[elphilasouf]

بصو يا جماعه انا عايز كل واحد فيكو يبقى فيلسوف صغير
(صغير ايوه عشان انا الفيلسوف الكبير ههههههههه )
ويقولى اه وجهه نظره الفلسفيه فى الموضوع الى
هكلمكو فيه دلوقتى
وصدقونى يا جماعه الفلسفه سهله مش صعبه
انت بس فكر و قول رأيك وكده انت أحسن من اي فيلسوف
ونفسي تبقى عدد الرود =عدد المشاهدات
وابقى كده حققت المستحيل

المهم نخش على الموضوع على طول

ايه العلاقه بين الحب والجنس والعقل والقلب؟؟
هو ده السؤال يلى عايز رأيكوووو بس بطريقه الفلسفه

طب اقولكو الاول وجه نظري كمثال
ماشى ؟؟
اولا فى علاقه كبيره بين الحب والقلب
لان المفروض ان مشاعر الحب سببها القلب ودي
معلومه من الفراعنه
والانسان بيحب حجات كتير فى حياته قد تكون
حلوه وقد تكون وحشه
ود بيعتمد بشكل كبير على الشهوه
يهنى مثلا انت لو قلت انك بتحب تأكل السلطه مثلا يعنى
(انا عارف انكوا كلكو بتحبوها )
المهم فحب للسلطه ده عشان انت بتتمتع بطعمها
مثل تانى
أنت مثلا بتحب او بتميل نحيه الجنس التانى(مش
عايز ذكاء الجنس التانى يعنى لو أنت ولد يبقى
بتميل للبنات والعكس)
بتميل ليه ؟؟
بصفه عامه انت بتحس بنشوه معينه (قمه المتعه)
لما تعرف حاجه
ولانك طبعا وفى فتره المرهقه مخصوص بتبقى لسا
خام وكده
فالطبيعى انك تحاول تعرف عن الطرف التانى
وطبعا ده شئ طبيعى
والقلب بصفه عامه اعمى
يعنى ميقدرش يفرق بين الحجات الى بيحبها
وحشه او حلوه
يعنى هو ليه الحجات الى بتسبب ليه اثاره او متعه
يحبها بس وده دوره
لكن الى بيحكم القلب هو العقل
فلو فرضنا مثلا ان الانسان ده من غير عقل
هتلاقيه بيعمل حجات غبيه جدا ولانه ماشي تبع شهوته
وكمان الجنس بيسب الشهوه
والشهوه بتسبب الحب
والحب من خلال القلب
والقلب لوحده بيتصرف بغباء
والغباء بيعلجه العقل
ودي العلاقه

هاخد بقى رأيكو برده فى موضوع تانى
هو لو واحد بيحب بنت والبنت دي بتحبه
ويحاول يلمسها
يبقى كده بيحبها
أرجوك اتكلم بفلسفتك؟؟

وهديكو برده مثال لفلسفتلى
فلسفتى بتقول ان الولد ده
دور العقل عنده اصبح مشلول
لانه لو فعلا بيحبها مكنش حاول يضرها كده
وكده اصبح حب فاشل 100 %
عرفين ليه ؟؟
لان الأنسان بطبعه انانى ولما عقله
يصبح مشلول
أو حتى فى غيبوبه فكده هيحب نفسه أكتر من
البنت الى المفروض انه بيحبها

يعنى هو عقله هو الى بخليه يحب البنت اكتر
ومن غير عقله هيحب نفسه أكتر ويفكر فى متعته
هو بس
وطبعا السبب ده بيختفى فى حاله الزيجه المقدسه
لانه كده مفيش ضرر على اي طرف

تعرفو أن لو حد بيحب حد بيحاول يقرب منه جامد جامد
وده شي طبيعى لانه بيحاول يعرف عنه كل حاجه
وبرده ربنا من كتر حبه لينا بيحاول يقرب مننا قوي
لدرجه انه من كتر قربه بيحاول يخش جوانا
وعشان كده بيخلينا ناكل جسده ونشرب دمه
بس الاختلاف بين الانسان والله
أكيد كبير لان ربنا مش طبعه انانى لكن الانسان هو
الى طبعه انانى

انا اتفلسفت كتير وجه دورك تتفلسف
يعنى هو عمك سقراط ولا افلاطون احسن منك
يلى ايه فلسفتك؟؟

المصدر: †† ارثوذكس †† - من قسم: الموضوعات الشبابية

[elphilasouf]

هاا يلى فين الفلسفه؟؟

[sawsaw]

