[milke]

الحب من طرف واحد ممكن تكون بتحب واحده وهي متعرفش بحبك وانت مؤهلاتك مش حلوه مش قادر تقولها لترفضك وفي نفس الوقت لو قولت انك متقولهاش دلوقتي ممكن تضيع منك ممكن تعمل اييه انا مستنيه الردود بتعتكوا ويارب فكرتي تعجبكوا ربنا معاكوا

المصدر: †† ارثوذكس †† - من قسم: الموضوعات الشبابية

[marmora_mrmr]

انا في راي الشخصي انه لو كان واضح ليه مستقبل في شغل او كده ممكن يقولها و يشوف رايها (بس لازم يحترم رايها ) لانه ماينفعش يسيب الموضوع متعلق و كمان علشان ما يندمش بعد كده انه ما قلهاش و يكون موضوع وانتهي وبعد كده يحاول يشوف مستقبله وربنا يوفئك سواء كانت البنت دي او واحدة غيرها pray for me

[فررح]

انا لو فية حد بيحبنى بجد
عمرى ماهسيبة مهما حصل
لانى انا مش هعيش مع الامؤهلات
انا هعيش مع انسان يكةن بيحبنى بجد ويخاف عليا بجد
انا لو فى ايدى انسان بيحبنى ومؤهلاتة وظروفة مش سمحة
عمرى ماهتخلى عنة

ميرسى على الموضوع


فرررررررررررررح

[اللة يرعانى]

الموهل ملوش دعوة بالحب

اهم حاجة فعلا انا يكون بيحب ويقدر

فى ناس مش معها شهادات وبتفكر اكتر من متعلمين

الى بيحب مش بيفكر فى شهادات لانها مش بتجيب الحب

وشكراااا

[M@@@NOOOO]

وانا مع راي فرح ومريم
لانك مش هتعيشى مع مؤهلات هتعيشى مع واحد تفهميه ويفهم تقدريه ويقدرك
بس مش معنى كده انك تاخدى واحد جااهل
لآ يكون متوسط ومقبووووول
تقبلى مرورى وربنا يبارك حياتك

[b o b b a]

لو انا مكانه هروووح اقولها طبعااااااا لاني بحبها واخاف تضيه مني ولو رفضت هحترم رغبتها وهعرف ان سعادتها مش معايا ومش هبقي زعلان هزعل بس برده حفرح لما اشوفها سعييييييييييده

[sawsaw]

انا راى من راى مانو
هو ايوه انا ما اصدق نا الاقى حد بيحبنى
بس بردو يكون يوافقنى
وميكنش فى فرق كبير فى التعليم
لان هيكون فى فرق كبير فى التفكير
وكده انا ممكن اظلمو معايا
ونصيحه
لو هى تعليمها عالى وفى فرق كبير مابين الاتنين
فى التعليم جامد
يعنى هى دكتوره وهو دبلوم
انا مش بحقر من الدبلوم
انا اقصد انهم مش هيفهموا بعض
انا من راىى لو دكتور اتجوز واحده دبلوم
ممكن احسن
لكن لو دبلوم اتجوز دكتوره
فى مجتمعنا بالزات
الناس مش هتسيبوا فى حالو وهتجرح مشاعرو على الفاضى
وربنا يعمل الخير
ويدبر الصالح
اسفه على اتطويل

[melanora]

متهيالي انة يقولها ويشوف رايها اية
ولو لية مستقبل شغل كويس

[ظريف]

الحب من طرف واحد ممكن تكون بتحب واحده وهي متعرفش بحبك

للأسف جميع الأعضاء ركزوا على نقطة التعليم وسابوا أهم نقطه
وهى لو أتقدم هذا الشاب ممكن لايحدث قبول شخصى

ورئيى أن مستوى التعليم لايؤثر على العلاقه الزوجيه فى شئ
والست اللى تبص لكده بتبقى لاتعرف دينها ولا أهلها مربينها
لأن المرءه مخلوقه معينه للرجل 0 وده كلام ربنا