[جوسى]

هاااااااااااااااااااااااى على اخواتى الولاد و البنات فى منتدانا الجميل
ازيكوا وحشتونى كتيررررررررررررررر
مش هطول عليكو


بما اننا معظمنا شباب جامعى
اكيد كل واحد فينا بينضم تحت اسره جامعية تبع الكليه بتاعته
الموضوع بقى هو



ايه رايكوا فى الاسر الجامعية ؟
هل هى صح ولا غلط؟
و لو هى صح احنا ليه بنهرب من اجتماع الاسر دى؟
هل الخدمه مش كويسه ؟
ولا الاجتماع و الحاجات اللى بتتقدم فيه مش بنستفاد منها
بنروح مرة و مش بنروح تانى

مش هطول عليكوا
عايزة اعرف رايكوا فى الموضوع ده
يكون معاكو ما يكون عليكو
:36_3_16::36_3_16:

المصدر: †† ارثوذكس †† - من قسم: الموضوعات الشبابية

[aymonded]

هو بصراحة أنا عن نفسي مش متفق على هذا الموضوع لأسباب كثيرة جداً اسمحوا لي أن أذكر بعضها فقط ...
أولهما : كل واحد يروح كنيسته أفضل ويلتزم باجتماعاته الأساسية ، ولماذا نترك كنائسنا ونذهب لاجتماع الأسرة ؟؟؟؟؟؟؟

ثانياً : ما هوَّ الجديد اللي مش موجود في اجتماعات الكنيسة بتقدمة الأسر الجامعية

ثالثاً : الأسر الجامعية تدعو للانعزال عن المجتمع الجامعي – دون قصد أو دراية – والابتعاد عن الانخراط في الأنشطة في الجامعة ، اللي المفروض كل جامعي يدخل فيها وينخرط وسط باقي الناس ليشهد لله بكل تقوى والتزام وسط العالم ، ويوريهم الحب الأصيل وكيف يكون المسيحي الملتزم
وان أراد أنشطة كنسية متنوعة اعتقد أنها موجودة في كنيسته الأساسية ....

ويظهر إننا أتعودنا على الانعزالية عن المجتمع بحجة انه وضع في الشرير واللي يعيش فيه يبتعد عن الله ، مش عارفين أننا ملح الأرض ونور العالم
وأن العالم هو المحك الرئيسي لظهور عمل الله فينا وحياة التقوى ...

والهروب من العالم مش حل ، بل كل هروب يُحسب علينا لا معنا ، لأننا نهرب من أن نُكتشف أمام الآخرين وحياة القداسة المزيفة التي أرتديناها كثوب ...

عموما الموضوع متروك لكل شخص يقبل أو لا يقبل الأسر الجامعية التي لا اعرف هدفها الحقيقي ، ولو كان هدفها التعارف والتقرب فالجامعة مفتوحة ومجال واسع لذلك واعتقد أن الأسر أتعرفت فيها أساساً ، أما أن كانت من أجل الحفاظ على البنات والأولاد من التيه وسط الآخرين والعالم ومشكلاته هذا زيف وليس حق لأن التيه لا يأتي إلا من الابتعاد عن الله ولو كان في داخل الكنيسة ، لأن مشكلة الخاطي الخطية ومشكلة المؤمن الكبرياء

وأيضاً هذا ينم عن عدم الثقة في الله القادر أن يحمينا وسط شرور العالم وكأننا قادرين بأنفسنا وقدراتنا الخاصة عن حماية أنفسنا من كل تيه حينما ننعزل وننفرد بذواتنا ، مع أن هذا الفعل يكشف عن أن إيماننا النظري وثقتنا في الله أنها مجرد وهم وشكل خارجي ، ولنا صورة التقوى وننكر قوتها ..

كل اللي أطلبة قبل مواجهة الموضوع أن نجلس مع أنفسنا بصدق ونكتشف ما في أعماق قلوبنا من إيمان ومحبة عميقة لشخص المسيح الكلمة المتجسد وهل نحيا فيه وله وهو يحيا فينا ونمتلئ منه في صلوات المخدع وقراءة الكلمة ، وما هو هدف حياتنا ورجائنا !!!!

