[M!SS N@NO]

ده طريق الناس اللى ماشيه وحمله صليبها

كلهم شيلين نفس الحمل
والحمل واحد
معادا واحد تعب تعالو نشوفه



وسالته مالك رد وقال

انا تعبت يارب والحمل تقيل انا هقطع حته من الصليب عشان اقدر اشيله

وبسرعه وقف عشان يقطع حته من اخر الصليب

وفعلا قطعها وشال صليبه ومشى
فرحان بيغنى



وزى ما شيفين هو الوحيد اللى حمله اقل والباقى شايلين حمل كبير
ومع ذلك تعالوا شوفوا عمل ايه



وقف تانى قاله يارب الحمل تقيل
من فضلك هشيل حته صغيره كمان
عشان اقدر اشيله كويس



و وقف تانى يقطع حته من صليبه
بدون تفكير عشان يقدر يشيل صليبه

وشال صليبه ومشى فى طريقه وطبعا صليبه بقى اخف حمل كمان عن الاول
بس ياترى دى اراده الله
ياترى مجرد ما تقوله يارب تعبت تعمل اللى انت عاوزه

طبعا ماشى سعيد بيغنى مهو الوحيد المتهنى



وفى طريقه قابل ضيقه وكرب وقف يسال ياترى ايه الحل

اصحابه كلهم عدوا وهو واقف محتار
حاول يعمل زيهم



وطبعا منفعش يعدى مهو صليبه قصر
مهو نفذ ارادته من غير ميشوف ارادة الله

وقعد يبكى وحيد ومعرفش يكمل طريقه
اصله ابتدى غلط مع انه كان حامل صليبه
بس مش كل اللى بيحمل صليبه بينفذ ارادة الله
من ستكون فيهم
هل هتنادى وتقول يارب وتنفذ اللى انت عايزه
ولا هتقوله لتكن ارادتك
الاختيار لك فمن تكون

المصدر: †† ارثوذكس †† - من قسم: المرشد الروحى (كلمة الله التى تؤثر فيك)

[aymonded]

مشاركة جميلة من أخت حلوة رقيقة
أشكرك جداً عليها يا محبوبة ربنا يسوع والقديسين
وألف مبروك على الزواج ( طلعت إشاعة غير مقصودة ) مع أنها متأخرة جداً
المسيح يبارك حياتك وبيتك ليكون كنيسة مقدسة
يحل فيها بالمحبة والبركة وملئ السلام والنعمة
بغنى عمل روحه القدوس
النعمة معك

[bolalover]

موضوع حلو اوي يا حنان
ايه ده يا استاذ ايمن هي حنان اتجوزة
اهااا ممكن انا كنت سامع اخبار عن كده
عموما لو كنتي اتجوزتي يا حنان
فالف الف الف مبروك يا جميل
ربنا يبارك حياتك و يسعدك و يبارك بيتك
و انشاء الله تجيبي اولاد زي العسل
رغم اني زعلان علشان لسا عارف مش كنتي تقولي
بقا كده يا حنون
ههههههههههههه

[M!SS N@NO]

شكرا ليك يا أستاذ أيمن ع المرور الجميل
بس أنا حنان مش سوسنه
سوسنه هى اللى اتجوزت
ربنا يسعدها ويفرحها يا رب
كده يا استاذ أيمن طلعت عليا أوشاعة
أنا كده هروح فى داهية
ههههههههههههه
هو حضرتك مرة تفتكرنى ولد ومرة تجوزنى
وأنا واللهى بريئة من التهمتين براءة الذئب من دم أبن يعقوب
وأنت يا عم بولا مصدقت أل يعنى مش عارف
تموت فى الاوشاعات يا بولا
هههههههههه
ميرسى ليكم بجد ع المرور الجميل
ربنا يبارك حياتكم

[نبيل نصيف جرجس]

موضوع رائع يا ريت نقدر نشيل صليبة بكل حب ورضا وسلام داخلى يملىء كل حياتنا بمنى ربى يسوع يزيدك نعم روحة القدوس

[M!SS N@NO]

شكرا لمرورك وردك الجميل يا نبيل
ربنا يبارك حياتك ويرعاك ويفرح قلبك

[aymonded]

المشاركة الأصلية كتبت بواسطة hanan Sadeq شكرا ليك يا أستاذ أيمن ع المرور الجميل بس أنا حنان مش سوسنه سوسنه هى اللى اتجوزت ربنا يسعدها ويفرحها يا رب كده يا استاذ أيمن طلعت عليا أوشاعة أنا كده هروح فى داهية ههههههههههههه هو حضرتك مرة تفتكرنى ولد ومرة تجوزنى وأنا واللهى بريئة من التهمتين براءة الذئب من دم أبن يعقوب وأنت يا عم بولا مصدقت أل يعنى مش عارف تموت فى الاوشاعات يا بولا هههههههههه ميرسى ليكم بجد ع المرور الجميل ربنا يبارك حياتكم

ههههههههههههههههههههههههه ه
هههههههههههههههههههههه
يا لهوي أنا كالعادة لخبط بينكم أنتم الأتنين
ومش عارف ليه دايماً تيجي معاكي انتِ
سوري حقيقي نسيت ولخبط الأسمين على بعض
ههههههههههههههههههههههههه ههههه
معلشي الزهايمر بقى
وبولا ما صدق ومش يصحح معلومالتي
ههههههههههههههههههههه
معلشي بقى أنت دايماً حظك معايا كده
ههههههههههههههههههههههههه ههههه

[ماروجيرافك]

لساني يعجز عن الرد امام هذا الموضوع السامي
اذكرني يا الهي متي جئت في ملكوتك
الرب يبارك ثمره خدمتك

[M!SS N@NO]

المشاركة الأصلية كتبت بواسطة aymonded ههههههههههههههههههههههههه ه هههههههههههههههههههههه يا لهوي أنا كالعادة لخبط بينكم أنتم الأتنين ومش عارف ليه دايماً تيجي معاكي انتِ سوري حقيقي نسيت ولخبط الأسمين على بعض ههههههههههههههههههههههههه ههههه معلشي الزهايمر بقى وبولا ما صدق ومش يصحح معلومالتي ههههههههههههههههههههه معلشي بقى أنت دايماً حظك معايا كده ههههههههههههههههههههههههه ههههه

ولا يهمك يا أستاذنا
لخبط براحتك
وألف سلامة على حضرتك من الزهايمر
ههههههههههههههه
بس واللهى يا أستاذ أيمن تاخد باللك المرة الجايه
لحسن ألاقى ليا عيال ع المنتدى
ههههههههههههههه
ميرسى لمرورك وأهتمامك بالرد يا أستاذنا
ربنا يبارك خدمتك

[M!SS N@NO]

المشاركة الأصلية كتبت بواسطة ماروجيرافك لساني يعجز عن الرد امام هذا الموضوع السامي اذكرني يا الهي متي جئت في ملكوتك الرب يبارك ثمره خدمتك

ميرسى ليك يا مارو على مرورك وردك الجميل
الرب يباك حياتك ويرعاك ويحفظك
أمين