[اللة يرعانى]

انا عايزة اعرف رائى كل واحد فى الزواج التقليدى هو انا حد يشوف صورة التانى وبعيدين يروحو يتقدم وتبدا الخطوبة وكل واحد يدرس التانى وبعد كدة زواج يعنى مفيش اى مفيش اى قصة او مشاعر سابقة قبل فترة خطوبة فى ناس بتقول هو دة الزواج الصحيح وناس تانية بتقول من اكثر الاسباب المودية للفشل لو زواج بيكون عن الحب بيكون افضل وفى بيكون عن طريق حب وبيحصل مشاكل برضو ............انا عيزة اعرف راى كل واحد ووحدة فى الزواج التقليدى وهل دى طريقة الجواز الى تتمنى تتجوز بيهاولو لا اية هى افضل طريقة ولية ...........

المصدر: †† ارثوذكس †† - من قسم: الموضوعات الشبابية

[dana_dody]

هو بصراحة انا مش بقتنع بالزواج التقليدي لان بنام و اصحي الاقي نفسي مخطوبة لواحد انا عمري ما شوفته
كمان فترة الخطوبة مش كافية لازم اكون شايفة تصرفاته في الحياة اليومية مع اصحابه مثلا كده يعني
هو ده رأيي الشخصي
مرسي كتير يا مريم للموضوع الجميل ده
ربنا يباركك

[Narmar]

عندك حق يا دانا فى ردك على مريم
اصل من اهم الحاجات اللى لازم تبقى الجواز هو حب الاتنين لبعض وفهمهم لبعض وعارفين اية بيحبوا واية بيكرهوة وكمان الاحساس مش عارف الانسان اللى بيتجوز واحدة شافها بس اول مرة يوم الخطوبة او الكلام دة اية دة وغير كده ولا هى بتبقى عارفة عنة حاجة ولا هو بيبقى عارف عنها حاجة لكن فى الحب ( الحقيقي واللى اخرة جواز ) بيبقى الاتنين قايلين لبعض كل سلبياتهم وايجابياتهم وفاهمين بعض وراضيين بكل حاحجة ومصارحين بعض بكل حاجة لكن فى التقليدى ممكن يقولو بس بعد الجواز عشان يظهروا بشكل احسن قدام بعض
بصراحة انا ضدة
شكرا يا مريومة على الموضوع الجميل
ربنا معاكى

[اللة يرعانى]

مرسى على كلامكو وتوضحكو مستنية راى باقى الاعضاء

[بحبك يا مارجرجس]

الجواز التقليدى هو ليه عيوبه وليه مميزاته ، زمان كان منتشر اوى عن دلوقتى لان حالياً المجتمعات بقت متفتحة جداً ، وبقى فى احتكاك بين الاولاد والبنات سواء فى الشغل او الخدمة ، يمكن كان منتشر زمان لان ما كانش فى الاحتكاك ده ، لكن حالياً اعتقد ان كل واحد بيفكر فى الزواج جدياً ممكن يلاقى فى الكنيسة او العمل

فكر معايا كده لو كل واحد وواحده قبل ميتجوز عرف الانسان دة وعرف الانسانه دى وعرف عيوبها قبل مميزاتها وهى برضو مش كانو عرفو ان كانو هيقدرو يكملو حياة وبيت كويس ولالا ومكنوش حكموا على نفسهم بالقضايا دى وبينهم اطفال لكن هما عشان ميعرفوش بعض اكتشفو مؤخرا انهم مينفعوش لبعض طاب هنعيش طول عمرنا كده نتجوز ومش عارفين هننفع ولا لا وياعالم يا جوازنا نجح يا فشل وليه احكم على العلاقة مقدسة زى دى بالانهيار وابقى انا السبب ما انا
اعرف الانسان دا وانت تعرف الانسانه دى كويس قوووى وبعدين تشوف هل تنفعك ولا لا ودلوقتى مجالات انك تدرس الانسانه دى من غير متفهمهما حتى بقيت مفتوحه جدااااااا لانك بتتعامل مع البنات فى الشغل فى الاجتماع فى الكنيسه فى الكليه فى كل حته مجال التعامل اتفتح
الصراحه الزواج التقليدى دة انا مرشحهوش خالصصصصصصصصصصص الا اذا كان قايم على اساس مصالح بقى بين عيلتين دة كلام تانى طبعااااااااااااااا
بس الجواز لازم يتبنى على تفاهم بين الاتنين من قبل حته الخطوبة يشوفو هيفهمو بعض ولا لا هينفعو ولالا
ده رايى

[kottah_sh]

انا عن نفسى مش بحب الجواز التقليدى او جواز الصالونات خااااااااااالص لان بصراحه بحس انها حكايه عرض وشراء يعنى البنت تتعرض على انها بضاعه والولد يجى يا أما يشيل البضاعه او يرفضها ودا طبعا بيكون محرج جدااااااا انا بفضل ان الاتنين يكونوا على الاقل شافوا بعض او حتى كلموا بعض مش شرط يكون بينهم قصه حب بس المهم يكون اتعرفوا على بعض على الاقل وبعدين يقرروا

[عماد حسنى]

كلامى للبنت قبل الولد البنت لما بتيجى تشترى مثلا لبس او شىء خاص بمظهرها بتفضل محتاره وتنزل وترجع وتشوف وتفكر كذا مره وبتكون محتاره جدا جدا تشترى اللبس ده ولا ايه وممكن جدا وبيحصل انها تشترى مثلا بنطلون او اى شىء وتستخدمه مره واحده وبعد كده تركنه
ده مجرد تشبيه لحاجه مش هتقعد معاكى غير واقت معين وهايدوب امال
بقى فى عشره العمره كله هتعملى ايه
هتوفقى بمجرد ان العريس جه مره واحده وقدم مواصافاته وخلاص متهيالى الموضوع كده هيكون فى منتهى الصعوبه لما تشوفوا بعض وتعرفوا بعض اكتر مش هيكون ليها فايده المعرفه بعد كده
وليه الجواز التقليدى اعتقد دلوقتى مبقاش فى اجبار على الجواز زى زمان ومفيش بنت او ولد ممكن يوافق بدون اقتناع يبقى ليه..
طبعا المعرفه قبل الزواج بتكون افضل بكتير وطبعا اقصد المعرفه التى تليق باولاد ربنا يعنى بعلم الاهل او حد قريب وكبير للطرفين
شكرا يا مريم على الموضوع
ربنا معاكى ويفرح قلبك ويدبرك كل امور حياتك

[اللة يرعانى]

اشكركو على كلامكو
اتمنى يكون الموضوع عجبكو
ربنا يفرح قلبكو

[makram2]

الزواج التقليدى جميل بس لابد من شروط
1ـ إن يكون للاسرتين علاقة طيبة بالكنيسة
2ـ ان يكون الرجل واقصد هنا ابو العروسة هو رجل البيت بالفعل وليس رمز فقط
3ـ ان يكون فرق السن قريب
4ـ التوافق الفكرى والاجتماعى بنسبة 70 %
5ـ المصراحة على كل ماهو مخفى

[zaza2006]

انا من رأى ان الجواز عن حب هيكون افضل على الاقل هيكون فى فرصة كبيرة ان كل واحد يدرس التانى ويعرف تصرفاته وعيوبه ومميزاته