[روبي دلوعة بابا]

هى بالفعل مشكلة متعبة لشباب كتير . وكتير حاولوا يتخلصوا منها لكن فشلوا
وكل واحد فشل يبقى اكيد معملش اللى هنقولوا دلوقتى . عشان كدا بنعمة ربنا اتمنى انك تعطى اهتمام لكل نقطة هنكتبها وتحاول بكل جهدك انك تنفذها كلها لو فعلا عايز تحيا فى طهارة وعفة وتتخلص من عبودية العادة السرية .
بعتذر عن طول الموضوع لكن بالفعل كل كلمة فيه هتفيدك جدا بأذن ربنا
احنا طبعا محتاجين نعمل حاجتين اساسيتين للحل :
1. حلول سلبية ( البعد عن مجال الخطية )
2. حلول إيجابية ( الوقاية الأيجابية )
الحلول السلبية بتتلخص فى انك تبعد عن هذه العادة تماما وما يثيرك نحوها
أما الحلول الأيجابية هى الحياه فى جو روحى كامل يعطيك مناعة اذا إشتدت عليك الحرب عشان تكون عندك المقدرة للمقاومة ولذلك حلنا الأول والأخير هو ربنا فقط
معظم اللى فشلوا انهم يتخلصوا منها كان جهادهم عبارة عن انهم يبعدوا عنها فترة وعن اى اثارة ولكن من غير ما يقربوا لربنا . يعنى كانوا عايزين يرجعوا لربنا من غير ما يكونوا مع ربنا .... !!! بمعنى برده . انهم كانوا بعيدين عن الجو الروحى وقريبين من جو العالم وبالتالى مكنش عندهم اى مناعة للمقاومة يعنى لما يجى الشيطان يحاربهم كانوا يسقطوا مع اول حرب دى كده اول حاجة ممكن تستفيد منها ... انك عشان ترجع لربنا وتتوب لازم تكون مع ربنا بس ومتسبش اى حتة من قلبك للعالم
لو استوعبت بقى النقطة دى كويس يبقى عندنا كده خطين هنمشى فيهم مع بعض
أولا : الحلول السلبية :
فى علاجنا السلبى اكيد فيه فى حياتك دلوقتى حاجات كتير مرتبطة بالخطية وعشان كدا لازم نبدا كل شئ من جديد يعنى مينفعش نرقع الثوب القديم برقع جديدة . إما اننا نعمل ثوب جديد من الأول او يبقى مالوش لازمة تعبك :
1. إيميلك مثلا ربما بيجيلك عليه إيميلات جنسية . لازم تلغيه خالص وتعمل واحد جديد مهما كان الأيميل مهم عندك وعليه حاجات مهمة مش هتكون اهم من أبديتك .
2. خط تليفونك ربما يكون عليه بعض الأشخاص اللى بيكلموك عليه وبيجروك للخطية . لازم ترميه واشترى خط جديد محدش يعرفه منهم . وبردوا مهما كان الأشخاص اللى متسجلين عليه مهمين أكيد مش اهم من السما .
3. جهاز موبايلك نفسه لو عليه اى حاجة جنسية . فرمت الكارت كله وشيل منه الخطية
4. أحفظ حواسك تماما وخصوصا لو كنت فى الشارع . احفظ نظرك ومتبصش على اى بنت ماشية فى الشارع . امشى فى الشارع وكأن محدش فى الشارع غيرك انت وبس
5. الأنترنت نفسه لو كان بيعثرك بمواقع جنسية ابعد نفسك عنها تماما ومتفتحش اى موقع منها وقلل جلوسك قدام الكمبيوتر والأنترنت طالما مش بيفيد عملك او دراستك لآن زيادة استخدامك للأنترنت بدون هدف ولمجرد التسلية هيكون سبب لسقوطك
6. هارد الكمبيوتر بتاعك لو عليه اى افلام او صور جنسية امسحها فورا ومتخليش أى اثر للخطية قدامك . اتخلص من اى شئ ممكن يعثرك .
7. ابعد كمان عن السهر بليل قدام الكمبيوتر والأنترنت عشان الليل بالنسبالك معثر فى الوقت ده يعنى ضرورى تنام بدرى وتصحى بدرى عشان طول ما انت فى النور والشمس افكار الشهوة بتكون قليلة عليك
8. لو كنت بتفتح القمر الصناعى وتتفرج على اى قناه جنسية . امسحها خالص من على القمر عشان لو ضعفت متلاقيش حاجة تساعدك على الخطية بسهولة قدامك
9. أصحابك نفسهم اللى معاك فى الجامعة او المدرسة او العمل لو كانوا بيعثروك بأحاديثهم النجسة او نكتهم السخيفة اقطعهم نهائى من حياتك مهما كانت اهميتهم فى حياتك . لأن أصحابك دول هما اللى ربنا قال عنهم الايه دى " فان كانت عينك اليمنى تعثرك فاقلعها و ألقها عنك لانه خير لك ان يهلك احد اعضائك و لا يلقى جسدك كله في جهنم ( مت 5 : 29 ) "
10. الأفكار النجسة لو حاربتك إياك ان تجارى هذا الفكر الدنس عشان لو تحاورت معاه هتضعف قدامه وبالتاكيد هيجرك فى النهاية للخطية
11. الوقت اللى قاعد فيه لوحدك ومش بتعمل فيه حاجة معينة إما ان تشغله بشئ روحى او تشوف حد تقعد معاه . لأنك لو كنت لوحدك ومش بتعمل حاجة يبقى الشيطان هيتسلى عليك والعقل الفاضى معمل للشيطان
12. عدم الأفراط فى اكل اللحوم والدهون والبعد عن الأطعمة الحريفة والتوابل ( الشطة ) .
13. لا تعطى لجسدك راحة فوق اللازم ولا تكثر فى النوم بطريقة زائدة . ولا تذهب لسريرك للنوم وانت تشعر انك غير محتاج للنوم .
14. من أهم النقط فى كل اللى قلناه ده هى النقطة دى .... أنك مهم جدا تبعد خالص عن جو العالم . " لآن العالم كله وضع فى الشرير والجميع زاغوا وفسدوا وليس من يعمل الصلاح ولا واحد " وانا قصدى بجو العالم ( الأفلام والمسرحيات والأغانى والكليبات والبرامج الهيفة اللى تضيعلك وقتك على الفاضى والمجلات الفنية وووووو...... ) الحاجات دى كلها مفهاش أى استفادة ليك بل بالعكس كلها عثرات وبتفضل تترسب فى عقلك الباطن من غير ما تشعر واول لما تشتد عليك الحرب تقوم تطلع عليك وتضعفك لحد ما تسقطك . لأن معروف ان الأمر الذى لا يفيد روحيا فهو يهدم .
دى بعض النقاط السلبية فى حياتك واللى هدفنا منها انك تبعد تماما عن أى اثارة تجرك فى النهاية للعادة السرية . يعنى بأختصار لو قدرت تعالج نفسك سلبيا من خلال هذه النقاط هتقدر تكمل فى المعالجة الأيجابية اللى هنتكلم عليها دلوقتى ودى الأهم .

