يا استاذ ايمن

[aymonded]

ويبارك حياتك يا أختي الحلوة في شخص ربنا يسوع
أقبلي مني كل تقدير لشخصك الغالي جداً
نعمة ربنا يسوع تفيض في قلبك سلام

[سالى ثروت قديس]

حابه اعرف ممكن تسمح الكنيسة الاورثوذكسية بزواج شابه من شاب اكبر منه ب 9 سنين لو ممكن الجواب مع دليل او نص ويريت الرد على ايميلى

[aymonded]

طبعاً موضوع شاب يتزوج واحدة أكبر منه دية صعبة للغاية لأن لها عوامل نفسية واجتماعية سلبية كثيرة جداً وقد تصل لحد مشاكل ليس لها حل ، أما موضوع الكنيسة تسمح أم لا تسمح ممكن توجهي السؤال لنيافة الأنبا بولا وهو سيُجيب باستفاضة كاملة وبتدقيق ، ولا أعتقد أن هناك أحد من الأعضاء ممكن يُفيد في هذه الحالة مثل الأنبا بولا ... نعمة ربنا يسوع تفيض في قلبك سلام ومسرة

[tharwaat]

غلط خالص مالص ياامى والتوضيح فى اول رد بالموضوع الرب يباركك