أدم وحواء

أنا سألت قبل كده عن أدم و حواء و هما فى الجنه قبل السقوط و هل كانوا بيمارسوا الجنس و لا لأ؟ و أزاى كانوا بيعملوا كده و هما أصلا مش كانوا عارفين أنهم عريانين غير بعد السقوط و بعدين فى حد رد عليا و قالى أنهم كانوا بيمارسوا الجنس بس ببساطه و تلقائيه و مش كان عندهم تأثير و تشوهات الشهوة و الخطيه و أننا مش هنقدر نستوعب ده لأن تفكيرنا ملوث دلوقتى و أنا أقتنعت بالكلام ده .بس أمبارح فى عظة البابا كان بيتكلم عن أنه كله للخير و جاب سيرة خطية ادم و سقوطه انها اتحولت للخير و كانت السبب فى قدوم البشرية كلها لأنهم بعد السقوط نفذوا وصية ربنا اللى بتقول أثمروا و أكثروا و أملأوا الأرض. طيب المفروض أن الوصيه دى ربنا أدهالهم من قبل السقوط.طب كانوا هينفذوها أزاى لو ما سقطوش؟ و أذا كانوا بيمارسوا الجنس فعلا فى الجنه قبل السقوط ليه ما خلفوش غير بعد ما سقطوا؟ ممكن أكون بسأل أسئلة غريبة بس عاوز أعرف الأجابه