تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة



الضحك والفرفشة كل جديد من نكت والافشات

الحقووووووووو رقم محمول الريس

رقم محمول الرئيس قرر السيد الرئيس -طويل العمر يطول عمره هيه ها هع - اعلان رقم تليفونه من اجل تحسين صورته امام الشعب ومحاوله في حل المشاكل ما إن أعلن

اعلانات

اضافة رد

 
أدوات الموضوع انواع عرض الموضوع

رقم المشاركة : ( 1 )
المتشفع بمارجرجس
ارثوذكسي بارع
المتشفع بمارجرجس غير متواجد حالياً
 
رقم العضوية : 12785
تاريخ التسجيل : Jan 2008
مكان الإقامة :
عدد المشاركات : 1,847
عدد النقاط : 10
قوة التقييم : المتشفع بمارجرجس is on a distinguished road
الحقووووووووو رقم محمول الريس

كُتب : [ 02-28-2008 - 01:18 PM ]


رقم محمول الرئيس
قرر السيد الرئيس -طويل العمر يطول عمره هيه ها هع - اعلان رقم تليفونه من اجل تحسين صورته امام الشعب ومحاوله في حل المشاكل

ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!!

الكل ياحاول الاتصال بالريس ياخررررررررررابي
فرصه العمر
حتي الاطفال كانت ليهم مطالب وعايزين يتصلوا
واليكم الانباء بالتفصيل
---------------------
أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية

----------------------
وقد صيغت الدعاية بعبارات جذابة وشيقة ...منها :
((إتصل برقم الرئيس ..وإنت وأهلك تهيص .... ))
((إتصل بالرئيس ... يكون لك خير ونيس ....))
ولم تنس الدعاية المرأة في هذه الحملة فكان منها ما يقول :
(( إتصلي بالرئيس .... وبكره يجيلك العريس .... ))

وكان للأطفال أمل الغد أيضاً نصيب فكتبت لهم إعلانات تقول :
(( كلموا عمو الريس .... قبل ما يموت ويفيص ))

هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....
-------------------------------
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...

وذلك لأن هذه الأغنية سهلة وتوحي أن الرئيس قريب ومتواصل مع شعبه ...

وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...

--------------------------
جاءت ساعة الصفر .... وبدأت الخدمة ... وتلقي الرئيس عدة مكالمات :

--------------------
المكالمة الأولي :
- ألو ....
- أيون ...
- إنت الريس ...
- أيون يا حبيبي ... إيه مشكلتك ....
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...
- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!
- شكراً ياريس ..ربنا يخليك لنا ويخليك للوطن ... ؟

-----------------------------------------------
المكالمة الثانية :
-----------------
- ألو
- أيون
- الريس معايا شخصياً
- أيون ... قول يا مواطن ... إيه مشكلتك ...
- أنا ياريس وغيري ملايين ساكنين في المقابر وتحت الكباري وفي عشش في ال ...في ال
- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...
- فاهم فاهم يا ريس ...
- كمل يا مواطن ...
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...
- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...
وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!
- طب ما تيجي ياريس تتعظ عندنا شوية ...
- إخرس ... يا ..(....)
دببببب ...
وتم غلق الخط ...

--------------------------
المكالمة الثالثة :
-------------------
- ألو ....
- أيون
- الريس حبيبنا معانا ....
- أيون أيوه كده ....إيه مشكلتك يا حبيبي ...؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...
- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...
- ياريس عايز أكون نفسي ...
- ما تكونها يا حبيبي حد حايشك ...؟!!
- أكونها إزاي من غير شغل ..؟؟
- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...
دبببب ...وتم غلق الخط ....

------------------------------
المكالمة الارابعة ...
---------------------
- ألو ..صباح الخير ياريسنا يا جميل ...
- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
- أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...
دبببب .. وإنتهت المكالمة ....

وأخيراً ... حد عايز الرقم يطلب ويجرب ..... يتصل بي أويكتب لي...وأنا أدية له فوراً ....بشرط يقول حيقول للريس بتاعه إيه لو كلمه في التليفون ...!!! ؟؟؟-------------------------
والسوال لو اسعدك الحظ-السعيد جدا - وكلمت الريس هتساله عن ايه؟؟؟؟؟


حقيقي الموضوع ده نقلته للضحك بس لاقيت نفسي بفكر
لو كلمت الريس لطلب شئ هقوله ايه
ياله كلنا نقول ايه ممكن نقوله
طبعآ اي ريس لحسان
الطابط يدفي ايده
عليا
ههههههههههههههه



hgpr,,,,,,,,, vrl lpl,g hgvds


رد مع إقتباس
Sponsored Links
بياناتي
 رقم المشاركة : ( 2 )
soso_14
ارثوذكسي متقدم
رقم العضوية : 16478
تاريخ التسجيل : Feb 2008
مكان الإقامة :
عدد المشاركات : 357
عدد النقاط : 10

soso_14 غير متواجد حالياً

افتراضي رد: الحقووووووووو رقم محمول الريس

كُتب : [ 02-28-2008 - 05:29 PM ]


هههههههههههههههههههه انا هطلب منه يلغى الكليه بتاعتى عشان استريح
ميرسى ليك

رد مع إقتباس
بياناتي
 رقم المشاركة : ( 3 )
[email protected]@@NOOOO
ارثوذكسي ذهبي
رقم العضوية : 13010
تاريخ التسجيل : Jan 2008
مكان الإقامة :
عدد المشاركات : 8,790
عدد النقاط : 10

M@@@NOOOO غير متواجد حالياً

افتراضي رد: الحقووووووووو رقم محمول الريس

كُتب : [ 02-28-2008 - 05:36 PM ]