راااااااااااااااااااااااا اااااااائع
يا فيلسوف بجد فلسفتك صحيحه

بس انا عندى حاجه عايزه اقولها
الشهوه لا تولد الحب
لان ممكن انسان يزنى مع حد ميعرفهوش
وبعد وما بيشبع مبيصلهاش تانى
زى الاكل
لما بتاكل وتشبع
هل هتبص للاكل تانى
الا لما تجوع تانى لكن وانت شبعان استحاله تبص للاكل تانى
وبعد كده انت عمرك ماسمعت عن واحد بيحب واحده جدا
وبعد ما يعمل الى هو عايزه يرميها
ويقول اكتشفت انى كنت مش بحبها
يبقى الحب الى كان بيحبهولها
حب شهوانى
والحب الشهوانى غير ناجح
لكن الحب الناجح
هو الحب المعنوى
الى كلو مشاعر صادقه وطاهره
خاليه من اى غرائز جنسيه
او اى نوع من السعى وراء اشباع الشهوات
ايوه الجنس مهم فى حياتنا
بس مينفعش نحب حد عشان الجنس
لان دى متعه لحطيه فقط
مش دائمه
زى الاكل زى ما قولت من شويه
هو ده رائى
الشهوه لا تولد الحب بمعناه الصحيح
ومرسى بجد على موضوعك الرائع ده
وبالنسبه للموضوع التانى
الولد الى يعمل كده
يبقى محبش البنت دى
بدليل انه مفكرش فيها
هى ايه الى هيجرالها بعد عملتوا المهببه دى
هو فكر ازاى يمتع نفسوا
ومش مهم ايه الى يجرى بعد كده
الى يحب حد يخاف عليه
زى ما بيخاف على نفسوا بالظبط
هو ده رائى
او بمعنى اصح فلسفتى
اختك الصغيره سوسنه

[elphilasouf]

المشاركة الأصلية كتبت بواسطة sawsaw راااااااااااااااااااااااا اااااااائع يا فيلسوف بجد فلسفتك صحيحه بس انا عندى حاجه عايزه اقولها الشهوه لا تولد الحب........ .........................

جميل جميل جميل جميل
بجد يا أحلى سوسنه
فلسفه ولا اروع وارفعلك القبعه كمان
ميرسي جدا جدا جدا لاهتمامك
بالموضوع

بس انا كنت بتكلم على التحول من حاله الحب الطبيعى بين شخصين
الى حاله من الانانيه سببها شلل دور العقل الى المفروض انه
يراقب او يتحكم فى القلب وده كله بسبب حبه للشهوه
فده ممكن او جايز

وبرده انه محبهاش اصلا فده برده ممكن وجايز ليه لا
وفى الاخر
ومبروك عليكى لقب الفيلسوفه ..!!!!

[جوسى]

انا مش فاهمه حاجه خاااااااالص

[SAMOOOOO]

بجد عجبتنى كلامك يا سوسنه
فعلا كلامك صح
وانا رايى زى راى سوسنه

وميرسى للموضوع يافيلسوف

[منى ارسانيوس]

كلامك محتاج تفكير
القلب حبه عبارة عن اندفاع و شهوة و الشهوة تصعد سريعا و تهبط اسرع
اما حب العقل فهو حب اقتناع و حب ادراك
حب ادراك بمعنى انا بحبك وانا عارف النواقص اللى فى شخصيتك و موافق عليها او قبلتها
الشهوة و القلب بيطلبوا حاجه من الكل لكن العقل بيطلب الكل فى الكل
اتمنى اكون وضحت قصدى

[elphilasouf]

المشاركة الأصلية كتبت بواسطة جوسى انا مش فاهمه حاجه خاااااااالص

وانتى ايه الى دخلك هنا بس يا جوسي ده مكان للفلسفه
اش فهمك انتى

+

-

=

ههههههههههههههه
اي خدعه
بس بجد نورت الموضوع
والموضوع وما فيه اننا عيزين رأيك فى الموضوعين
الى بنتكلم فيهم بس كده
هو ده الموضوع
ها ايه رايك بقى؟؟

[elphilasouf]

المشاركة الأصلية كتبت بواسطة samooooo بجد عجبتنى كلامك يا سوسنه فعلا كلامك صح وانا رايى زى راى سوسنه وميرسى للموضوع يافيلسوف

ايه ده بقى دي اسمها فلسفه منقوله ولا ايه
لا يعم سامو معندناش حد هنا يمشي على منهج حد
لازم يكون ليك فلسفه منهج لوحدك
يلى ورررررررررررررينا؟؟

[elphilasouf]

المشاركة الأصلية كتبت بواسطة منى ارسانيوس كلامك محتاج تفكير القلب حبه عبارة عن اندفاع و شهوة و الشهوة تصعد سريعا و تهبط اسرع اما حب العقل فهو حب اقتناع و حب ادراك حب ادراك بمعنى انا بحبك وانا عارف النواقص اللى فى شخصيتك و موافق عليها او قبلتها الشهوة و القلب بيطلبوا حاجه من الكل لكن العقل بيطلب الكل فى الكل اتمنى اكون وضحت قصدى

ونرحب بالفيلسوفه الجديده منى
مزبوط كلامك يا منى كلامك زي الفل وفلسفه تحترم
ميرسي ليكى