باقي موضوع كيفية محاربة العادة السرية

"الحلول الاجابيه" هنا

المصدر: †† ارثوذكس †† - من قسم: كلام فى الممنوع

[elphilasouf]

5. الأنترنت نفسه لو كان بيعثرك بمواقع جنسية ابعد نفسك عنها تماما ومتفتحش اى موقع منها وقلل جلوسك قدام الكمبيوتر والأنترنت طالما مش بيفيد عملك او دراستك لآن زيادة استخدامك للأنترنت بدون هدف ولمجرد التسلية هيكون سبب لسقوطك

كمان لو استثمرنا وقتنا فى الجلوس ع النت
لو كنا هنعقد فى وقت فراغنا فافى كتير منتدايات مسيحيه جميله زي منتدانا المحبوب ده
ارثوزكــــــــــــس
ممكن نستفيد بيه كتير

كمان انا اعرف ديما ان مجرد الفراغ ده بيدي الشيطان فرصه كبيره وسهوله فى عمله

ميرسي بجد يا روبى ع الموضوع
الموضوع جميل وجرئ و مهم جدا
وهيتم تقسيمه ع نصفين لسهوله القرايه

[روبي دلوعة بابا]

ميرسي ليك ياقمر
وربنا يفرح قلبك

[sawsaw]

موضوع مهم جدا
ربنا يباركك ويفرح قلبك

[روبي دلوعة بابا]

المشاركة الأصلية كتبت بواسطة sawsaw موضوع مهم جدا ربنا يباركك ويفرح قلبك

ميرسي ليكي ياقمر وربنا يفرح قلوبنا كلنا

[ZEZOMERO]

بجد موضوع فى غاية الاهمية

بجدالشباب لية مش بتستغل كلالوقت الفراغ غير فىالحاجات الاباحية دى

ممكن يقفو شوية يصلو
يقرائو مزمور على الاقل
يدعى

بجد موضوع جميل اوى اوى

ميرسى يا روبى على الموضوع

[روبي دلوعة بابا]

المشاركة الأصلية كتبت بواسطة zezomero بجد موضوع فى غاية الاهمية بجدالشباب لية مش بتستغل كلالوقت الفراغ غير فىالحاجات الاباحية دى ممكن يقفو شوية يصلو يقرائو مزمور على الاقل يدعى بجد موضوع جميل اوى اوى ميرسى يا روبى على الموضوع

فعلا كلامك اكيد صح يازيزو وياريت بجد كلنا نفوق ونعيش مع المسيح اجمل حياة بجد
ربنا يفرح قلبك وميرسي ليك ياقمر

[ZEZOMERO]

دا الى يحصل يا روبى والكلام دا مش هايحصل بسهولة

لازم وقفة جامدة من كل الى حوالين الشاب
باباة ماماتو

يساعدو كمان فى كدة

دا رائى

[روبي دلوعة بابا]

المشاركة الأصلية كتبت بواسطة zezomero دا الى يحصل يا روبى والكلام دا مش هايحصل بسهولة لازم وقفة جامدة من كل الى حوالين الشاب باباة ماماتو يساعدو كمان فى كدة دا رائى

فعلا رأيك طبعا صح
لكن اهم من دة كلة
ارادة الانسان
ومدي ارتباطة بربنا
ربنا بنور قلوبنا كلنا

[ZEZOMERO]

لو الشاب عايز يتخلص من العادى دة

هاتيخلص منها

دى ارادة زى ما انتى بتقولى

بس الارادة القوية مش عند كل الشباب

فى ناس تقولك انا مستمتع كدة يا عم

فكك من الكلام دا

اية الى انت بتقولو دا

وفى ناس ممكن تتقبل الموضوع بحساسية

وتخاف تتكلم فية مع ربنا

بس لو الانسان عندو ارادة ممكن يحطم الكون