هههههههههههههههههههههه
اناا هقوله انت بررنس ودايماا معيشناا فى اماان
يااجمااعه هو فى حد معيشناا فى علا الا الريس بتااعنا هو فى حد
واكلهاا ولعه غير الريس بتااعنا
ههههههههههههههههههههههه
ميرررسى ليك على المووضوع

رد مع إقتباس
بياناتي
 رقم المشاركة : ( 4 )
المتشفع بمارجرجس
ارثوذكسي بارع
رقم العضوية : 12785
تاريخ التسجيل : Jan 2008
مكان الإقامة :
عدد المشاركات : 1,847
عدد النقاط : 10

المتشفع بمارجرجس غير متواجد حالياً

افتراضي رد: الحقووووووووو رقم محمول الريس

كُتب : [ 02-28-2008 - 10:42 PM ]


هههههههههههههه طبعآ مانو انت قصدك علي الريس بتاع الهند الضابط لسه ايده مدفيتش هههههههه


رد مع إقتباس
بياناتي
 رقم المشاركة : ( 5 )
kamer14
ارثوذكسي ذهبي
رقم العضوية : 4944
تاريخ التسجيل : Nov 2007
مكان الإقامة : alexandria
عدد المشاركات : 20,390
عدد النقاط : 19

kamer14 غير متواجد حالياً

افتراضي رد: الحقووووووووو رقم محمول الريس

كُتب : [ 02-28-2008 - 10:54 PM ]


ههههههههه شكلكوا هتجبونى ورا الشمس لالالالالا من خاف سلم سلامو عليكو


رد مع إقتباس
بياناتي
 رقم المشاركة : ( 6 )
المتشفع بمارجرجس
ارثوذكسي بارع
رقم العضوية : 12785
تاريخ التسجيل : Jan 2008
مكان الإقامة :
عدد المشاركات : 1,847
عدد النقاط : 10

المتشفع بمارجرجس غير متواجد حالياً

افتراضي رد: الحقووووووووو رقم محمول الريس

كُتب : [ 02-29-2008 - 06:59 AM ]


صح قمر 14 من خاف سلم مش عارف مين اللي كتب الموضوع ده الجري نص الجدعنه


رد مع إقتباس
بياناتي
 رقم المشاركة : ( 7 )
[email protected]
ارثوذكسي متألق
رقم العضوية : 9412
تاريخ التسجيل : Dec 2007
مكان الإقامة :
عدد المشاركات : 1,424
عدد النقاط : 10

MeRooBe@r غير متواجد حالياً

افتراضي رد: الحقووووووووو رقم محمول الريس

كُتب : [ 02-29-2008 - 04:41 PM ]


ايه الكلام الكبير ده يا جماعة
ربنا يستر
ولا حل مشكلة ولا حاجة مش لما يبقى يحل مشكلته الأول
استغفر الله العظيم


رد مع إقتباس
بياناتي
 رقم المشاركة : ( 8 )
minabobos
ارثوذكسي ذهبي
رقم العضوية : 2197
تاريخ التسجيل : Sep 2007
مكان الإقامة : فـــ قلب بابا يسوع ـــــ
عدد المشاركات : 9,794
عدد النقاط : 21

minabobos غير متواجد حالياً

افتراضي رد: الحقووووووووو رقم محمول الريس

كُتب : [ 02-29-2008 - 06:42 PM ]


هههههههههههههههههههههههه

انا اطلب انى يكتب رقم موبيل فعلا
ههههههههههههههههههههه


ربنا يستر عليك يا باشا


رد مع إقتباس
بياناتي
 رقم المشاركة : ( 9 )
المتشفع بمارجرجس
ارثوذكسي بارع
رقم العضوية : 12785
تاريخ التسجيل : Jan 2008
مكان الإقامة :
عدد المشاركات : 1,847
عدد النقاط : 10

المتشفع بمارجرجس غير متواجد حالياً

افتراضي رد: الحقووووووووو رقم محمول الريس

كُتب : [ 03-01-2008 - 07:12 AM ]


خليها علي الله يامينا احنا في بلد ديمقراطي ربنا يستر


رد مع إقتباس
بياناتي
 رقم المشاركة : ( 10 )
نانانادر
ارثوذكسي متقدم
رقم العضوية : 12238
تاريخ التسجيل : Jan 2008
مكان الإقامة :
عدد المشاركات : 257
عدد النقاط : 11

نانانادر غير متواجد حالياً

افتراضي رد: الحقووووووووو رقم محمول الريس

كُتب : [ 03-01-2008 - 08:38 AM ]


يا جماعة هنتعب الريس لية هى مكالمات على الفاضى وفواتير تليفون وكروت شحن هو عارف احساسنا وحبنا لية وللوطن وبعدين العيشة حلوة والناس بقت بتاكل بيتى فور بدل العيش والاسعار رخيصصصصصة والشوارع فاضية والتعليم ممتاز ومية الشرب نظيفة والادوية ببلاش والمتشفيات بالمجان والمواصلات فاضييييييييية والمرتبات ذادت 500% ووظيفة لكل خريج بس انتو اتخرجوا وشقة لكل مواطن اية دة عايزين اية تانى!!!!
ميرسى يا باشا على الموضوع الرائع دة انا عن نفسى مش عايزة الرقم
شكرا


رد مع إقتباس

اضافة رد

مواقع النشر (المفضلة)

اعلانات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ازياء للكريسماس الحقووووووووو david.dodey قسم الازياء 10 05-17-2010 11:15 AM


الساعة الآن 06:44 PM.