آسف للتطويل ولكن أنا فتحت نقاط هامة جدا أمام الجميع
وهذا مجرد رأي شخصي لي أنا وحدي فقط ، أتمنى أن تتناقشوا فيه بدون انحياز لا لي ولا لغيري إنما تعبروا عن رأيكم الخاص على ضوء معرفة الله وحياة التقوى ، وليس لي وقت أن أذكر كلمات الآباء القديسين عن تربية النفس وسط العالم الذي قادر أن يكشف زيف كل نفس تدعي أن لها الله أب ، وهل هي تعيش لله فعلاً والا لها صورة التقوى كقشرة خارجية تحمي بها كبريائها وعدم الاعتراف بأنها عن صدق بعيدة عن الله وتحتاج إليه فعلاً وعن صدق
النعمة معكم جميعاً آمين

[جوسى]

ميرسى يا مستر ايمن على رد حضرتك اللى بجد فوق رائع
فعلا رد حضرتك جميل جدا
بس بصراحه نفسى اعرف من الناس اللى بيروح بيستفاد و بيحب يروح اجتماع اسرة الكليه بتاعته
ولو مش بيروح ايه هى الاسباب
مستنيه الردو بتاعتكوا
و انا هقول رايى بس بعد ما اشوف الرد بتاعكوا

[aymonded]

شكراً جوسي على ردك الرقيق
وأنا عن نفسي تكلمت في حدود خبرتي الصغيرة مع اجتماعات الأسر زمااااااااااان لما كنت في الجامعة ، ولا أدري كيف هي الآن عن صدق ، وربما أكون أنا مخطئ ، لأني الآن لست على دراية بها لأن آخر مرة اتعرفت على الأسر الجامعية في الجامعة فقط ، وجاوبت من خلال نظرتي في هذا الوقت وسؤالي لكل من كان يحضر فيها وردي أتى بناء على الأجوبة التي سمعتها حين ذاك ، وأيضاً من خلال سؤال بعض الأقارب والمعارف المقربين وبعض من أعرفهم في الجامعة ومشتركين في الأسر الجامعية بل ويخدمون فيها والتي يذهبون إليها من عدة سنوات قليلة ، ولا ادري ما هي التطورات الآن وانتظر راي من يذهب وينخرط فيها ربما يكشف عن ما لا أعلمة بسبب اني تركت الكلية من زمااااااااااااان

النعمة معك ومع الجميع وننتظر راي ذو الخبرة والأستفادة
النعمة معك ومع الجميع آمين

[Team Work®]

انا موافق على رأي استاذ ايمن

شكرا ليك استاذى الغالى

شكرا

[aymonded]

العفو يا احلى هيما والموضوع يستحق الشكر علية اللي كتبة فعلاً
النعمة معك يا احلى غالي في ربنا يسوع
وننتظر راي الأعضاء

[جوسى]

ميرسى ليكوا على ردكوا
و ميرسى لمشاركه هيما فى الموضوع

[اللة يرعانى]

انا بصراحة مكنتش بروح علشان بخلص متاخرة وشكرا ليكو

[Peter elias]

انا مع أسازى ايمن على طوووووووووووووووووووووووو ووووول فى كل حاجة

[nrmo]

اولا شكرا على الموضوع بس مش كل الاجتماعات الجامعيه مش مفيده ولكن فى كتير منها مفيد وانا عن نفسى كنت بروح وبحضرها وفعلا كنت ياستفاد منها بس يمكن الحاجه الوحيده اللى خلتنى انقطع عنها مكانها البعيد بس صدقونى بتبقى مفيده جدا مع احترامى لكلام الاستاذ أيمن انا شايفه ان الاجتماعات الجامعيه بتكون عارفه المواضيع اللى محتاجاها الشباب بس ده مش معناه ان الكنيسه مش بتهتم بالحاجات دى بس بيكون الاهتمام الاكبر فى الاجتماعات دى .